• 《傑少煮意》|蔡一傑邀胡楓做嘉賓 89歲修哥講失身

  • 發布日期:2021-06-03 16:30
  • 《傑少煮意》|蔡一傑邀胡楓做嘉賓 89歲修哥講失身

 


去年初,蔡一傑在網絡平台成立《傑少煮意》,以視頻方式分享入廚心得,累積近12萬的訂閱戶,傑少在新一輯《傑少煮意》中,除了跳出廚房進行外景拍攝,更邀請重量級嘉賓、以89歲高齡再度踩入紅館開演唱會的修哥(胡楓),同席還有草蜢兩位成員蔡一智及蘇志威,陪修哥開餐。

平日「煮」意多多的傑仔,卻因首次在鏡頭前為嘉賓準備佳餚美食,而搞到拍攝前一晚失眠,最後他索性清晨五點起床準備食材。

修哥得悉即加以安慰:「我同你剛好相反,我噚晚係咁多個月嚟最好瞓嘅一晚,一來見到朋友開心,二來見到珊珊姐(林珊珊)個名,所以我一嚟到要攬吓你,講真,傑仔係草蜢三個人之中同我聯絡最多嗰個,所以我真係好開心。」

私下與修哥亦師亦友,傑仔說:「其實請修哥做嘉賓有兩個原因,第一個原因係年頭修哥生日,但因疫情,無機會同佢慶祝,第二個原因係知道修哥再喺紅館開演唱會,所以決定call埋兩個兄弟,同修哥慶祝吓,我今日準備嘅餸比較簡單,唔想修哥開騷前食得太heavy,所以我會煮一個炒粉絲蝦同埋番茄薯仔湯,另外我親自包咗啲咸肉糭,送俾修哥食。」此時修哥一手拍枱扮嬲:「你有糉(種)!」玩食字,89歲仍然轉數快。

拍攝期間,蔡一智與蘇志威準備了一堆尖銳問題考驗修哥,其中一題要他講出「何時失身」,時間地點人物都要交代清楚,原本揸鑊鏟專心下廚的傑仔,也馬上罷工走到修哥身邊八卦。正所謂薑愈老愈辣,修哥一招四両撥千斤,避開初夜話題,反讚傑仔在他心目中是最佳廚藝高手,還開金口獻唱劉美君的《一雙舊皮鞋》,修哥真係醒!

蔡一傑知道修哥再喺紅館開演唱會,所以決定call埋兩個兄弟,同修哥慶祝吓。
蔡一傑知道修哥再喺紅館開演唱會,所以決定call埋兩個兄弟,同修哥慶祝吓。
蔡一傑私下與修哥亦師亦友。
蔡一傑私下與修哥亦師亦友。
首次在鏡頭前為嘉賓準備佳餚美食,蔡一傑在拍攝前一晚失眠。
首次在鏡頭前為嘉賓準備佳餚美食,蔡一傑在拍攝前一晚失眠。
蔡一智、蘇志威準備了一堆尖銳問題考驗修哥,其中一題要他講出「何時失身」。
蔡一智、蘇志威準備了一堆尖銳問題考驗修哥,其中一題要他講出「何時失身」。

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多