• 專訪|26歲屋邨仔Mike導翻轉視圈:我有一個信念,其實只要肯做就會做到

  • 發布日期:2021-06-05 00:01
  • 專訪|26歲屋邨仔Mike導翻轉視圈:我有一個信念,其實只要肯做就會做到

 

近期將一潭死水的電視業,如打通任督二脈般復甦的ViuTV《Error自肥企画》導演Mike,人氣比得上ERROR。

屋邨仔出身,讀完Higher Diploma,邊工作邊報讀part-time學位,26歲的他從來不是贏在起跑線。

「本身住喺公屋,係香港典型基層家庭,唔係中產。」他說。

無權無勢的草根年輕人,卻翻轉了娛樂圈。

「我有一個信念,好多時覺得自己做唔到一啲事情,但實際上係做到嘅。好多人會俾第一個印象影響,覺得自己一定做唔到,到最後就真係做唔到,但其實只要肯做,就一定會做到。」他說。

說到尾,這不是我們熟悉的香港精神嗎?

要養家非打風流工

要養家非打風流工

出身背景很普通,是家中長子要養家,並非打風流工,但Mike導(劉諾衡)總是開朗有禮,思想、言行比實際年齡成熟,說話會想後果,不是只看眼前的人。

《自肥》被網民封為香港綜藝神作,他變成視界神話,竄紅程度及得上ERROR四子,IG在不足一個月由幾千followers,跳升至13萬,又有「格仔餅」(Fans)為他成立「格仔mike導絕對應該有應援會」。

其實《自肥》是他為港人打氣的節目,用歡笑聲送走沉鬱。他在節目中,總是有話想說的,未來還想挑戰劇集和電影。
Mike是家中長子,養家同時要追夢不容易。他在節目帶出「致:一直在堅持的人。」相信包括他。 (攝影:Agent.L )
Mike是家中長子,養家同時要追夢不容易。他在節目帶出「致:一直在堅持的人。」相信包括他。 (攝影:Agent.L )
當日視ViuTV為追夢踏腳石,最後變「落地生根」。
當日視ViuTV為追夢踏腳石,最後變「落地生根」。
視名氣如浮雲

視名氣如浮雲

對於備受網民追捧,接受本刊電話訪問時,Mike導說:「我覺得係節目做得好嘅實在證明,我喺節目中多咗出鏡時間的確係設計,屬於production design,但結果爆紅就係意外收穫。」

他強調:「我一定唔覺得自己係偶像,因為好清楚自己始終屬於幕後,雖然我經常喺節目中出鏡,只為節目效果,但另一方面都會盡番做幕後嘅本份,就係專心準備下一個節目。」

早從藝人身上,看透名氣是虛無。「喺電視台工作幾年,見過好多唔同藝人,我覺得名氣唔會永遠長存,加上社交媒體主導嘅年代,其實好快就會消失,我諗一兩個月之後大家就會討論其他事情,所以自己會以平常心去面對。」
這張工作型仔相,是193操刀。
這張工作型仔相,是193操刀。
成廣告商新寵
成廣告商新寵
不過,此刻他卻是廣告商新寵,Mike導承認:「的確有好多人接洽,有啲淨係搵我嘅,亦有啲想搵番我哋整個團隊。接拍嘅準則?酬勞雖然係考慮因素,但我更著重嗰件產品,俾唔俾到我創意發揮,而唔係品牌有幾大,因為呢啲對我嚟講都係bonus,暫時又唔係要靠呢啲搵食。」
念念不忘,必有迴響!《Error自肥企画》改寫香港電視歷史,幕後主腦Mike與一眾功臣「「無制限OT編集団」,人氣比得上ERROR,成為廣告商新寵。
念念不忘,必有迴響!《Error自肥企画》改寫香港電視歷史,幕後主腦Mike與一眾功臣「「無制限OT編集団」,人氣比得上ERROR,成為廣告商新寵。
獲啟蒙老師肯定
獲啟蒙老師肯定
在節目中有如整蠱專家,但他讀中學時並非搗蛋份子,甚至自覺無甚創意。直至讀多媒體課程時,被曾任廣告導演的老師讚幽默,首獲肯定,他才知自己有點鬼才。

