• 8月好事近|馬國明搬離太古城阿媽寓所 進駐湯洛雯半億愛巢預習新婚生活

  • 發布日期:2021-05-10 00:01
    最後更新日期
    :2021-05-10 07:56

 

馬國明和湯洛雯盛傳今年8月拉埋天窗,雖然二人將婚期守口如瓶,不過行動就係最好證明,兩人親密關係近日已經升級,馬明上月底拍畢《白色強人2》由深圳返港,已低調搬入準外父送贈靚湯作為嫁妝的半億愛巢,與靚湯過同居生活,爭取時間享受二人世界。

上週三(5月4日)靚湯生日前兩天,馬明孖實女友由馬鞍山愛巢出發,到紅磡探靚湯父母,大婚好日子指日可待!唔知到時公布婚期會唔會來個雙喜臨門呢?

5月4日下午五時許,馬明駕駛其黑色Benz載靚湯由「雲海別墅」出發,去靚湯父母位於紅磡的寓所,探訪外父外母。
5月4日下午五時許,馬明駕駛其黑色Benz載靚湯由「雲海別墅」出發,去靚湯父母位於紅磡的寓所,探訪外父外母。
泊低車後,靚湯率先下車再從後座攞出兩袋外賣,被問到生日如何和馬明慶祝,靚湯就話要保密!
泊低車後,靚湯率先下車再從後座攞出兩袋外賣,被問到生日如何和馬明慶祝,靚湯就話要保密!
快將由「最佳男友」變「最佳老公」的馬明,當然要照顧好身邊準老婆,入完咪錶的他便好自然從靚湯手上接過兩大袋外賣,唔使靚湯操勞。
快將由「最佳男友」變「最佳老公」的馬明,當然要照顧好身邊準老婆,入完咪錶的他便好自然從靚湯手上接過兩大袋外賣,唔使靚湯操勞。
秘密辦婚事

秘密辦婚事

鑽石筍盤馬國明,自去年6月公開認戀TVB上位小花湯洛雯後,一直備受外界祝福,除了雙方家長開綠燈,身邊朋友亦不停催婚,早已確認彼此是對方的Mr&Mrs Right ,緣訂一生當然要珍惜眼前人,年初馬明向女友湯洛雯求婚成功,二人亦依循長輩之命已著手籌備婚禮。

雖然快將好事近,不過得身邊好友教路,兩人有共識低調辦婚事,有見身邊的好兄弟蕭正楠與黃翠如成功瞞婚一年先公開婚訊,就連馬明在《鐵馬尋橋》中的大哥鄭嘉穎,當年娶陳凱琳雙喜臨門都係埋門一腳先公開,一對準新人亦學到嘢,一於封嘴低調行事。
慶祝一浪接一浪,靚湯在生日前夕,先和好姊妹朱千雪、岑杏賢、蔡思貝和楊秀惠開party慶生!
慶祝一浪接一浪,靚湯在生日前夕,先和好姊妹朱千雪、岑杏賢、蔡思貝和楊秀惠開party慶生!
翌日靚湯在社交網上載相片,可見大堆火鍋食物擺滿一枱,相信當晚是與父母吃火鍋提早慶生
翌日靚湯在社交網上載相片,可見大堆火鍋食物擺滿一枱,相信當晚是與父母吃火鍋提早慶生
靚湯父母唔做電燈膽

靚湯父母唔做電燈膽

早前壹仔率先踢爆兩人將於8月拉埋天窗 ,又拍到靚湯密密到父親送贈二人,位於馬鞍山的半億豪宅「雲海別墅」睇裝修,不過堅持低調的靚湯,就只透露新居與家人同住,否認馬明都會搬入同居。

據知手上擁有多個物業的湯爸爸湯鎮宗,同太太都未有搬入靚湯的馬鞍山愛巢做女兒電燈膽,仍住在紅磡寓所,反而同靚湯感情要好的妹妹湯樂瑤,就有跟家姐和準姐夫同住互相照應。不過,雲海別墅Lily Avenue是複式洋房,面積有二千多呎,加上洋房有獨立花園,大把私人空間畀靚湯、馬明享受二人世界。
同樣愛宅的馬明靚湯,由外型到性格都襯到絕,二人公開戀情即成「被認定的一對」, 婚事全城期待!
同樣愛宅的馬明靚湯,由外型到性格都襯到絕,二人公開戀情即成「被認定的一對」, 婚事全城期待!
唔想打擾女兒同準女婿的甜蜜二人世界,湯爸爸湯媽媽未有跟隨女兒一同搬入馬鞍山「雲海別墅」,仍然住在紅磡舊居。
唔想打擾女兒同準女婿的甜蜜二人世界,湯爸爸湯媽媽未有跟隨女兒一同搬入馬鞍山「雲海別墅」,仍然住在紅磡舊居。
回港即搬家
回港即搬家
上月初愛巢裝修大功告成正式入伙,當時靚湯亦有在社交網透露獨自搬入豪宅,更因搬屋不小心整親,人在深圳開工的馬明當然心痛,亦有在社交網留言慰問。原來廿四孝女友夠晒細心,趁男友在深圳拍劇,自己預先佈置好安樂窩,等男友回歸進駐做男主人。

