• 中環人語︱坡佬豬籠入水 悶聲發大財

  • 發布日期:2021-05-07 18:10
  • 中環人語︱坡佬豬籠入水 悶聲發大財

 

雖然金管局口口聲聲否認香港有走資情況,但事實勝於雄辯。呢一、兩年香港人趕住去開離岸戶口,星加坡是不二之選,星加坡同香港呢兩個 「雙城」自亞洲四小龍起就互相競爭,今鋪真係相形見絀。揭開呢間由星加坡政府控制嘅星展集團,今年第一季業績 「靚爆鏡」,淨利潤較去年底翻一倍,係集團成立以來首次季度利潤突破20億坡紙, 另一個亮點就係存款節節上升,去年度已經爆升 600 億坡紙(約$3500億港元),單是今年頭三個月,集團已經再多140億坡紙($800億港元)存款流入。相反香港嘅銀行體系存款,今年頭三個月已經跌咗$1400億港元。呢啲咪悶聲發大財,難怪李顯龍老婆何晶(淡馬錫CEO),2019年就好識得低調,話香港走資到新加坡係misses the point,仲話香港資金係流向全世界喎,梗係,攞咗甜頭仲咁揚、搏落閘咩?等到星、港兩地旅遊氣泡通埋、香港人去星加坡處理離岸資產,呢鋪仲和味呀!

撰文:宗菁華

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多