「嗰位老師最近搵番我,話有睇我嘅節目,覺得好好。我就話畀佢知,佢係我嘅啟蒙老師。」

Mike導認為自己的創意屬後天培養,「細個正常地喜歡星爺,無咩特別影響,但可能有小部分埋藏喺內心啩。中學時期開始睇好多網上嘅片,好無聊嗰啲,吸收咗好多好奇怪嘅創意。尤其依家做媒體,好多時候咩嘢資訊都要吸收,不管好與壞。當時都算睇好多日本片,好流行節錄一小部分搞笑短片,然後上載互聯網。」

多看多吸收,「內化」之後再創作。直至《花姐ERROR遊》,他有權主理整個節目時,「嗰啲奇怪想法就一發不可收拾,早期創作係憑感覺行先,有時候未必會先諗規矩,只要創作人直覺認為啱feel就會去做,我係屬於嗰類型嘅創作人。試過有時候只得我一個好堅持,團隊其他人都覺得唔啱,但我都會堅持要去做。當然唔會好多,因為我都算係一個會同大家商量嘅人。」
讀多媒體課程時,他被曾任導演的老師讚幽默,首獲肯定,才知自己有點鬼才。最近對方透過fb聯絡「重逢」, Mike開心跟他說:「你係我啟蒙老師。」
讀多媒體課程時,他被曾任導演的老師讚幽默,首獲肯定,才知自己有點鬼才。最近對方透過fb聯絡「重逢」, Mike開心跟他說:「你係我啟蒙老師。」
作為「死亡行星」、「鳳凰不死鳥」的始作俑者,Mike的天馬行空,他說是後天培養。
作為「死亡行星」、「鳳凰不死鳥」的始作俑者,Mike的天馬行空,他說是後天培養。
視Viu為踏腳石
視Viu為踏腳石 其實最初加入ViuTV,並非對電視業有任何抱負,反而是他追夢的踏腳石。他高中已熱愛運動及大自然,常看動物紀錄片,立志要當國家地理頻道的攝影師。多媒體高級文憑課程畢業後,看到國家地理頻道招聘節目助理,可惜需要大學學位,於是他猛然醒覺,即報讀part-time學位,同時找一份相關工作半工讀,待畢業後總算有兩年工作經驗,可以有份靚履歷。

「搵工時見Now TV聘請PA,當時心諗Now TV好少製作,一定好得閒,非常適合我半工讀嘅情況。」

誰知一踏Viu門深似海,變成「落地生根」。

「加入Now之後,就調派咗去籌備中嘅ViuTV,返工第一日已經要為《慳D啦Honey》出街買道具,就咁開始,一直做到依家。」注定「今世做電視」!



當日為他面試的,正是花姐。

「見工時仍以為係見Now TV嘅PA,入到去就見到花姐,佢話嚟緊會變ViuTV免費電視,當時覺得轉免費電視都無咩特別,都係TVB獨大啦!但之後我嘅學位defer咗兩年,因為工作比想像中更忙,一開始工作就失晒控。」

Mike導不認為,當時花姐對他刮目相看。

「當時我仲未有機會展現自己,只感覺到嘅係佢好需要人手,因為當時我可以好快上班,我覺得係呢個原因,所以佢請咗我,同埋可能我比較年輕,擔擔抬抬都無問題。」
熱愛大自然的他,至今仍未放棄拍大自然為題材的夢想。
熱愛大自然的他,至今仍未放棄拍大自然為題材的夢想。
他分享拍《大海男兒》時,被很多外在因素影響,無法到達心目中的島。當初他夢想的「島」,是成為國家地理頻道攝影師,最後卻在ViuTV闖出一片天,世事往往有驚喜!
他分享拍《大海男兒》時,被很多外在因素影響,無法到達心目中的島。當初他夢想的「島」,是成為國家地理頻道攝影師,最後卻在ViuTV闖出一片天,世事往往有驚喜!
22歲獲花姐破格升導演
22歲獲花姐破格升導演 入ViuTV年半後,花姐發現當時22歲的他是可造之才,破格升職。

「決定批准我升職時,係完全未見過我拍嘢,但就係因為我嘅剪接,開始受賞識。通常導演負責剪片,但如果節目時間比較鬆動,就會畀PA試下。佢哋慢慢發覺我嘅剪接同一般人比較唔同,我嘅出發點係有啲特別,剪節目《胸×計》時,花姐發現我剪得唔錯,然後好快晉升我為導演。」

