• 32歲Regen@HotCha抑鬱症11年 黑狗紋身的決心:當抑鬱係一頭狗,要學識同佢共存相處。

  • 發布日期:2021-05-05 00:01

 

撞崩門牙撞醒思緒

撞崩門牙撞醒思緒

每一個人刻在身上的印記,都藏著一段故事。

前HotCha成員,32歲 Regen(張惠雅),胸口紋的一頭黑狗,紀錄外表陽光的她,背後承受11年抑鬱印記及提醒。

去年病情反覆,加上情傷,令Regen跌到最暗處,瘦骨嶙峋。直至今年一月,她在長洲踏單車意外撞崩門牙,是禍原來亦是福,這一撞,撞醒她的思緒:「我好記得撞崩牙嗰日係去完覆診,因為情緒唔好嘅時候,個人就唔能夠集中,即係其他人同我講咩,或者我要講啲咩,都係完全load唔到。」

「撞崩牙之後,帶俾我衝擊,覺得係時候要好好咁面對呢件事,再咁樣落去都唔係辦法,又要食藥又要覆診,呢啲都需要錢同花時間,而且情緒病都會影響生活同工作,所以想搵唔同方法去處理。呢個Black Dog紋身純粹係話俾自己聽,決定咗要同佢共存。」紋身並非即興,要接受一個圖案永久在自己身上,必然具有提醒意義。

「好耐之前,有個關注Depression嘅協會,拍攝一條短片,形容情緒病好似一隻狗仔咁樣,其實要嘗試同佢好好相處,唔好俾呢隻狗仔嘅身型大過你,你要好似做番佢嘅主人咁樣,同佢共存,兼且識得控制佢。」

如今她在長洲過慢活節奏,每朝起來曬下太陽聽著鳥兒聲,她感到大自然有種治療力量。
如今她在長洲過慢活節奏,每朝起來曬下太陽聽著鳥兒聲,她感到大自然有種治療力量。
跟抑鬱搏鬥了11年,Regen覺得是時候要認真面對,兩個月的紋了一頭Black Dog,她說:「紋身純粹係話俾自己聽,決定咗要同佢共存,而唔係懼怕。」
跟抑鬱搏鬥了11年,Regen覺得是時候要認真面對,兩個月的紋了一頭Black Dog,她說:「紋身純粹係話俾自己聽,決定咗要同佢共存,而唔係懼怕。」
今年一月,她在長洲踏單車時出意外,撞崩門牙,但亦撞醒她思緒,拒認再被抑鬱駕馭,努力搵出口。
今年一月,她在長洲踏單車時出意外,撞崩門牙,但亦撞醒她思緒,拒認再被抑鬱駕馭,努力搵出口。
「黑狗」突襲不要恐懼

「黑狗」突襲不要恐懼

問她怕唔怕被這隻共存的Black Dog,反咬一口?Regen說:「就係要學習唔好恐懼有呢一日,因為同狗仔相處都會知道,有時佢因為恐懼,或者一時唔小心,佢先會傷害到你,所以唔需要好似之前咁,一受困擾就經常問點解同好嬲,或者有負面想法,投放到呢件事上。」
出道後抗壓能力低

出道後抗壓能力低

一零年,組成HotCha的第3年, 出道不久的Regen已患上抑鬱。「同抑鬱拚鬥咗11年,由出道無耐開始,因為唔係好識處理壓力,任何事都成為我嘅壓力,搞酊拍攝、面對其他人、做音樂、唱歌,任何事都成為我嘅壓力,當時覺得自己完全係垃圾同極渣,完全處理唔到,抗壓能力好低。」

當時她覺得藝人有情緒病,是件不可告人的秘密。越在人前強裝健康,情況越見嚴重,她極之痛苦。

「因為咁樣經常瞓唔到覺,然後又會好影響第二日工作表現,同埋情緒,惡性循環。嗰時基本上我係好怕去多人嘅地方,會覺得唔舒服。」
 沒想到外型如陽光女孩的Regen,組HotCha三年就患上抑鬱。「後來我先知自己抗壓力好低。」
沒想到外型如陽光女孩的Regen,組HotCha三年就患上抑鬱。「後來我先知自己抗壓力好低。」
病發時接電話也感吃力
病發時接電話也感吃力
相信身邊朋友,包括前組合拍擋,都覺得昔日的Regen性格飄忽,因為一病發,連接電話,都感吃力。

