• 《我的印度男友》成家宏操8嚿腹肌完主角夢:同陳欣妍激吻最有energy

  • 發布日期:2021-06-04 12:00

 

今年初,蕭若元一句「香港電影已死」,惹來莫大迴響,雖然不少人認為「港產片」不能與8、90年代的黃金時期相提並論,但有心人一直都在。



港產新片《我的印度男友》,找來印度裔導演Sri Kishore操刀,以香港作為「基地」,拍出具「Bollywood」味道的港產片,同時起用名不經傳的新人成家宏(Karan Cholia)做男主角,從中可窺見電影老闆的勇氣及堅持。

20歲的成家宏,土生土長的印度裔香港人,能操流利廣東話,他解釋中文名字由來:「我嘅英文名係Karan Cholia,小學時期中文老師幫我改呢個名,我都想繼續用,因為好好聽,直接翻譯為成家宏,本身無咩特別意思。」



自小夢想做演員的成家宏,除了擔任模特兒,亦不時幫朋友拍短片。雖說機會留給有準備的人,不過,自認為準備就緒的成家宏,差點因身形做不成男主角。



「因為拍咗一條商業短片,導演要求見我,當時我仲係肥嘟嘟,佢話同個角色好大出入,之後我用咗一個月時間減肥,做健身keep fit,操到有八嚿腹肌,唔知減咗幾多磅,因為我無計算,只係不停做運動。之後,佢再見到我一張新相,於是叫我面試,傾完偈,佢叫我留長頭髮配合角色,就係咁樣拍到呢部戲。」成家宏細說始末。



夢想成真,不難想像那份喜悅,成家宏回想接到消息那一天:「覺得好開心,跑到去一個空曠地方大叫『我得到喇!』,因為夢想成真所以好開心。」不過拍攝過程,也非完全順利,為要配合戲中的Bollywood風格,成家宏要苦練跳舞外,更因為社會事件及疫情影響,他說開拍日期一拖再拖:「好多學生上街示威,無地方可以拍攝,因為我哋想拍香港景,所以無辦法進行拍攝,周圍都有好多人示威。之後發生疫情,全部人要戴口罩,又係好難拍攝,所以都等咗好耐。」
《我的印度男友》雖說是港產片,但由印裔導演Sri Kishore操刀,令影片帶有Bollywood風格。
《我的印度男友》雖說是港產片,但由印裔導演Sri Kishore操刀,令影片帶有Bollywood風格。
男主角成家宏最初因身型較胖,而被導演嫌棄。
男主角成家宏最初因身型較胖,而被導演嫌棄。
經過一個月運動,成家宏練出8嚿腹肌。
經過一個月運動,成家宏練出8嚿腹肌。
港印演技撈埋用

港印演技撈埋用

成家宏喜歡電影,但甚少留意香港的電視節目,他說平日喜歡看Netflix:「我其實好少睇電視,只會喺手機睇Netflix。拍呢套戲時好順利,係因為有睇香港同印度電影,然後將兩種元素混入戲中,令自己拍得好舒服。」



《我的印度男友》不但令成家宏夢想成真,在戲中,他更完了不少香港男性的夢想,有機會與女神陳欣妍(Shirley)激吻。他自言這場戲,是他最難忘的其中一幕:「有兩場戲,一場係同Shirley咁專業嘅演員喺的士車廂錫嘴,因為嗰場戲,令電影增加好多energy。第二就係巴士嗰一幕,我要追住Shirley坐嗰架巴士,由早上跑到黃昏六點,跑到幾乎斷氣,全日不停跑,我差啲都要放棄,不過見到其他人堅持,鼓勵我叫我加油,所以就撐到落去。」
家人反對港女友
家人反對港女友
戲中成家宏與Shriley的一段情,令觀眾看得肉緊。現實中,他也曾經有一位香港女友。



「我同一個香港女仔拍咗五年拖,由中二拍到中六,因為大家就讀唔同學校,最後散咗,嗰個係我初戀女友。其實開始時,屋企人係反對嘅,但唔算好激烈,如果我想結婚都應該問題不大,不過我哋兩個唔夾,所以最後都係分手。」他透露現時有拍拖,但女友並非「港女」。
與陳欣妍激吻一幕,成家宏坦言令整部戲更有energy。
與陳欣妍激吻一幕,成家宏坦言令整部戲更有energy。
另一場追巴士戲份,成家宏由早上跑到日落,令他印象難忘。
另一場追巴士戲份,成家宏由早上跑到日落,令他印象難忘。
成家宏夢想成為演員,不時為朋友拍攝短劇。
成家宏夢想成為演員,不時為朋友拍攝短劇。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多