• 60+1「最靚外婆」余安安捱過單親養育辛酸 感觸落淚:硬淨係迫出嚟!

  • 發布日期:2021-05-09 00:01

 

單親媽的淚腺

單親媽的淚腺

有八分一英國血統的余安安,可以話係靚足一世。現屆61歲,即將從「靚媽」身份,步入「最靚婆婆」,迎接乖孫的來臨。

過去她經歷兩段婚姻重創。 83年與周潤發哥只維持9個月的夫妻關係,之後跟第二任丈夫李萬祺的16年婚姻,陪伴對方捱過破產患難,最終卻因一件「女人最不能忍受嘅事」而離婚收場。然而這些傷痕,都沒令余安安在人前掉淚,只有她獨力帶大的兩個寶貝女,才觸動這位堅強單親媽的淚腺。]

俗語有云,養子100歲,長憂99,對兩個女全然付出的她,確實沒甚麼可比得上看著女兒幸福的欣慰。說到此,原本從容的余安安,突然深呼吸一口,𣊬間淚盈於睫。

「見到兩個女獨立,終於放低好多掛慮,唔使我再擔心。大女有老公,細女有男朋友,希望佢快啲成家立室,咁所有事情都圓滿,而家仲爭細女。不過我又唔覺得要結婚先算完滿嘅,我亦唔敢同佢提(結婚)呢樣嘢。只要男朋友錫佢,佢開心我就好安樂。」余安安哽咽說。

 曾經息影十年,親力親為湊女。03年失婚後,復出拍戲,獨力供養女兒出國完成大學,今日見證她組織家庭到成為人母,余安安這位單親媽的辛酸與欣慰,從感觸落淚的一幕,表露無遺。
曾經息影十年,親力親為湊女。03年失婚後,復出拍戲,獨力供養女兒出國完成大學,今日見證她組織家庭到成為人母,余安安這位單親媽的辛酸與欣慰,從感觸落淚的一幕,表露無遺。
憂心的事

憂心的事

「點解剛才有一刻感觸呢!因為真係有辛酸,養育佢哋呢十幾年,係有辛苦嘅時候,所以有時諗起就會……我好難講清楚點辛酸,只不過作為一個單親媽媽,照顧兩個小朋友,其實係一個人面對所有事情。生活上總有難題,唔一定係經濟上,而係好多好瑣碎嘅事要處理,例如教育、學業,出出入入,每晚好夜至返,要坐喺度等佢,憂心唔見咗佢,好多呢啲問題,加上咁多年自己一個去面對,所以剛才你問到,而家某程度上係咪會比較放心,嗰一刻我就諗番咁多年所經歷嘅嘢,而家終於可以放低一下,就一時間有啲感觸。」33歲任職律師的長女文琪,組織幸福家庭,六月將成人母,安安姐榮陞外婆;30歲幼女文騫,發展她的飲食事業,兩個女生活安穩。
 她為TVB首當節目主持《日日媽媽聲》,拍住另外兩位媽媽羅敏莊及陳凱琳,三個不同年齡的母親經驗,好有火花。
她為TVB首當節目主持《日日媽媽聲》,拍住另外兩位媽媽羅敏莊及陳凱琳,三個不同年齡的母親經驗,好有火花。
懷孕時好alert

懷孕時好alert

為母則強,更可況是單親媽媽。其實由懷孕一刻,余安安已啟動宇宙級母性。「因為小朋友喺肚裡面成長,有好多事情都會好擔心,會發噩夢同驚慌,紮醒嘅時候出晒汗。同埋當時陀第一胎曾經作小產,要瞓床幾個月,所以好alert,有啲神經質,經常摸吓佢有冇郁、有冇心跳,有時候感覺佢踢少咗,就會叫佢郁下啦!呢啲媽媽懷孕嘅心理壓力,爸爸係唔會知道。」
 她說:「陀第一胎曾經作小產,要瞓床幾個月,個人好alert,有啲神經質,經常摸吓佢有冇郁、有冇心跳,有時候感覺佢踢少咗,就會叫佢郁下啦!」
她說:「陀第一胎曾經作小產,要瞓床幾個月,個人好alert,有啲神經質,經常摸吓佢有冇郁、有冇心跳,有時候感覺佢踢少咗,就會叫佢郁下啦!」
得女兒老師的肯定
得女兒老師的肯定
其實外型潮爆的她,內裡是百份百傳統女人,婚後以家庭為重,息影十年,專心相夫教女。