他口中跟一般人不同,就是別人眼中當草,他覺得是寶的Behind The Scence畫面。鏡頭外,藝人和幕後的平常對話,往往真情流露,那份真令Mike動容,於是人棄我取。之後在他執導的作品,無論是《全民造星》、《花姐ERROR遊》、《美女郊遊遊》,或剛播完的《自肥》,一直保持這風格,觀眾相當受落。
操到一身肌肉,加埋紋身,粉絲眼中的型男。胸膛那句紋身:「You only get one shot」,是Mike喜愛的Rapper Eminem,主唱電影《八里公路》主題曲《Lose Yourself》的歌詞。
操到一身肌肉,加埋紋身,粉絲眼中的型男。胸膛那句紋身:「You only get one shot」,是Mike喜愛的Rapper Eminem,主唱電影《八里公路》主題曲《Lose Yourself》的歌詞。
年輕紮職如何服眾
年輕紮職如何服眾 但年紀輕輕便躍升為導演,不易服眾。

「我諗每個導演都需要經歷,就係其他人會唔會唔相信自己,身邊人通常都比自己年長,尤其我呢啲比較年輕,就成為導演嘅人。

啱啱升職嘅時候,有啲攝影師已經工作咗二十幾年,會覺得你教我拍攝?但過咗半年至一年,當大家見到我嘅作品,睇得出有冇用心,咁樣講雖然好似好簡單,又好老土,但有時候確實只需要做好自己,有能力就唔需要再特別做其他事情,咁樣講好似讚緊自己,哈哈!我無接受過一啲好難堪嘅遭遇,所以都算幾幸運。」

事實上,「無制限OT編集團」裡,統領的他比戰友編劇麥可暉(28歲)和AGENT L(28歲)還年輕。
 入ViuTV年半,才22歲的Mike已躍升為導演。年輕,不易服眾,花了半年,終以能力令別人心服口服。(攝影:Agent.L )
入ViuTV年半,才22歲的Mike已躍升為導演。年輕,不易服眾,花了半年,終以能力令別人心服口服。(攝影:Agent.L )
不怕壓力不愛鬧人
不怕壓力不愛鬧人 觀眾睇《花姐ERROR遊》捧腹大笑,但Mike拍攝當時,極之痛苦。壓力令人成長,是Mike導的經驗總結。

「《花姐ERROR遊》對我嚟講係一個苦難,因為當時啱啱升導演,好多地方做得唔好,令拍攝氣氛好緊張,好多甩漏,花姐喺背後又有好大壓力,好多項目都覺得唔好睇。因為設計得差,所以要今日諗聽日嘅拍攝內容,每日可能七、八點就要開始拍攝,直至夜晚九、十點,全部人沖完涼就繼續開會,準備聽日拍攝,真係開會開到三、四點,然後瞓兩個鐘,第二日又開始拍攝。《ERROR遊1》基本上每一日都係處於一個咁樣嘅狀態,自從經歷完呢個節目,睇到自己不足之處有太多,尤其《ERROR遊1》,對於我同團隊嚟講,係有出乎意料嘅成長。原來經歷一啲好辛苦嘅事情,係可以令人成長。」

從此,工作無論有多艱苦,他都開心面對,苦中作樂。他開工還有一個原則----唔好黑面。「其實我係一個好希望維持到整個團隊,能夠愉快拍攝氣氛嘅人,甚少會鬧人,當然唔代表我好腍善,但唔知點解好多PA都好驚我。亦有人曾經話我有親和力,不過我聽完就算。」

