• 老公遭貼街招被指成日打友誼波 小飛俠林燕玲求財務自由:女人應該快樂又有錢|自己有樓收租

  • 發布日期:2021-06-09 00:01

 

前TVB主播、有「小飛俠」之稱的林燕玲,今年5月5日的42歲生日時,老公葉浩文被貼街招贈慶,大致內容是指她老公亂搞男女關係。 不過一如去年葉浩文傳背老婆出軌,跟13年落選港姐周依婷約會一樣,林燕玲繼續選擇相信他。

目前她只想一歲多的兒子葉星辰健康成長,自己則努力達到財務自由,認為有錢想做甚麼都可以:「現代女人,就應該是快樂又有錢的。」

 林燕玲強調跟丈夫感情好,一家三口仍然溫馨。
林燕玲強調跟丈夫感情好,一家三口仍然溫馨。
今年5月5日林燕玲42歲生日時,老公葉浩文被貼街招。
今年5月5日林燕玲42歲生日時,老公葉浩文被貼街招。
葉浩文:一向都會錫老婆

葉浩文:一向都會錫老婆

當日贈慶街招貼滿葉浩文任職的保險公司樓下,內容話:「我真係恭喜你,你老公……仲喺公司亂搞男女關係,成日打友誼波……葉浩文好生性,偷食完抹乾淨嘴先返屋企,真係好男人……。」

近日葉浩文如常返回尖沙嘴辦公室,但變得低調,午餐時獨自去買外賣。他向本刊表示:「成件事交咗畀律師處理。」問到可會錫番老婆?他說:「我一向都會。」
 早前為丈夫慶祝生日,在半島撐枱腳。
早前為丈夫慶祝生日,在半島撐枱腳。
兒子出世後,林燕玲便將心思放在他身上。
兒子出世後,林燕玲便將心思放在他身上。

至於林燕玲向來維護老公,今次只表示已報警備案。事實上,自兒子出世後,她便將心思放在他身上,同時加倍努力事業,搞好自己的「小飛俠健康百貨」,希望達到財務自由。

不想依靠老公,全因她出身小康,慣了靠自己。讀科大時,她跟胡杏兒是同學,一個去選港姐,一個先在港龍做空姐,再在TVB當上主播。

之後林燕玲輾轉成為渣打銀行認股證銷售副董事,後來渣打裁員,將她整team人裁掉。
 雖已42歲生日,但林燕玲Keep得不錯,仍然吸引。
雖已42歲生日,但林燕玲Keep得不錯,仍然吸引。
物業已供斷長線收租
物業已供斷長線收租
林燕玲轉投林建岳,任職麗新集團傳訊事務副總裁。前年決定不做打工仔,轉去開「小飛俠工作室」做老闆。可惜發展一般,幸好早年在股巿有收穫,加上08年金融海嘯後買將軍澳物業收租,她透露樓價早已倍升,同時已供斷,用來長線收租。

做人做事及投資,她也想穩中求勝。

「我去到邊都係由頭學起,無諗過人哋點睇自己,但有時自己都有啲睇唔起自己,所以我做每份工,都會好努力爭取升職,會主動問上司、老闆點樣先可升職呀,我爭啲乜嘢?我唔係想做商界女強人,只係想攞一份肯定。」她說。
 兩夫婦都愛跑步,有共同興趣。
兩夫婦都愛跑步,有共同興趣。
努力保持愛情感覺
努力保持愛情感覺
唯有婚姻,不能單靠個人努力。她跟葉浩文早年由朋友介紹認識,二人同樣從事金融業,在大學均修讀生物化學,志趣相投。她認為夫妻要保持愛情感覺,保鮮很重要。

「以前我哋冇玩IG,唔識影相,之後就買咗部相機一齊玩,有共同嗜好好重要。好似佢join跑步隊,我又一齊跑,大家認識到一班新朋友;去吓event,等生活多啲衝擊,唔係返工放工咁刻板。」

她欣賞老公做事夠堅持,「讀書對佢嚟講係好容易嘅事,相反我就麻麻哋,有時會容易放棄。我成日問佢,佢打拳打咁叻做咩,又唔係比賽,佢話要突破自己,做出成績。一段關係大家互相補足,咁先係好事。」

林燕玲一直努力為婚姻保溫,希望葉浩文識珍惜啦!

林燕玲努力維繫婚姻。
林燕玲努力維繫婚姻。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多