• 富二代親手幫保錡通淋巴|10億「美容女王」母移居新加坡 《造星》旨呈接手現代美容: 望搣甩黑店標籤

  • 發布日期:2021-06-03 07:00

 

娛樂圈改朝換代,由Viutv《全民造星》出身的Mirror及Error紅遍樂壇,連帶一眾參賽者都摱車邊愈來愈多人留意。已經在音樂圈子打滾了一段日子、36歲的鄺旨呈便是其中之一,憑藉參加去年《全民造星III》打開知名度獲得不少演出機會,如《學神出沒注意》中揸巴士,演唱了港式Bollywood電影《我的印度男友》主題曲《印度咖喱因乜呢》,早前紅爆的《ERROR自肥企画》節目中更親自落手落腳為ERROR成員保錡通淋巴兼脫毛,挑戰電視尺度,「笑死」觀眾。

老是常出現的旨呈,除了是歌手、藝人,旨呈還有另一個身份,上市公司現代健康科技(前稱現代美容)(919)的「10億繼承人」。新一代藝人與過去藝人不同,因為夠「真」而獲得香港人喜愛,這個新一代的「富二代」亦不怕被標籤,勇敢直視自己的身份,即使其銷售手法一直為人詬病,而網民大罵「黑店」,他亦不介意,大方與網民用真身份在網上對話,希望他接手後,會改變大眾其公司的看法,「我會盡量將呢啲嘢,年青化同埋用冇咁核突嘅模式去呈現俾大家睇,等大家更加容易接受到。」旨呈更趁機邀請財經作家渾水處男下海,親身體驗其公司的美容服務,開拓另類市場。

傳統美容業要在新時代下求存,自然要靠新方法。旨呈留意到財經作家渾水亦有追看《ERROR自肥企画》,便主動邀請他來現代美容「做機」,渾水今次亦不介意將肚皮暴露人前,雙方都豁出去。渾水大讚旨呈有sense,「譬如我呢啲人應該同美容院絕緣,你同我講話部機整到有幾靚,腹肌你話整8舊,其實我興趣唔係好大,但你捉咗保錡出嚟,大家玩膠、玩cult,哇!我即刻超有興趣,即係你撈咗一啲本身係市場客戶群以外嘅人都突然走返入市場。」

雖然當日是他們第一次見面,但渾水已經非常放心地將自己身體交給旨呈。旨呈笑言會幫未入過美容院的渾水「起雙飛」,分別體驗臉部facial及增肌減脂的儀器,令渾水大感新奇。閒聊間,渾水和旨呈笑談「姐姐」葉劉淑儀保養得好,渾水更表示「話唔定呢個(增肌減脂)搞掂之後可以介紹佢嚟。」

近來知名度高了,旨呈亦識利用這一點,推「旨呈服務套餐」,由他親自為客人服務:「我盡我能力都會服務所有搵我嘅客,呢個我其中一個加入嘅新項目,就係你去現代美容,如果你想搵旨呈,係搵到!」雖然沒有節目中的按摩及推淋巴服務,但對從小就在公司蒲的旨呈來說,不論facial至啪骨他亦無難度。

被揭富貴太子爺身份

被揭富貴太子爺身份

在參加《全民造星III》時,旨呈被花姐公開其富貴太子爺身份,「最初極度驚,喺人哋嘅角度覺得,我係想發明星夢。」他自言媽媽教他做人要低調,然而節目播出後,旨呈被舊事重提,「講我以前點樣夾band唔返工,或者淨係返嚟簽個名」,更包括這單新聞---「現代美容」少東鄺旨呈,駕駛集團名下一輛約值150萬元頂級保時捷四驅車前往滑水,途中在鰂魚涌東區走廊遭一輛私家車撞及致失控鏟上石壆撞欄,再跌落路面滑行八米。」不過,現在的他,駕駛著的是平價Toyota 七人車,方便開工用。