不喜歡鬧人,只因他當PA的日子,見得太多鬧人的場面。

「我望住一啲經常好惡鬧人嘅人,佢哋可能好叻,但我見到佢哋,又唔想自己成為嗰種人。我覺得現時大家信服我,其中一個原因,就係我唔係嗰種人,唔係乜嘢都會鬧嗰種人。」

若遇到PA出錯,「我會用鬧嘅反面,取笑佢哋,希望透過取笑,可以令佢哋記住自己曾經做錯。繼而再俾一個好明確嘅方向,教佢哋點樣做。」

他珍惜每個隊友,「喺香港電視業工作嘅人都唔係為錢,而我係其中一個,我都係追求緊暫時自己認為值得嘅工作。的確會好沮喪,年中有好多人因為人工而選擇離開,即使外表睇我哋拍攝好似好好玩,都無辦法挽留呢啲人。」
觀眾睇《花姐ERROR遊》捧腹大笑,但Mike拍攝當時,感覺苦難,自此學懂工作多艱辛,都要開心面對。
觀眾睇《花姐ERROR遊》捧腹大笑,但Mike拍攝當時,感覺苦難,自此學懂工作多艱辛,都要開心面對。
Mike導開工不愛鬧人,只因他當PA的日子,見得太多鬧人的場面,而他在同事眼中,是具親和及凝聚力的上司。(攝影: Agent.L)
Mike導開工不愛鬧人,只因他當PA的日子,見得太多鬧人的場面,而他在同事眼中,是具親和及凝聚力的上司。(攝影: Agent.L)
後記:Agent.L之謎
後記:Agent.L之謎
當PA時,Mike導是《晚吹.真PK》不出鏡的「測試專員」,專測試接受大懲罰的挑戰事項,有次他要測試把手腳放入放滿曱甴的保鮮袋,再用膠紙密封,然後親手打死踩死曱甴。對於一生最怕曱甴的他來說,恐佈程度,不下於他要193挑戰千隻曱甴上身。但硬著頭皮完成任務後,Mike發現自己從此脫胎換骨,有一種恐懼感離開了他。

到他執導節目,便把「測試專員」角色搬到幕前,第一輯由幕後肥仔負責,到之後由Agent.L(編導曹梓冲)出任,「一來慳budget,二來下屬容易話為。」

在《自肥》中,Agent.L角色發揚光大。Mike導說:「造型其中一個靈感來自《Matrix》嘅Agent Smith,咁啱扮Agent.L嘅同事叫Alfred,同埋中文名叫旅遊特工,而Agent.L就代表Agent旅遊(旅字拼音是L字頭)。」
當PA時,他為《晚吹:真PK》做埋測試專員,測試惡頂的懲罰挑戰。到他執導的節目,這角色索性搬到幕前。
當PA時,他為《晚吹:真PK》做埋測試專員,測試惡頂的懲罰挑戰。到他執導的節目,這角色索性搬到幕前。
《花姐ERROR遊1》測試專員肥仔,因之後轉行,故第二輯由助導AGENT.L接捧,並發揚光大。
《花姐ERROR遊1》測試專員肥仔,因之後轉行,故第二輯由助導AGENT.L接捧,並發揚光大。
Mike以外,AGENT.L是《自肥》另一受歡迎幕後,Mike在訪問親解「AGENT.L」來由。
Mike以外,AGENT.L是《自肥》另一受歡迎幕後,Mike在訪問親解「AGENT.L」來由。
撰文:S.Lo / Stephanie

相片提供: Agent.L
關於保錡又負變正! 外界覺得「無制限」功不可沒。 「而家叫做幫到佢係有啲意外!最初團隊內部一致決定,雖然拍得保錡,就應該要幫佢,但我哋都互相提醒,唔可以全部項目只係想表現保錡有幾好、希望改過,我哋唔想太hard sell地話俾觀眾知,佢點樣有悔意,所以點解會安排一啲奇怪項目俾佢挑戰,遙遙項目佢做唔到,我哋照樣剪出街。」
關於保錡又負變正! 外界覺得「無制限」功不可沒。 「而家叫做幫到佢係有啲意外!最初團隊內部一致決定,雖然拍得保錡,就應該要幫佢,但我哋都互相提醒,唔可以全部項目只係想表現保錡有幾好、希望改過,我哋唔想太hard sell地話俾觀眾知,佢點樣有悔意,所以點解會安排一啲奇怪項目俾佢挑戰,遙遙項目佢做唔到,我哋照樣剪出街。」
「當然佢都有靠自己努力,片石仔項目好厲害,一次就過關。佢爆喊嗰啲畫面唔係我哋俾稿,真係佢自己表現出嚟,我哋又剪輯到,觀眾亦受落,所以都係一個幾好嘅意外收穫。」
「當然佢都有靠自己努力,片石仔項目好厲害,一次就過關。佢爆喊嗰啲畫面唔係我哋俾稿,真係佢自己表現出嚟,我哋又剪輯到,觀眾亦受落,所以都係一個幾好嘅意外收穫。」
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多