• 3歲Lucy變姜糖 睇姜濤片激讚:超級靚仔!︱見媽咪念母爆喊 即遞紙巾安慰

  • 發布日期:2021-05-08 00:01

 

在芸芸星二代當中,李璨琛的「網紅囡囡」李元元(Lucy) ,一直人氣高企。早前Lucy 更憑住《BOOMBAYAH》一舞成名,獲韓國天團Blackpink的經理人「認證」,年紀輕輕已衝出國際,認真巴閉。原來除了Blackpink之外,Lucy都好識貨,訪問當日,Lucy睇到人氣偶像姜濤的MV時,竟然大讚:「靚仔呀! 超級靚! 」

母親節將至,平日與囡囡齊齊放笑彈的媽媽Sophia(暱稱李老母),一提起剛剛過身的媽媽,眼淚就像缺堤一樣。慶幸在難過的時刻,有寶貝女Lucy在身邊,成為她的支持。

當日Lucy見到媽咪爆喊,即時上前遞紙巾安慰,十分窩心。見到媽咪喊,Lucy都拎起紙巾抹眼淚,但就搞笑話:「我冇喊呀!我抹啲eyelash 咋!」當堂令阿媽破涕為笑,Lucy不單止是笑彈,更是媽媽的止痛藥。

3 歲的Lucy 樣子可愛趣怪,成為網民的開心果,她的Ig 更是粉絲精神食糧。
3 歲的Lucy 樣子可愛趣怪,成為網民的開心果,她的Ig 更是粉絲精神食糧。
Lucy提早同媽咪慶祝母親節,更錫錫媽咪,場面溫馨。
Lucy提早同媽咪慶祝母親節,更錫錫媽咪,場面溫馨。
吸納不少星粉

吸納不少星粉

3歳的Lucy搞笑可愛,而且表演慾強,假如有一日被睇中,要去韓國接受訓練,李老母會否支持?

「如果佢真係好想去做,我當然唔會阻止佢,因為佢長大後就有自己嘅選擇,我只不過會喺背後支持佢,但要點樣選擇,我都會容許佢。如果你見到佢真係好想、好有決心,咁樣我一定會支持佢。」她說。

貴為小人氣王,IG坐擁25萬followers ,Lucy出街亦吸引晤少途人注意,要求影合照。

「係呀,愈嚟愈多,可能好多人留意到佢,所以喺街都有好多人搵佢影相。然後我會叫對方問番佢,因為當然係問番當事人,然後佢通常都會話可以。不過有時候佢都會拒絕,話唔可以。」

Lucy的粉絲群當中,亦不乏星級粉絲,當中長期給like的,包括鄭融和余香凝,最新星粉更有蔣家旻。

「我記得好似有一次喺街遇過佢(蔣家旻),佢好開心,不過我唔知道就係佢,因為戴咗口罩同帽,然後佢話想同Lulu影相,之後隔咗一段時間,然後有朋友話俾我知,原來蔣家旻將合照貼上IG,我先至知道原來當日合照嗰個就係蔣家旻,發覺原來一個人戴上帽同口罩,真係完全無可能認到佢係邊個。因為我對呢個女仔都幾有印象,又睇過佢演戲,本身幾鍾意呢類型,對於我嚟講會覺得幾特別,但無諗過自己居然唔認得佢,覺得自己好失敗⋯⋯其中盧覓雪都好搞笑,又係好似小粉絲咁樣,因為遇過兩次,兩次佢都好高興,不過其實好多人見到Lulu都會好開心。」
Lucy 擁有唔少星級粉絲,當中包括蔣家旻。
Lucy 擁有唔少星級粉絲,當中包括蔣家旻。
早前憑住《Boombaya》一舞,得到Blackpink 經理人「認證」。
早前憑住《Boombaya》一舞,得到Blackpink 經理人「認證」。

當「BB界最紅KOL」見到「超級偶像」姜濤時,竟然大叫:「靚仔呀!超級靚!」人仔細細,已經非常有眼光。除此之外,Lucy平日同李老母的互動交流,亦十分惹笑,她要經常忍住笑幫囡囡拍片。

「當然啦,因為佢本身個樣已經好卡通,再加上有時候表情的確好搞笑,所以要忍笑揸穩手機。不過有時候都真係忍唔到,你會聽到我喺背後笑咗出聲。」

早前Lucy被李老母拍下笑阿媽口臭的表情,訪問當日,Lucy亦大爆爸爸的秘密。「(爸爸個口臭唔臭?)都臭。(咁Lulu 呢?)Lulu個口唔臭。」
貪靚的Lucy 接受訪前,替自己搽指甲油。
貪靚的Lucy 接受訪前,替自己搽指甲油。
幽默感遺傳阿媽家族
幽默感遺傳阿媽家族
一向貪靚又熱愛公主裙的Lucy,當日一見到玩具化妝品,即愛不釋手,更在鏡頭前傳授化妝心得。「首先要點點點⋯⋯然後都係點點點⋯⋯再然後點點點⋯⋯然後就搽嘴唇……」

望著囡囡面上的藍色胭脂,李老母亦忍不住大笑:「BB呀!藍色嘅胭脂係史無前例咁靚,係咪呀?請問你自己有冇照過鏡?你去睇吓自己有幾咁靚?」

Lucy的IG大受歡迎,成為唔少網民的精神食糧。充滿幽默感的李老母,應記一功,原來李老母的幽默感亦是遺傳自媽咪。

「一定係遺傳自媽媽,同爸爸無關,因為爸爸係一位藝術家,唔係好識得同其他人溝通。媽媽講說話都幾搞笑,衰衰格格咁樣。」

不過,Lucy似乎更加青出於藍,經常有天馬行空的想像,笑料百出。「(行山會有乜野睇架? )有Tiger 。(仲有咩架?)仲有panda 。(仲有呢?)仲有Lion 。」