「我對家庭任何事都好上心,即使佢哋嬰孩時期,我都暫停工作十年。事事親力親為,精神同身心各方面,我唔會話係疲累,不過係要好專注,但我又好享受、好開心。」

當時外界眼中的少奶奶,實情是日日親力親為湊女的靚師奶。「當時停工,專心照顧小朋友,我每日都會去學校,因為做家教會義工,經常有好多活動,例如同佢哋讀書、講故事、去旅行。我最記得有位班主任同我講,佢話作為老師,好容易睇到邊啲小朋友由媽媽照顧,邊啲小朋友由工人姐姐照顧,而我的確係親力親為,所以覺得好值得。」
 為栽培女兒全然付出,注重親子關係的余安安,最大的回報,就是母女之間無所不談的深厚感情。
為栽培女兒全然付出,注重親子關係的余安安,最大的回報,就是母女之間無所不談的深厚感情。
學琴的身教
學琴的身教
她說做每件事出發點,都以兩個女為先,至今不變。當年學琴,為想透過身教,引導女兒好好練琴。「我知道練琴過程好悶,點樣可以吸引佢練琴呢?就唯有我自己去學琴,然後練習,我唔會叫佢練琴,但到咁上下,佢會慢慢坐埋嚟一齊練,然後我就行開,由佢繼續,呢個方法變咗我唔需要迫佢,佢又覺得好似好得意,無形中我就用身教去鼓勵佢做呢件事。」
 當年余安安學琴,為的是想透過身教,引導女兒好好練琴。
當年余安安學琴,為的是想透過身教,引導女兒好好練琴。
keep fit為親子
keep fit為親子 就連fit到漏的身形,余安安持之以恆keep幾十年,幕前工作需要是其次,為下一代才是重點。

「第一因為我有家族性心臟病,年紀到咁上下,就覺得應該好好照顧自己身體。第二因為當時生咗小朋友,我知道某程度上一定要有個好體能,先可以同佢哋有更密切嘅親子關係,例如同佢哋滑雪、打波、游水,如果我唔fit咁點做?所以我好努力去強健自己體魄,開始做gym,開始咗之後基本上就無停過,到而家身體好至可以繼續照顧啲孫,所以希望將體能盡量延長啲。」
 余安安出名保養好,當年以兩女之母展現的泳裝look,將fit到漏的身形表露無遺。原來她keep fit能持之以恆,最大原因是為下一代。「要有好體能,先可以同佢哋有更密切嘅親子關係,可以陪佢哋滑雪、打波、游水。」
余安安出名保養好,當年以兩女之母展現的泳裝look,將fit到漏的身形表露無遺。原來她keep fit能持之以恆,最大原因是為下一代。「要有好體能,先可以同佢哋有更密切嘅親子關係,可以陪佢哋滑雪、打波、游水。」
母兼父職的挑戰
母兼父職的挑戰 曾因相夫教子息影十年,之後活躍Ball場,更成為Ball后,同樣是為家庭,當時她幫助在公關界發展的丈夫打江山而復出。家,對於她而言,是全然擺上,花盡心思,可惜跌到的地方,也是家庭。

03年與第二任丈夫離婚,為照顧兩女,余安安復出拍戲。一個女人,獨力供養女兒出國完成大學,可想而知單親媽的擔子有多重!加上當時大女15歲,正值青春期,細女12歲,對於母兼父職的余安安,是挑戰。

「好多人都會話,兩夫婦嘅時候,角色總會係一黑一白,有問題發生,或者同小朋友有拗撬嘅時候,有個人可以緩衝,同小朋友傾吓,情況唔使咁僵。當無咗呢個角色,就要睇自己點處理。最深刻一次就係嗌交,你知道反叛期有時候都比較難處理,呢個好正常,當時我唔知道點樣處理,好傷心又唔知點算好。因為當時無咗一個幫手緩衝嘅人,最後我決定寫信俾個女去緩衝事情,好彩都行得通。」

