• 《造美人》首播亮點|地盤女「OK」胡靄琪: 我以為嚟做facial扮靚,原來我參加咗選美

  • 發布日期:2021-06-08 15:12
  • 《造美人》首播亮點|地盤女「OK」胡靄琪: 我以為嚟做facial扮靚,原來我參加咗選美

 

ViuTV繼《最後一屆口罩小姐選舉》後,再炮製另類選美節目,昨晚首播集選美和真人騷的《造美人》,充滿笑料兼有睇頭。16位「無添加」參賽者身穿白色運動tube top及緊身褲,身形表露無遺。台上自我介紹後,她們更被要求講出對自己最滿意和最不滿意的部位,然後再由專業團隊選出12位接受「大改造」。

26歲的6號參賽者「OK」(胡靄琪)成首集亮點,曾在地盤打工的她表示以為參加一般「扮靚」節目:「之前無諗到係咁嘅場地,以為係hea」。之後播出她面試時片段,OK表現得慌失失兼傻更更,當專業團隊問他日變靚後,能否貼近步伐?OK答得直接:「都要睇你畀啲咩我先得,唔係你畀我就一定要」,「出色」答案令人哭笑不得。

當強尼再問OK為何參賽,她再流露「真我」本色:「我搞錯咗少少嘢,個(參選召募)post好似好輕鬆:我哋扮靚喇,我哋去做facial。yeah!好開心嘅感覺。點知黐線㗎,之後話我入咗16強,我嚇親。16強?原來我參加咗選美。」不但令主持娟姐(練美娟)爆笑,強尼亦苦笑大叫「搞佢唔掂」。

雖然專業團隊聲稱要「執靚」OK,難度猶如製造穿梭機,不過OK最終亦順利進入12強。從社交平台上載的近照可見,經過「大執」後,OK果然面部皮膚明顯變滑淨,雙眼有神采,微笑時牙肉亦沒有「暴走」,的確幾OK,她的朋友亦留言稱以OK為傲。



《造美人》另一參賽者Miko(歐陽玉婷),是16強中唯一人母,樣貌與《造星III》的K Lau(劉瑞祈)似足九成。「夢想」多多的她,希望經過節目進行大改做,包括令蘋果肌飽滿、去橙皮紋、成功減肥、抽脂及豐胸等....。最終憑其強勁親和力順利過關殺入12強,連主持強尼都主動表態:「好願意同你交朋友。」

而昨晚順利入圍的「美人」,除OK及Miko外,還有Kathy(張育玲)、 Shweta(林珊妮)及AB(劉兆汶)。

昨晚首集《造美人》,6號OK直率的性格,令人哭笑不得,最終入選12強。
OK看過自己變靚的P圖後哭起來。
+7 變靚後的OK,樣貌明顯大有改善。
昨晚首集《造美人》,6號OK直率的性格,令人哭笑不得,最終入選12強。
OK看過自己變靚的P圖後哭起來。
變靚後的OK,樣貌明顯大有改善。
面試時的OK,表現慌失失兼傻更更。
另一參賽者4號Miko,樣貌被指與《造星III》的K Lau(劉瑞祈)相似。
K Lau劉瑞祈
首集中入圍的參賽者還有Kathy(張育玲,圖),Shweta(林珊妮)及AB(劉兆汶)。
 Shweta(林珊妮)
AB(劉兆汶)
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多