「其實每次工作完,返到屋企都覺得需要休息好耐,整個人嘅狀態都唔係咁好。有時候無接聽電話,係因為自己未準備好同其他人講嘢。好多人都會覺得我好怪,點解會唔聽電話,我需要時間俾自己做準備,然後至可以接聽電話。」把病情保密,換來會是很多的誤解。

受情緒困擾,一一年她決定暫別樂壇,孭住背包一個人走去尼泊爾同澳洲散心,不過情況仍然反反覆覆。

她說:「到上年開始變得嚴重,以前可能只會影響到我無法集中睇完一本書,對所有事情失去興趣,例如本身鍾意嘅唱歌跳舞,呢啲基本事情都唔想做,連煮嘢食都唔想。去年差到一個情況,係感覺到情緒開始不穩,想飲杯熱水然後就瞓覺都唔得,都會handle唔到燙親手。」
失去食慾如自殘
失去食慾如自殘
再加上一場情傷打擊,對她而言超出負荷,暴瘦下只淨84磅。「同佢分手無耐,外間都會覺得我好瘦好殘,但有趣地方,係其實當下我係用一個好感激佢出現嘅心態,面對分手。」

她曾在Viu節目《吃掉前男友》分享失戀後,因放不低舊愛而一度糾纏,直至被對方IG「封鎖」,她才真正面對現實。

「佢嘅出現係好,因為佢曾經用心幫助過我,嘗試面對失眠同情緒問題,但未必每個人都處理到,再加上其他事,所以就分開。呢件事覺得自己又失敗咗,咁任何人分手都會唔開心,令我情緒再拉低啲,於是一下子就爆發得好厲害。」

那時,她在IG分享的相,都是瘦骨嶙峋,眼神恍惚的模樣。「其他人以為我酗酒,但其實反而喺失戀時無飲酒,因為醫生都有講,酒精係會好影響情緒。暴瘦原因係嗰時差不多近一個月食唔到嘢,全日都唔使食嘢,剩係飲水,比斷食時間更長。本身好鍾意飲酒,但當時連酒都無飲,所以我覺得好誇張。」

由一個晚晚無宵夜不歡的女孩,到近乎整個月不願進食,這種等同自殘方式,可想而知家人有幾擔心。幸而父母,胞姊的陪伴關心,一個月後她爬出黑洞,漸漸恢復食慾。

「由暴瘦時嘅84磅,而家回升到大約94磅。」Regen說。
 去年抑鬱加情傷,令她病情嚴重,她強調只因失去食慾近一個月,而非外傳的酗酒。
去年抑鬱加情傷,令她病情嚴重,她強調只因失去食慾近一個月,而非外傳的酗酒。
 曾當調酒師的Regen說:「我本身鍾意飲酒,但失戀情緒低落時,反而冇飲酒。」
曾當調酒師的Regen說:「我本身鍾意飲酒,但失戀情緒低落時,反而冇飲酒。」
 她曾在Viu節目《吃掉前男友》分享情傷,節目尾聲說:「時間會把最正確的人帶到你身邊,在此之前,你所要做的事,請好好照顧自己。」
她曾在Viu節目《吃掉前男友》分享情傷,節目尾聲說:「時間會把最正確的人帶到你身邊,在此之前,你所要做的事,請好好照顧自己。」
長洲開餐廳過慢活節奏
長洲開餐廳過慢活節奏 去年中,遇到一位好醫生,令她明白,每個人受壓程度不同,故要為自己找合適的生活節奏。