「幸而我剛才講嘅情況,其實好少發生,我兩個女一直係好生性好乖。」
 03年與第二任丈夫李萬祺離婚,當時大女15歲,正值青春期,細女12歲,對於母兼父職的余安安,是挑戰。
03年與第二任丈夫李萬祺離婚,當時大女15歲,正值青春期,細女12歲,對於母兼父職的余安安,是挑戰。
 為母則強,更可況是單親媽媽,余安安說:「我嘅硬淨係迫出嚟!」
為母則強,更可況是單親媽媽,余安安說:「我嘅硬淨係迫出嚟!」
跟母親一樣 硬淨是迫出來
跟母親一樣 硬淨是迫出來 關於余安安的背景,只有少許資料提供,父家有英國血統,且是大戶人家,她是孻女,排行第七,兒時父母離異,她隨母親生活。上一代都是單親家庭,媽媽的硬淨,對她影響甚深。

「雖然我嘅童年,後來都係單親,但因為媽媽悉心照顧,所以我都開心嘅,我覺得呢方面都有幾大關係。媽媽係一個思想開通、開明嘅人,畀小朋友好大自由,所以我哋係生活得好開心。」

她說媽媽那個年代,面對單親的一切,比她更艱難。「所以媽媽真係好叻,非常硬淨。」問她的硬淨,或多或少,是否承傳母親,她說:「呢啲都係迫出嚟!我本身比較柔弱,應該話係一半半,唔係十分柔弱嗰種,又唔會係太硬淨,呢方面都係訓練返嚟,環境迫成,不過都OK。」
 余安安是單親媽,同樣也來自單親家庭。在她眼中,媽媽是個硬淨又開明的女人。
余安安是單親媽,同樣也來自單親家庭。在她眼中,媽媽是個硬淨又開明的女人。
 她說上一代不懂表達愛,對余安安而言,係一種缺失,故她對下一代,從不吝嗇。「佢無同我講I love you,只係到我好大個嘅時候,覺察到呢樣嘢對仔女關係好緊要,所以主動同媽媽講:『我好愛你!』,然後佢呆咗,覺得有少少尷尬。之後講多幾次佢習慣咗,好開心好接受。我而家會日日對住啲女講I love you,講電話、見面、講再見之前都一定會講。」
她說上一代不懂表達愛,對余安安而言,係一種缺失,故她對下一代,從不吝嗇。「佢無同我講I love you,只係到我好大個嘅時候,覺察到呢樣嘢對仔女關係好緊要,所以主動同媽媽講:『我好愛你!』,然後佢呆咗,覺得有少少尷尬。之後講多幾次佢習慣咗,好開心好接受。我而家會日日對住啲女講I love you,講電話、見面、講再見之前都一定會講。」
 女兒希望她找到伴侶,但60+1的余安安,認為伴侶不重要,她說:「最緊要自己開心,好多朋友又好鍚我,根本唔會悶。」
女兒希望她找到伴侶,但60+1的余安安,認為伴侶不重要,她說:「最緊要自己開心,好多朋友又好鍚我,根本唔會悶。」
母女美國走失爆喊
母女美國走失爆喊 「如果你話硬淨,我諗最深刻一次,就係送細女去美國讀書,當時我對美國環境唔熟識,亦從來未試過喺美國揸車,我唔講太詳細,總之嗰次俾我嘅經歷,我同自己講,咁樣都搞得掂,應該無事情可以再難到我。」

「嗰次我自己匿喺酒店喊,揸車迷路、GPS壞咗,簡直完全崩潰,然後喺商場唔見咗個女,我係驚到喪喊,同護衛員講唔見咗個女,佢以為我個女年紀好細,問我個女幾多歲,我話十六歲,佢好愕然。我諗未做過媽媽嘅,係唔會理解我當刻感覺,雖然個女已經十幾歲,當時我問緊嘢,叫佢喺度等一等,點知轉頭就唔見咗佢,成個心嚇到跌出嚟,當場爆喊,嗰種惶恐,我諗身為媽媽先會明白。」
化身外賣姐「安安送」
化身外賣姐「安安送」 「你諗吓我咁大個人,但好多身心問題仍然未處理到,所以長憂九十九就係咁解。我諗直至外孫出世後,仍然會有好多事情憂心,例如會叫佢保重自己身體。」

