• 欣賞MIRROR有魄力有鬥心 盧覓雪:創意係後生仔主導,點會由班老人家指點

  • 發布日期:2021-05-03 15:58
  • 欣賞MIRROR有魄力有鬥心  盧覓雪:創意係後生仔主導,點會由班老人家指點

 

較早前TVB副總經理曾志偉,批評ViuTV只得4點收視率,只能與「J2」比較,雖然口裡說不,但近年ViuTV無論聲勢與人氣,的確令TVB備受壓力。ViuTV不但成功捧紅男子組合MIRROR,不少節目更引起全城討論。

日前資深傳媒人盧覓雪接受傳媒訪問,剖析這場「電視台大戰」,她指MIRROR是個奇蹟,她說:「一個不能再弱的電視台,只得4點收視,可以捧紅一班年輕人,十二個人都有自己嘅粉絲,主流廣告商都搵佢哋拍,呢個係一個奇蹟。」

盧覓雪認為MIRROR的成功,在於觀眾親歷他們的成長,她說:「我覺得『姜濤效應』或者『MIRROR效應』,係你先欣賞佢,佢未有乜嘢演藝成就,但係你欣賞呢班年輕人,佢哋有魄力有鬥心,因為係真人騷,好似同佢哋一齊成長,了解晒佢哋嘅一切,呢種效果已經贏。」她續說:「唔係一定入TVB先好,你識佢咩?你欣賞佢咩?」



對於TVB仍然以「扮嘢」節目留住觀眾,盧覓雪稱港人並非不喜歡「扮嘢騷」,而是認為老土。她指年輕人創作,有一定吸引力,正如現時網台百花齊放,她說:「創意工業點會唔係後生仔主導,點會由班老人家指點江山?」盧覓雪又以游學修的《試當真》為例,指對方「乜嘢都肯試」,雖然現時仍未算成功,「話唔定將來又一個杜琪峯出嚟呢」。

盧覓雪指創意工業應由年輕人主導,不該由一班老人家來指點江山。
盧覓雪指創意工業應由年輕人主導,不該由一班老人家來指點江山。
盧覓雪稱觀眾欣賞MIRROR有魄力及鬥心,他們的成功在於觀眾親歷他們的成長。
盧覓雪稱觀眾欣賞MIRROR有魄力及鬥心,他們的成功在於觀眾親歷他們的成長。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多