口齒伶俐的Lucy ,又會否經常跟媽媽鬥嘴呢?「有少少囉,不過又唔算係鬥嘴,只係類似一種情趣。你哋可能會覺得係鬥嘴,例如互相寸對方。」

對於教育方法,李老母一向主張讓小朋友輕鬆快樂成長,另一方面,尤其注重家教,同時亦有威嚴的一面。

「我對住Lulu都會有威嚴,不過之後會話番俾佢聽點解唔可以。下次再同佢講唔應該咁樣做,其實唔需要太惡,佢都會明白箇中原因,點解唔可以,然後就唔會再咁樣做。」
訪問當日,Lucy 一聽到音樂就跳舞,十分投入。
訪問當日,Lucy 一聽到音樂就跳舞,十分投入。
唔似其他星二代sell 靚樣,Lucy趣怪的樣子,正是她吸引之處。
唔似其他星二代sell 靚樣,Lucy趣怪的樣子,正是她吸引之處。
Lucy成了止痛藥良
Lucy成了止痛藥良
三代同堂的時光只有短短三年,Sophia的媽媽月前因病過身,今年是Sophia首次沒有母親的母親節,感受至深。

「我覺得最辛苦係知道佢要走,然後最後陪住佢嘅日子,我覺得係最辛苦,例如同佢一齊食飯,即係知道坐喺身邊呢個人,可能兩個月後就會離開,但要扮到無事發生一樣,繼續同佢食飯,煮飯畀佢食,你會覺得嗰種感覺其實好差,但又要喺佢面前笑笑口扮無事,仲要鼓勵佢繼續治療,唔好放棄。」

失去媽媽的不捨,慶幸仍有囡囡在身邊支撐,給她安慰。「係呀,我真係好感激,爸爸媽媽喺呢段時間相繼離開,之前係爸爸,然後相隔無耐就輪到媽咪,我真係好彩有Lulu。有時候唔開心,然後見到佢就真係會即刻無事。」

其實Lucy不單止是媽咪的止痛藥,更是不少香港人的開心果。李老母都表示,母女互動分享,無非想氹大家開心,輕鬆一點!

「有時候見到一啲留言,覺得家長們好擔心,例如一啲好細微嘅地方,佢哋都覺得需要擔心,然後我真係替嗰啲人擔心,覺得咁小問題,其實真係唔需要擔心。當然世間上都有好多意外,其實有啲事情真係避免唔到,唔可能密封整個空間,或者幫佢避免所有意外。每個父母都唔想自己子女受傷害。但我覺得應該要教小朋友保護自己,多過我哋去幫佢保護自己。」
數月前,Lucy 的婆婆因病過身。
數月前,Lucy 的婆婆因病過身。
李老母一提起已過身的媽媽,就哭涙成人,Lucy 馬上遞上紙巾兼安慰。
李老母一提起已過身的媽媽,就哭涙成人,Lucy 馬上遞上紙巾兼安慰。
自從婆婆過身後,Lucy 成為了李老母的止痛藥,給她安慰。
自從婆婆過身後,Lucy 成為了李老母的止痛藥,給她安慰。
報讀Local School
報讀Local School 踏入3歲,即將要升讀幼稚園,Lucy似乎十分期待。「(返學係點架?)老師教你要叫老師好。(老師惡唔惡㗎定好好人㗎?)好好人。(返學係讀書定係玩㗎?)玩㗎!」面對揀學校問題,李老母早已決定替Lucy報讀Local School。

「揀本地學校,因為國際學校學費好貴,同埋我覺得本地學校應該無問題。不過我揀嗰間幼稚園,其他人都話無咩壓力同埋開心。」

女兒自少已備受矚目,會否擔心在學校會變成風頭躉?「首先無諗過呢個問題,不過我都會擔心佢會好多嘢講,因為佢好鍾意每事問,同埋講嘢好大聲,即使傾偈都一定會俾老師聽到。所以我經常叫佢講嘢唔好咁大聲,可以細聲少少。其實之前一直都有提,不過唔知係咪中氣太好,所以講說話好大聲。」
剛剛踏入3 歲,Lucy 即將升讀幼稚園,李老母替她揀了本地學校。
剛剛踏入3 歲,Lucy 即將升讀幼稚園,李老母替她揀了本地學校。
李燦森經常在外地工作,要同Lucy 分隔兩地,所以特別珍惜同囡囡相處的時光。
李燦森經常在外地工作,要同Lucy 分隔兩地,所以特別珍惜同囡囡相處的時光。
「李元元」的由來
「李元元」的由來 「李元元」看似一個簡單的名字,原來對媽媽來說是有深層意思,亦代表著媽媽對Lucy的寄望。

「因為元元兩個字夾埋一齊,其實係好有意思。首先元元代表眾人common people,意思係民眾。另外亦解元氣、光、起源,有個original嘅意思,其實我哋每個人都係original,組合一齊就變成呢個宇宙,而佢係其中一部分。同埋元元嘅另一個意思,係解善良、正直。我希望佢成為一個善良嘅普通人,咁樣就已經可以,同時筆畫又比較少。另外我覺得元字好peaceful,好似好開心、好簡單咁樣。」
攝錄:曾惠衛

採訪:S.Lo,CLC,MC

埸地:The Mira hotel

Cake: Bombshell

----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多