他被標籤「10億太子爺」,但現已學會不介意:「可能啲人設定我係10億,但其實唔係,係有20幾、30億。其實係個天開咗一個新模式俾我去經營自己,呢個朵可能唔係一個好好嘅朵,姐喺我角度係一個曬命嘅朵,我亦都唔會係人哋面前講我係10億。因為我真係冇,個10億唔係我,個10億係我啊媽,關我咩事姐係咪先。」

他的媽媽是有「美容女王」之稱原名曾庚蓮的曾裕,1985年已在港從事髮廊兼美容生意,1996年成立首間現代美容中心,2006年在香港上市,現時以信用卡分期付款購買美容療程的模式,當年便是由她首創出來。最好景時期在本港開設達30多間分店。新加坡及內地仍有分店,近日醫美概念細價股的升勢強勁,現代健康科技亦有受惠,爆升23.2%,市值為3.12億元。旨呈形容媽媽做生意「快狠準」。「有個人嚟合作,我同佢傾一開頭合作,點樣做好一盤生意,娘親唔係,娘親同果個人一傾,就傾緊點樣上市,點樣將上市果啲資金轉為佢嘅資金。」
繼承人Mon post 了解市場 望搣甩黑店標籤

繼承人Mon post 了解市場 望搣甩黑店標籤

不過,曾裕亦是惹火新聞人物,其公司多年來的硬推銷手法、療程安全等一直被人投訴,然而要使用服務時,預約無論「星期一至日」都難過登天。三年間,逾五十個客戶入稟法庭向現代美容追討,因而不時被指為黑店。

作為「繼承者」,旨呈希望用自己的力量去挽回聲譽,他努力「mon post」:「每一個留言我都有睇,對於現代美容一啲過往嘅風氣 、或者意見,我全部都有收納。所以我宜家唯一即刻將要做嘅嘢就係,點樣透過自己宜家嘅影響力去改變公司嘅一啲方向。」過去的事無法再改變,但新人事有新作風,「我冇唔開心,反而我好希望點樣運用我宜家嘅方式,去改變過往嘅人對我哋公司、對我哋服務嘅睇法。」他希望接手後,主力搞一些不hard sell的銷售:「我宜家仲係度同管理層去磨合緊,因為我覺得銷售手法呢一個都好講求佢哋每一個分店嘅生存之道。 點樣令到呢一樣嘢去由黑變返做白呢?呢我哋唔係黑,只不過係每個人生存之道,有啲人會接納唔到呢一種hard sell嘅模式。」

他自中三、四開始便在公司幫忙,需要逐個部門去了解運作。「基本上我每一個部門,甚至去到係街派傳單,我都有做過。呢個過程差唔多有7個月,我係喺條街度派傳單,個陣時嘅我係開頭都會問,點解要落嚟派傳單呢?但後期諗諗下點解唔身體力行,係最低嘅地方去面對自己感覺嘅嘢,有咩咁大不了,跟住派派下,咦!原來都幾開心。」旨呈直言自己以前非常不合作,媽媽要「逼佢嚟返」,「尤其係單親嘅關係,變咗我係一個冇咩人理我嘅生活環境長大,冇咩人理我底下,變咗我自己好模棱兩可,唔知自己想點樣,直到我開始玩音樂,就開始調轉咗成個人。」

嚴師出高徒,媽媽作風凌厲,「娘親佢嚴到,我諗如果你真正講,我曾經有段時間,到宜家有一段時間都係我薪金係好低,因為佢要我去體驗下點樣去用我辛苦勞力,比如我要去派lucky draw去搵到啲生意先可以拆帳嘅事,佢俾8000蚊人工我一個月。跟住我就要透過佣金、透過sell客,去搵返我自己應有嘅人工,咁佢對我每一刻都好苛刻。但佢苛刻得嚟,佢會提供,即我同佢一齊住,我就唔使擔心生活嘅問題,但佢係做嘢工作嘅角度嚟講,佢係對我非常之嚴苛。」