上月底馬明在深圳拍罷《白色強人2》,飽受兩個月相思之苦,返港已急不及待立即搬家,搬離與父母和家姐同住的太古城寓所,搬入馬鞍山愛巢陪女友。既然已經落實婚期攞正牌,預習定新婚生活也是時候。
孝順仔馬國明出名錫媽咪,曾經講過婚後希望能同媽咪一起住,不過馬媽媽對準新抱湯洛雯滿意度一百分,亦開綠燈御准兒媳另築愛巢。
孝順仔馬國明出名錫媽咪,曾經講過婚後希望能同媽咪一起住,不過馬媽媽對準新抱湯洛雯滿意度一百分,亦開綠燈御准兒媳另築愛巢。
深得未來奶奶歡心
深得未來奶奶歡心
成功將「天然呆」馬明改造變浪漫情人的湯洛雯,未入門已經深得未來奶奶歡心,曾經講過婚後希望與媽咪同住的馬明,更得馬媽媽御准同靚湯另築愛巢。據馬明身邊好友透露:「靚湯性格開朗又細心識得尊重長輩,同馬明拍拖之後,會成日陪馬明返屋企探馬媽媽,每次去馬明屋企,又會主動入廚房幫吓手,馬媽媽對呢杯新抱茶不知幾滿意,馬明年紀唔細,既然都搞緊婚禮,佢亦冇反對個仔搬出去住,最緊要個仔同新抱仔開心,快啲生番個孫仔畀佢湊就得!」
早在今年二月,壹仔拍到靚湯獨自駕車到馬鞍山「雲海別墅」睇裝修,細心打點愛巢設計和佈置,相當緊張!
早在今年二月,壹仔拍到靚湯獨自駕車到馬鞍山「雲海別墅」睇裝修,細心打點愛巢設計和佈置,相當緊張!
性格內斂的馬明,遇上靚湯後連性格都煥然一新,經常與女友隔空互動放閃,更超級有幽默感!早前到深圳拍《白色強人2》,便帶同靚湯送贈的訂情小馬公仔同行隔離。
性格內斂的馬明,遇上靚湯後連性格都煥然一新,經常與女友隔空互動放閃,更超級有幽默感!早前到深圳拍《白色強人2》,便帶同靚湯送贈的訂情小馬公仔同行隔離。
去年聖誕兩人一起出席朋友的聖誕party,合照時頭貼頭黐到實十分甜蜜。
去年聖誕兩人一起出席朋友的聖誕party,合照時頭貼頭黐到實十分甜蜜。
上週三(5月4日)下午五時許,馬明靚湯甜蜜現身,馬明駕駛其黑色Benz,載住靚湯一同離開馬鞍山愛巢,驅車直達靚湯父母位於紅磡的寓所,二人將車泊在屋苑後門停車場出入口外的街上錶位,同馬明以黑白情侶裝襯到絕的靚湯率先下車,再從後座攞出兩大袋外賣,而在司機位的馬明則整頓一輪再攞住銀包下車入咪錶。

被問到正日生日兩口子如何慶祝,靚湯保持神秘不肯透露:「畀番啲秘密我哋!」馬明亦同女友口徑一致話保持神秘,不過就好有禮貌回應記者「多謝關心!」專注入完咪錶的馬明,即細心接過女友手上外賣,對女友呵護備至,之後兩人並肩行入屋苑,上樓前還有禮貌同記者揮手講拜拜。

曾經講過同馬明都好鍾意小朋友的靚湯,亦曾透露婚後會不設防造人,甚至會因為生B而退出,睇嚟情投意合的馬湯戀,好快會由二人世界變三人世界。不過近日靚湯忙於拍攝新劇,做人妻人母前都要完成埋套劇先!
馬明在靚湯生日當天,以代表二人的定情公仔示愛,單睇獨角獸錫住小馬公仔就知有幾甜蜜!
馬明在靚湯生日當天,以代表二人的定情公仔示愛,單睇獨角獸錫住小馬公仔就知有幾甜蜜!
盛傳八月迎娶女友湯洛雯過門的馬明,原來已低調搬入外父送贈二人的馬鞍山「雲海別墅」愛巢,與靚湯預習新婚生活。
盛傳八月迎娶女友湯洛雯過門的馬明,原來已低調搬入外父送贈二人的馬鞍山「雲海別墅」愛巢,與靚湯預習新婚生活。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多