「我以前唔知道自己需要慢,做事會好迅速,而家都一樣,我經常會提醒自己放慢腳步,因本身好容易心急。」

於是去年底,她搬入長洲西灣,開一人主理的小餐廳,展開慢活新生活。有趣的是,客人都要配合她的節奏。
 餐廳只有她一人主理,客人需耐心等侯上菜,她希望每位顧客進來,放低城市的急促,跟她享受慢活節奏。
餐廳只有她一人主理,客人需耐心等侯上菜,她希望每位顧客進來,放低城市的急促,跟她享受慢活節奏。
客人唔可以催
客人唔可以催 「喺呢度,我起身放鬆一陣,然後出去碼頭買貨返嚟,之後開始準備食材,執拾同清潔地方,跟住開舖,通常三點後至會有客人光顧,所以節奏都比較慢。

呢度得我一個打理,所以好多謝每位客人都願意等待,配合我同西灣嘅節奏,都會放慢腳步,唔會催我。不過都試過有客人催我,又撞著我情緒差,於是我忍唔住,將脾氣發出嚟,好大聲喺舖頭講咗一句好mean嘅說話,話番嗰位客人,我都覺得自己好癲。不過我就係唔想自己經常鬱住咁辛苦,因為以前有咩情緒或者憤怒,都會唔講出口,自己吞咗去。」

「我都有諗過可能需要請一位水吧,幫手整嘢飲,但如果暫時啲人願意等,我覺得都OK。一等至少要十五分鐘,所以你見到每張枱面,都放一本我以前出過嘅書,同一啲玩具,讓每一個客人等嘅時候,會打開嚟睇,好認真咁睇吓本書。我開個小餐廳,正正想佢哋感覺到,呢度唔需要跟番城市節奏。」
心情欠佳唔做生意
心情欠佳唔做生意 店裡貼著,給客人的溫馨提示:「西灣大媽今天不說話。」

「試過幾次,俾一啲熟客,喺我煮嘢煮到皺晒眉頭時候,佢仲不停撩我傾偈,然後我叫佢暫停,我真係講唔到嘢。好在佢哋都好好,即刻坐番低飲嘢,唔再撩我講嘢。」

遇上心情欠佳,她更索性關門唔做生意,讓這裡的寧靜治療。

「因為舖租唔貴,所以容許我真係好攰,或者情緒好差嘅時候,可以俾自己休息一下。呢度嘅陽光同雀仔聲,令我覺得好舒服同溫暖,大部分時間可以好放鬆。每日一起身,我會飲杯咖啡,望吓個海,曬吓太陽,然後嗰日嘅心情就會平復啲。同埋當我情緒好差嘅時候,我覺得西灣呢條路真係好神奇,好多次都可以幫我即刻紓緩到好差嘅情緒,我覺得大自然嘅力量,就係可以幫你healing整個人。」她的小店,對出就是一條通往碼頭,乘搭橫渡的海旁小徑。
 在長洲開小餐廳,光顧的客人除配合她節奏,不能催促,還需留意牆上的溫馨提示,諒解她偶爾高低的心情。
在長洲開小餐廳,光顧的客人除配合她節奏,不能催促,還需留意牆上的溫馨提示,諒解她偶爾高低的心情。
保持距離
保持距離 除身上的黑狗印記,她還紋了一句:「Things get ugly, when you come closer.(當你靠近的時候,事情就變得醜陋。)」,是Regen多年前看過一套電影《Paper Towns》的一句對白。觸動她,全因是她過去每段關係的心聲。

「戲裡講一啲事物好脆弱,同埋人與人之間嘅距離。我就係睇完套戲,覺得好中,好似每一次嘅關係,只要行近少少,就會見到雙方缺點,覺得好核突,然後就要睇你接唔接受到嗰種核突,到最後大家一係分開,一係繼續一齊。當關係愈親密時,索求就會愈多,呢個都係其中一個原因。距離上嘅拿捏,對我嚟講係人生中好難學識嘅嘢,而嗰種距離無分好壞,唔應該有judgement,應該以第三者角度去明白對方,或者等對方明白自己。」

採訪:S.Lo

攝錄:曾惠衛
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多