• 《全民造星II》最唱得MC張天賦離巢出歌 1個月過100萬點擊:唔敢主動多謝花姐

  • 發布日期:2021-05-08 12:00

 

《全民造星I》成功捧紅男團MIRROR和ERROR,至於《造星II》冠軍吳啟洋,亦與George和Marco組成三人男子組合P1X3L。不過說到有機會單獨發展,暫時只得該屆的亞軍MC張天賦,他外型吸引兼唱功了得,儲下一大班粉絲,MC當日沒有與ViuTV簽約,決定自己外闖。

相隔一年,終於被華納唱片賞識,簽約成為旗下歌手,上月推出的新歌《Good Time》已經衝破百萬點擊。說到底都是《造星》出身,MC就表示自己很怕羞,不夠膽主動多謝花姐。

上月推出新歌《Good Time》,成績亦很好,不經不覺已經衝破百萬點擊。
上月推出新歌《Good Time》,成績亦很好,不經不覺已經衝破百萬點擊。
《造星》出身,MC就表示自己很怕羞,不夠膽主動多謝花姐。
《造星》出身,MC就表示自己很怕羞,不夠膽主動多謝花姐。
簽約華納

簽約華納

有收看《造星II》的觀眾,必定對MC有深刻印象,他歌藝超班,就連前輩陳潔靈也讚他唱歌充滿驚艷。

有才華又有實力自然有人賞識,過去一年,MC自己翻唱了不少歌曲,更與華納唱片合作不同的音樂project,過程中,令MC覺得與這間公司非常合拍,最後簽約成為下歌手。

「點解會接觸呢間公司,係因為我同歌手洪嘉豪,好耐之前私底下已經認識,佢比我更加早簽約華納,當中我都有請教佢,問吓間公司運作情況,係咪有足夠自由度?跟住有機會參與Jude嘅MV,最後又錄咗一首合唱歌,當中合作機會已經好多,令我更加了解對方嘅處事方式,所以最後就決定簽約。」

向來滿有主見的MC,希望新歌表達一個訊息,便是大家在最壞的時代 仍然可以享受Good Time。

「對於我來講,我係一個好簡單嘅人,good time可以係一個細節,一個時刻或者一個感受,我經常都會舉呢個例子,好似你即刻將遲到,但下樓後剛巧有的士經過,我覺得其實已經是good time。可能係一個好壞嘅開始,但期間一定會有啲好嘅時刻去中和,喝杯飲料,或者一起尋找美食、打波和打機,其實都係好一般嘅活動,但我覺得已經是good time。」
有收看《造星II》的觀眾,必定對MC有深刻印象,他歌藝超班就連前輩陳潔靈也讚他唱歌充滿驚艷。
有收看《造星II》的觀眾,必定對MC有深刻印象,他歌藝超班就連前輩陳潔靈也讚他唱歌充滿驚艷。
遇見花姐不會感覺尷尬

遇見花姐不會感覺尷尬

MC參加《造星II》期間,爸爸因病去世,不易捱過。相隔一年,MC終於做到想做的音樂,還有自己的作品,相信天上的爸爸也會感到安慰。

「其實我好耐都冇諗,自從爹哋過咗身之後,佢曾經講過嘅說話而家成為我嘅座右銘,失落嘅時候會同自己講鼓勵嘅說話,當然我都好希望可以平步青雲,我相信爹哋係會睇到而家嘅我,亦都會替而家嘅我開心,同時我都覺得佢會喺某個地方繼續幫我。」

當日離開ViuTV往外闖,MC表示與花姐亦再沒有聯絡。

「後來亦都好少聯絡,一來對方已開始《造星III》,應該無時間處理我,ViuTV係一間很大嘅電視台,而且畢竟係《造星》出身,所以如果可以再次合作,或者有其他嘗試機會嘗試嘅話,當然會好開心。」

MC更表示遇見花姐也不會感覺尷尬,「其實都唔尷尬,可能鏡頭前花姐好刻薄,但係鏡頭後我覺得的確好似一位媽咪,而《造星》比賽期間,我清楚記得決賽當日,當我唱完最後一首歌,然後佢好激動地走過來攬住我,替我唔抵,覺得我應該選第二首歌,可能可以對名次有影響,所以我遇見她也不會尷尬。」
MC參加《造星II》期間,爸爸因病去世,相隔一年,MC終於做到想做的音樂,還有自己的作品,相信天上的爸爸也會感到安慰。
MC參加《造星II》期間,爸爸因病去世,相隔一年,MC終於做到想做的音樂,還有自己的作品,相信天上的爸爸也會感到安慰。
私人減肥秘笈
私人減肥秘笈
疫情期間發福不少,但為了出歌,MC半年前開始積極減肥,現時已差不多重返《造星》當日的最佳狀態,他透露有私人減肥秘笈。

「身邊很多朋友都話我肥咗,或者網上面大家都會留言,覺得我需要減肥冇咗輪廓,的確我對自己愈來愈不滿意,因為完成《造星》後,磅數的確大增了不少,然後公司主動幫我找來一位健身教練,同我一齊做gym,而且亦要配合飲食進行減肥,其實亦唔算太嚴格,我覺得這方面也需要循序漸進,現時會先戒糖,因為我係一個好鍾意飲汽水嘅人,經常會飲可樂同檸檬茶,好鍾意食甜味食物,所以暫時呢方面便要完全戒掉,同時要戒白飯,即戒掉碳水化合物,唔可以吃宵夜,同時要飲多啲水,呢個係我暫時嘅私人減肥秘笈。」

做藝人任何時候也要保持最佳狀態,忍口是其中一項付出。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多