就算大女將為人母,余安安仍因心掛掛,經常化身做外賣「安安送」。

「有時佢哋工作到好夜,我都會煮好啲餸攞畀佢哋,我叫做「安安送」,會拎去屋企畀佢哋食。希望佢哋做得夜都有啖靚湯飲,食番啲有營養嘅食物。」
 養子100歲,長憂99!余安安至今仍為女兒鎖碎事憂心,一時怕她們冇湯水滋潤,食得唔夠營養,她自封「安安送」,化身外賣姐,常把愛心湯水餸菜送到女兒家
養子100歲,長憂99!余安安至今仍為女兒鎖碎事憂心,一時怕她們冇湯水滋潤,食得唔夠營養,她自封「安安送」,化身外賣姐,常把愛心湯水餸菜送到女兒家
堅持跪地斟茶
堅持跪地斟茶 余安安雖是思想開明的潮媽,但另一方面,又堅持一套傳統管教,實行至今。

「我嘅外表俾人印象好似好新潮,我覺得自己腦袋有兩邊,一邊好開放、開明,比較新潮,無論喺衣著方面,但另一邊又好注重中國人傳統習俗同禮儀,例如由細到大都會教個女,新年年初一定要跪低斟茶俾我,到而家都一樣,只係今年個女大肚,所以唔使佢跪。」
阿媽變阿二
阿媽變阿二 她教導女兒如何對待婆媳關係,才德婦人的範模。

「大時大節我啲女一定要返屋企,一家人齊齊整整食飯。而家大女結咗婚,我就會教佢要尊重老爺奶奶,以前過節就梗係返嚟阿媽度,而家就會叫佢最緊要安排好同老爺奶奶食飯嘅時間,就咗襯家先,然後阿媽再遷就你嘅時間,因為阿媽永遠都會明白個女,所以唔使擔心阿媽唔開心,我話你嫁咗之後,阿媽就變成阿二,排第二。」
60+1找個伴嗎
60+1找個伴嗎 由細靚到大的余安安,入行後事業一帆風順,成名作是17歲演《書劍恩仇錄》的香香公主,之後在麗的做當家花旦。不過由當上媽媽到之後失婚,閱歷令她的演技更有爆炸力。

人到中年,事業成就,是16年憑舞台劇《最後作孽》奪女主角獎。現在60+1,多了自己時間,她說:「年紀到咁咗上下,我諗應該係學懂愛自己,開始會為自己諗吓,做自己想做嘅嘢。亦好感恩而家有條件去實踐,啲女已經長大,唔使我太多掛心,咁我就可以做自己嘅事。」

昔日,女兒不太接受媽媽拍拖,今日,她們好想媽媽找個伴!

「最初佢哋年紀仲細,要接受媽媽有另一個朋友,都係會覺得怪怪哋,到後來就最緊要我開心。不過有冇伴侶,對於而家嘅我嚟講,唔係重要嘅課題。我有好多朋友,生活一啲都唔悶。」廚藝了得的她,近日還鑽研食譜,拍片分享。

採訪:S.Lo

攝錄:曾惠衛

服裝: MARINA RINADI

化妝:諺曈.小白
 由細靚到大的余安安,入行後事業一帆風順,成名作是17歲演《書劍恩仇錄》的香香公主,之後在麗的做當家花旦。
由細靚到大的余安安,入行後事業一帆風順,成名作是17歲演《書劍恩仇錄》的香香公主,之後在麗的做當家花旦。
 見女兒成熟獨立,找到幸福的另一半,下月榮陞外婆的安安姐說,終於放下心口大石,享受人生。
見女兒成熟獨立,找到幸福的另一半,下月榮陞外婆的安安姐說,終於放下心口大石,享受人生。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多