• 專訪|Mike導中學細粒奀瘦冇女吼 操肌追女 19歲初戀:後來靠運動磨練意志

  • 發布日期:2021-06-05 00:02
  • 專訪|Mike導中學細粒奀瘦冇女吼 操肌追女 19歲初戀:後來靠運動磨練意志

 

不受女同學歡迎

不受女同學歡迎

雖然由舊作到《ERROR自肥企画》,Mike導(劉諾衡)都打格上陣,但爆肌身形卻一直表露無遺,加上滿佈紋身,又是運動健將,攀石、獨木舟水球、行山、潛水等等,樣樣皆能,上天下海乜都得,縱使面孔平凡,仍憑型格勁「吸粉」。

但一個型導的練成,是由不受女同學歡迎開始。現在光芒四射的他,中學時期細粒奀瘦,毫不起眼。

「讀書時絕對唔係風頭躉,同埋我係比較遲發育,所以中學階段細粒奀瘦,又經常阻住同學上堂,係完全唔受女同學歡迎。」他說。

作為「死亡行星」、「鳳凰不死鳥」的始作俑者,他說雖然讀書時百厭,但創作腦袋未開啟,在校內不是整蠱專家,而且性格慢熱不自動。「雖然依家大家喺電視見到我好似好黐線、好玩得,但其實我真人比較慢熱。」

Mike有運動員的意志,做事專注有目標。(攝影: Agent.L)
Mike有運動員的意志,做事專注有目標。(攝影: Agent.L)
現在擁有健碩身型的Mike,中學時卻是奀瘦男孩,他說當時外形極不受女同學歡迎。
現在擁有健碩身型的Mike,中學時卻是奀瘦男孩,他說當時外形極不受女同學歡迎。
愛行山,又愛潛水,上山下海乜都得。
愛行山,又愛潛水,上山下海乜都得。
遲來初戀

遲來初戀

熱愛運動,除因天生運動細胞澎湃,其次理由,Mike坦率搞笑地說:「好似做gym操大隻,係想結識異性,呢個係真嘅,因為我好大個先開始拍拖,初戀係十九歲。本身我唔係靚仔,外貌已經唔係特別好睇,不如試吓操大隻,睇吓可唔可以有啲女仔會鍾意,呢個係其中一個原因,哈哈!當然之後無再放喺心上,只係專心做運動,一來運動改變身型,二來絕對可以磨練一個人嘅意志,我係深信呢一點。」

在《自肥》中,他被193爆有女友,事後Mike亦承認,還說另一半不是投其所好的運動型女孩。

「雖然我女友唔係好動型,但我欣賞佢性格,一動一靜反而配合得好好」感情事,講到呢度,Mike導嗌:「停!」
被193踢爆有女友,Mike事後大方承認,雖然女友不是好動型,但他說性格好是吸引之處,二人一凹一凸,好夾。(攝影: Agent.L)
被193踢爆有女友,Mike事後大方承認,雖然女友不是好動型,但他說性格好是吸引之處,二人一凹一凸,好夾。(攝影: Agent.L)
Mike熱愛大自然,故他執導節目《美女郊遊遊》、《大海男兒》,都帶出香港美麗自然景色,在《ERROR自肥企画》更一於自肥,其中一集與幕後出海尋找白海豚。
Mike熱愛大自然,故他執導節目《美女郊遊遊》、《大海男兒》,都帶出香港美麗自然景色,在《ERROR自肥企画》更一於自肥,其中一集與幕後出海尋找白海豚。
諗頭多多的他,去年開創香港美女行山節目,兩位靚主持著住三點式行山呢幕,宣傳片一出,已令觀眾引頸以待。
諗頭多多的他,去年開創香港美女行山節目,兩位靚主持著住三點式行山呢幕,宣傳片一出,已令觀眾引頸以待。
率性的Mike,坦言17、18歲努力做gym是為追女仔,「我初戀好遲,19歲。」
率性的Mike,坦言17、18歲努力做gym是為追女仔,「我初戀好遲,19歲。」
獨木舟水球港隊成員

獨木舟水球港隊成員

由奀瘦男孩,將自己打造成健碩紋身男,簡直如他在《花姐ERROR遊》,常掛在口邊一句:「做男人要有氣勢!」

「自己覺得男子漢大丈夫,好多時候係可以靠氣勢去取勝,唔打得都可以先嚇吓人。趁記得補充少少,經常講呢啲說話,其實係對主持嘅催眠,有時候逼到佢哋經常掛喺嘴邊,當佢哋需要突破自己嘅時候,就真係會有用,呢啲其實係商業秘密。」
操到一身肌肉,加埋紋身,粉絲眼中的型男。胸膛那句紋身:「You only get one shot」,是Mike喜愛的Rapper Eminem,主唱電影《八里公路》主題曲《Lose Yourself》的歌詞。
操到一身肌肉,加埋紋身,粉絲眼中的型男。胸膛那句紋身:「You only get one shot」,是Mike喜愛的Rapper Eminem,主唱電影《八里公路》主題曲《Lose Yourself》的歌詞。
因拍《美女郊遊遊》認識一班攀石高手,近年攀石成為他醉心運動,且感染埋團隊成員Agent.L及RainP一齊玩。
因拍《美女郊遊遊》認識一班攀石高手,近年攀石成為他醉心運動,且感染埋團隊成員Agent.L及RainP一齊玩。
他不愛主流風格,中三開始玩的獨木舟水球,亦屬冷門運動,曾經打到成為港隊成員。

「我人生中最好嘅朋友都係玩緊呢個運動,到近一、兩年,因為疫情先少咗接觸。完全無諗過做職業運動員,因為都非常現實,香港做運動員支援唔多,唔容易有出路。唔好話做運動員,本身曾經代表香港出外比賽,但全部自費,喺香港做運動員係好可憐,所以當娛樂咁去玩就算。」

撰文:S.Lo / Stephanie

相片提供:Agent.L
Mike運動細胞澎湃,中三時開始參加獨木舟水球。
Mike運動細胞澎湃,中三時開始參加獨木舟水球。
划艇不忘有肥鴨相伴,果然好貪玩。
划艇不忘有肥鴨相伴,果然好貪玩。
他是前港隊成員,2號仔球衣,曾代表香港出國比賽。
他是前港隊成員,2號仔球衣,曾代表香港出國比賽。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多