• 譚仔上市|超級通脹殺到 要維持高毛利神話 米線隨時賣$90 鐵粉:咁我要離棄三哥了

  • 發布日期:2021-05-04 07:00

 

「譚仔雲南米線」和「譚仔三哥米線」開業24年,靠的除了是獨特「譚仔話」,還有車仔麵式米線和自創湯底。由粉麵小店做到大型連鎖食店,開到現時成行成市之餘,創辦人三哥及五哥分別以十一億元及十億元賣盤,成為傳奇之外。新股東東多利更申請譚仔上市,有「三哥」粉絲明言會投資「譚仔」股票,由食米線支持到做小股東。

其中一位「三哥」超級粉絲,化名「鍾西驅」,過去特意開設了Facebbok專頁「為何中西區沒有譚仔三哥」,上年年尾終於成功為中西區爭取了首間「三哥」。對於譚仔最近申請上市,作為「三哥」忠實粉絲的「鍾西驅」揚言:「我IPO應該都會抽,盡量借埋孖展睇下會唔會抽得中,因為始終作為一個三哥粉絲,見到一個本地品牌雖然係俾日本公司收購咗,但見到佢哋上市,作為香港嘅一份子,我都覺得好榮幸。」

譚仔上市賣點,正是其毛利率夠高,達73.2%。即是每吃一碗約為$60元的米線,食物成本只是$16.08,譚仔袋$43.9,看似十分好搵。不過,自疫情之後,全球印錢救市,換來各地商品價格急升。追蹤主要九種農產品價格的彭博農產品現貨指數(Bloomberg Agriculture Spot Index)創下了近9年來的最大漲幅。在超級通脹面前,似乎,譚仔超高毛利,已經見頂。要維持高毛利率的話,加價在所難免。

定價未出 鐵粉決定抽孖展支持

定價未出 鐵粉決定抽孖展支持


譚仔「物演三小辣」一向深受港人追捧。年僅22歲化名「鍾西驅」的「三哥」超級粉絲,2018年起特意開設了Facebbok專頁「為何中西區沒有譚仔三哥」,除了製作簡單的圖文,更會間唔時抽下時事水,如早前政府政策指堂食只限至晚上六時,令「鍾西驅」都不禁要成為自己的FoodPanda去買外賣,成功吸引不少「三哥」粉絲關注,上年年尾更成功為中西區爭取了首間「三哥」,而專頁現改名為「為何中西環沒有譚仔三哥」。

會留意「三哥」這個品牌,原來是源於大學的一份功課。「我應該係year two個陣做咗一個marketing project,個陣要幫一間公司設計一個新產品。跟住就發現不如做三哥,因為三哥其實都係一個幾多人識嘅品牌,同埋佢都仲有好多發展空間。」而令到「鍾西驅」爭取「三哥」在中西區開分店的原因,都是因為功課。「係因為我哋拍片個陣,中西區係冇任何分店,所以我哋要去佢香港仔分店先可以拍到片。所以我就覺得,點解中西區咁大個區,幾十萬人住嫁喎,一間三哥嘅分店都冇。」

身為「三哥」忠粉,「鍾西驅」當然想密密幫襯,但家住西營盤的他想食「三哥」似乎有點困難。「一個禮拜,我又冇話真係限定自己要食幾多次,因為好多時候我都好想即興話想買三哥 。就係因為我屋企附近冇三哥,最近要去到上環,咁我都要行20分鐘,另一間就係香港仔,我仲要搭車過去。所以基本上我真係好想食三哥,好想食好多次,但真係太遠,點解中西環冇?」

對「鍾西驅」來說,「三哥」可以在芸芸米線鋪中突圍而出,最特別的就是其湯底。「咁最特別嘅係有三哥獨有嘅三哥酸辣湯底,亦都係我基本上每次去三哥都會嗌呢個湯底,呢個湯底譚仔冇。另一樣就係呢個煳辣湯底,我覺得好特別,因為三哥造呢個湯底個陣,就係想真係有個種燶嘅味道係個湯底出現。」他續指,「三哥」和「譚仔」的定位各有不同,「三哥當年係主打多啲年輕人嘅市場,譚仔就係做一個家庭式市場,咁我作為一個年輕人,都係比較鍾意三哥。」

由食米線支持,到現時譚仔申請上市,「鍾西驅」自認有份供起譚仔,而抽新股亦當然不會放過。「我IPO就應該都會抽,盡量借埋孖展睇下會唔會抽得中,因為始終作為一個三哥嘅粉絲見到一個本地品牌,雖然係俾日本公司收購咗,但見到佢哋上市作為香港嘅一份子,我都覺得好榮幸。」
通脹加劇 篤破高毛利神話

通脹加劇 篤破高毛利神話


現時在本港分別有72間「譚仔雲南米線」及72間「譚仔三哥米線」,至於海外,有深圳開的1間「譚仔」及新加坡的3間「三哥」。譚仔國際正計劃繼續在現有市場中擴充門市,亦會逐步拓展至日本及澳洲等地。香港品牌譚仔,製造了不少神話,除了創辦人三哥及五哥賣米線賣到發達外,亦有不少平民員工加入譚仔後,晉身管理層。曾任職大家樂的,是「三哥」品牌總經理劉次軍,早年曾在JW萬豪酒店任職肋理侍應領班。「譚仔」品牌助理總經理胡家輝,本來一直任職麥當勞,其後進修取得工商管理學士學位,在2015年曾短暫加入譚仔,現已為高層。