要交接整個美容事業王國,仍需一段時日,「我諗暫時都係,我係我嘅領域做好我自己,令到宜家公司點樣可以年輕化啲,而娘親就會仍然去監控住一間公司基本運作。娘親本身係一個超級厲害嘅女強人,去到宜家側邊可能你鏡頭以外見唔到,有好多部電視機,其實佢每日都仍然會zoom住同我哋去開會,仲要咁大個電視望住佢個樣。」多年後的今日,旨呈的收入依然貼地,「娘親對我都係好嚴苛嫁宜家,無論你點做都係得5位數字。」更指朋友都笑稱他是最坎坷的富二代!
媽媽至今仍不支持音樂夢
媽媽至今仍不支持音樂夢
在美容生意之前,其實旨呈更愛玩音樂,25歲第一次接觸音樂,竟然因為美容公司同事。「有好幾個之前嘅伙計、朋友隊枝吉他叫我學,你喺屋企冇嘢做,不如攞枝吉他彈下,彈下彈下、學下學下,就投身咗音樂。跟住就自己同啲隊友、同事組咗隊band,最初係同我後父啊!」後來他逐漸認真想從音樂方面走下去,但媽媽卻覺得他走火入魔了。

「果時夾band娘親比較傳統啲,佢覺得夾band就係好曳,個陣時啲衣著、服飾都比較反叛,會著到好hysterics (歇斯底里) 戴哂條鏈、戴耳環。佢覺得壞,但喺我角度,我認為做好一樣嘢,俾到佢睇到個成就,佢係應該會開心。我相信因為我跟咗佢咁多年,佢生我嘅,都知啊媽嘅性格。」直至旨呈後來在一個創作音樂大賽上拿獎,媽媽才開始對他改觀。

然而,媽媽至今仍然反對他的音樂夢,「佢都會問我一樣嘢,你能唔能夠做到好似劉德華咁?你如果冇嘅話,點解你唔跟我做生意,仲好啲。因為我呢度只要你肯做,你搵嘅錢、搵嘅資源會好過係出面咁樣做。我呢度係幾個億,你呢?你唔使錢都幫人做喎宜家。」在這個話題上,他們多年來仍然進行緊拉鋸戰,幸好雙方一人退一步,媽媽亦願意放手讓他出去闖,不過旨呈強調媽媽多年來從沒在音樂上給予經濟支持,只因不想被人當作「用錢堆砌音樂出來」。
哥哥是我命根
哥哥是我命根
雖然出生於富裕家庭,但因為媽媽曾裕在愛情路上經歷三段婚姻,令旨呈的成長與眾不同。「因為我娘親係一個生意上比較出名嘅女強人,如果有留意佢故事,佢都經歷過幾段婚姻,咁呢幾段婚姻其實係我自己角度嚟講,當然我好支持娘親。」曾裕年輕時的首任丈夫為姓莫的內地人,育有一子,但在來港定居後,隨即離婚。直至做美容起家,與第二任丈夫鄺炳申合資開設美容院,誕下旨呈,惟兩人在1998年離婚。終於在2000年邂逅第三任丈夫,比她年輕13年的新加坡特約演員李守義,婚後曾裕更誕下3名女兒。

「我有個同母異父嘅哥哥,佢由細到大有自閉症同埋輕度弱智,智商係得4歲,變咗哥哥由細到大都係我照顧。」因為哥哥莫家豪的與眾不同,令他深深感受到世界對弱能人士不一樣的眼光。 「好多身邊嘅人點樣對我呀哥嘅冷眼,喺條街到我呀哥佢情緒爆發,啲人以為佢冇嘢,跟住告佢。直情指住佢嚟鬧,你冇弱智,你唔好係我面前扮嘢,以為佢真係個啲非禮、變態。我遇到好多呢啲官司案,一齊陪同佢上庭嘅時侯呢,我係好無奈地覺得點解個世界咁嘅。」

令他最震撼的一次,是哥哥情緒病病發的時候,「佢攞把刀『行』住自己,而身邊啲人係攞部電話影。」隨著自己的知名度越來越高,旨呈越發擔心哥哥的安危,「我反而調返轉擔心佢嘅安危,因為佢係我命根。」曾裕近年舉家移民至新加坡,只剩旨呈跟哥哥仍留在港,令他堅持留下的,皆因捨不得這個土生土長的地方。

撰文:梁汶惠

攝錄:梁正平、王命源
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多