• 曾收8毫子糧單|《造星III》帶挈關嘉敏半年吸金六位數 轉投邵氏慳住使迫巴士買平衫

  • 發布日期:2021-06-08 00:01

 

女子組合Bingo成員關嘉敏Carman,上年參加了Viu TV節目《全民造星III》之後,成功彈起。憑住靚樣同好身材,而家已經成為廣告界新寵。原來剛剛出道時,Carman曾經收過8 亳子糧單:「之前都嘗試過一個月收入得8毫子,其實我返到屋企係喊㗎!」



人氣急升,最近Carman更獲邵氏垂青,簽約成為旗下藝人,隨即被網民指她倒戈,Carman解釋說:「呢啲都係公司嘅決定,咁我始終都係簽咗公司嘅一個Artist,咁我都要尊重公司嘅決定。」收入雖然有增長,不過,日前《壹仔》見到Carman依然好慳家,出入迫巴士,更到平價日本品牌GU置裝,揀足一個鐘,挑選了一大堆戰利品,埋單$500有找!

躋身《造星III》廿強

躋身《造星III》廿強

入行5年的關嘉敏,擔任女子組合Bingo的隊長,有「翻版周秀娜」之稱。不過,卻一直被人當作「花瓶」,冇乜代表作。直至上年參加Viu TV舉辦的《全民造星III》,Carman成功擠身廿強,可惜在準決賽當晚,遇上強敵陳葦璇,Carman最終出局。雖然落敗,但有唔少網民都戥佢唔抵,大讚她有超水準表現。
入行5年的關嘉敏,擔任女子組合Bingo的隊長,有「翻版周秀娜」之稱。
入行5年的關嘉敏,擔任女子組合Bingo的隊長,有「翻版周秀娜」之稱。
在《全民造星III》的準決賽當晚,Carman遇上強敵陳葦璇,最終出局,不過唔少網民大讚她有超水準表現。
在《全民造星III》的準決賽當晚,Carman遇上強敵陳葦璇,最終出局,不過唔少網民大讚她有超水準表現。
認對CY有好感

認對CY有好感

憑住《全民造星III》,唔止令Carman事業有起色。比賽期間,Carman更搵到真愛。有指26歲的Carman同「神經刀」CY秘密撻著,更被人目擊在港鐵依偎,事後Carman都直認對CY有好感。地表示:「咁我同佢係互相有好感嘅! 因為有好感所以先多咗傾偈,出下街咁囉!」
掃平價日系時裝
掃平價日系時裝
不過,日前Carman相約昔日《造星》戰友,包括富二代旨呈同Odi 歎下午茶兼shopping,就未見CY蹤影。開餐之後,兩位女仕去了一間平價日本時裝店掃貨。一向走開型格路缐的Carman,專攻男裝,更逐件試上身,之後再揀了幾對襪,同埋一件價值$79一件的打底背心。買了一堆戰利品,合共$500有找。置完裝,Carman再去買飯團做晚餐,然後迫巴士返歸,認真慳家。
日前Carman相約昔日《造星》戰友,包括富二代旨呈同Odi 歎下午茶兼shopping,期間未見緋聞男友CY蹤影。
日前Carman相約昔日《造星》戰友,包括富二代旨呈同Odi 歎下午茶兼shopping,期間未見緋聞男友CY蹤影。
Carman到了一間平價日本時裝店掃貨,選購了一件價值$79一件的打底背心。
Carman到了一間平價日本時裝店掃貨,選購了一件價值$79一件的打底背心。
一向走開型格路缐的Carman,專攻男裝,更逐件試上身。
一向走開型格路缐的Carman,專攻男裝,更逐件試上身。
Carman去買飯團做晚餐。
Carman去買飯團做晚餐。
最後迫巴士返歸,十分慳家。
最後迫巴士返歸,十分慳家。
收入大幅增長
收入大幅增長
其實自從參加《造星》後,近半年,Carman的收入遠遠比以前多。出道初期,試過8亳子糧單,Carman嘗試解釋8毫子的由來:「我係屋企匿埋喊咗好耐,但我都冇同屋企人講,啱啱出道冇耐嗰時,當時有五個成員,咁公司抽咗之後,搭車、化妝全部扣晒再除5,所以就得返8毫子。 」以昔日收入毫子計,Carman現在的收入絕對有十萬倍增,每次出席活動有5位數字酬勞,而且深受廣告商歡迎,有化妝、護膚品,甚至安全套都有。據知,Carman現在每個月收入有5萬以上,近半年已經吸金六位數字,同以前的「超低工資」相比,增幅非常理想。
自從參加《造星》後,Carman每次出席活動都有5位數字酬勞。
自從參加《造星》後,Carman每次出席活動都有5位數字酬勞。
早前Carman拍攝安全套廣告。
早前Carman拍攝安全套廣告。
簽邵氏被指倒戈
簽邵氏被指倒戈 之但係,最近Carman選擇簽約邵氏,隨即被網民圍攻。據知,Carman的唱片公司「天盟娛樂」老闆顏培意,跟樂易玲關係要好。早前,陳展鵬亦都簽約成為旗下歌手。另一方面,Carman亦被唔少TVB 監製睇中,想邀請她拍劇,所以在顏培意的穿針引線之下簽約邵氏。對於網民嘅不滿,Carman坦言覺得唔開心:「其實真係好唔開心,首先呢樣嘢唔係我話到事。點解我喺《全民造星》表現得好,你哋會支持我,但係去到另一個台嘅時候,你會覺得我好差,咁我覺得呢樣嘢係令到我最唔開心,好似抹煞左我好多努力。其實我覺得我而家嘅處景,我做乜應該都會俾人話。」
Carman的唱片公司「天盟娛樂」老闆顏培意,跟樂易玲關係要好,在他穿針引線之下,就簽約邵氏。 
Carman的唱片公司「天盟娛樂」老闆顏培意,跟樂易玲關係要好,在他穿針引線之下,就簽約邵氏。 
Carman被唔少TVB 監製睇中,想邀請她拍劇。
Carman被唔少TVB 監製睇中,想邀請她拍劇。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多