而譚仔最大賣點,當然是其高毛利率。據譚仔際初步招股資料顯示,2020年年度譚仔賣出2894萬碗米線,譚仔及譚仔三哥的人均消費分別是58.5元和57.6元。總收入為16.9億元,毛利為12.4億元,純利則錄得1.9億元;毛利率高達73.2%,而純利率有11.3%。

豬肉價格及玉米價格在過去一年翻了一番,大豆和小麥價格分別上漲了約80%和30%。而食物的運輸及包裝成本一樣大幅增加。譚仔一向以平價及大眾化吸引顧客,但一旦上市,再加上通脹的影響,其食品售價有可能改變。以現時每位客人消費約60元去計算,假設因通脹而令整體成本上升五成,即是每吃一碗約為60元的米線,過去食物成本只是16.08元,將會上升至$24.12元,而譚仔則由以往袋43.9元,變為35.88元。由73.2%降至59.8%;若以要維持毛利率達73.2%,譚仔要將每碗米線平均售價60元上升至90元。

事實上,雖然物價飛升,但肺炎對本港衝擊甚大,不論經濟、民生發展在過去一年近乎倒退﹐打工仔能保住飯碗已經算幸運。三哥鐵粉「鍾西驅」亦明言如譚仔加價,他都不會吃,「我覺得佢嘅原意都係想大家都享受到佢嘅美食,如果佢個定價真係去到好貴,比如去到80、90 蚊先一碗,我諗其實大家食米線嘅人,自己都會離棄三哥。」

據政府統計處資料顯示,3月的基本通脹率為0.2%,高於1月及2月合計,主要受外出用膳費用和豬肉價格上升所致。食品價格升幅加快,令3月基本消費物價按年輕微上升0.2%。經濟學家關焯照認為本港未來半年通脹有上升趨勢,譚仔會因通脹而受壓,預料會有輕微加價。「即使經濟差,但都亦有食物原材料(價格)的上升壓力。」不過租金下跌,變相有所舒緩加上:「飲食業的失業率高,人工方面沒什麼壓力,租金方面因為多「吉鋪」,鋪租會下降,沒有以前貴,變相就算食材原料升,在其他部份會有所舒緩,所以升幅並不會太大。」他解釋譚仔需要和其他同類型的食肆競爭,無法大幅提升食品價格,「太貴的話消費者就不會光顧,轉去其他地方吃。」因此譚仔如要維持定價及毛利率,仲有一個方法,就是「細碗啲」。
三仔無悔賣盤:三哥做咗大半世已經做夠
三仔無悔賣盤:三哥做咗大半世已經做夠

首間譚仔於1996年在長沙灣開業,原由「三哥」譚澤群、「六哥」譚澤強、「四姐夫」周志明及「六哥」兩位同學一同創辦,其後「五哥」譚澤均亦加入,家族四人其後在2003年成立「同心飲食有限公司」,生意越做越大,更一起開設分店。直至2008年,幾兄弟因為意見不合而拆夥,誕生了分別為四姐夫婦、五哥之首的「譚仔雲南米線」及三哥、六哥所開的「譚仔三哥米線」,平分當時12間的分店。

雖然因為譚仔家族分家多年,各有發展,但最終因為收購而復合。2017年中旬,日本「丸龜製麵」的母企東多利控股(Toridoll Holdings Corp.),以10億港元收購「譚仔」,同年12月再次以11億港元收購「三哥」,佔據全港近70%的米線市場,共涉當時108間分店。自此,由港資轉至日資營運,而東多利在2018年更成立「譚仔國際」為兩間公司管理。而發達後的三哥及五哥沒有再另起爐灶,並齊齊買磚頭做包租公。翻查資料,三哥及五哥在2018年分別以7,000萬元及1.68億元,買了一個複式單位及一間洋房。五哥一向投資有道,買入物業後不會頻密地買賣。原本在美孚曼克頓山持有兩個單位及車位,分別在2011年及2018年賣出兩個單位,大賺千三萬元;仍然持有兩個車位。另外,在九龍、新界都有鋪位收租,早於2015年已經斥資2.5億元在葵涌買了整幢大廈收租,保守估計超過6億元身家。

三哥都不弱,計及新買的複式單位,手頭上有三個物業,總值近億元。而且人賣盤後已一家人移民到台灣,三哥兒子譚震邦(Eric)更自立門戶開拉麵店,不再沾手米線。對於譚仔即將上市,Eric回覆本刊時大讚:「丸龜好嘢!」並表示就有關譚仔上市的事,三哥不便作任何評論。「其實三哥都完全置身事外,都冇乜點關心上市嘅進度。」賣米線生意好到可以上市,有後悔當初賣盤嗎?Eric說,「完全冇,其實佢(三哥)早就想放手,做咗大半世已經做夠喇。」自他們離港赴台後,放慢腳步享受生活,香港商場上的事於他們而言已是雲淡風輕。

撰文:梁汶惠

攝錄:財經組

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多