• 接近300磅林雪試過冇工開 老婆賣10蚊毛巾養家:當時冇能力,唯有咁樣

  • 發布日期:2021-05-03 16:00
  • 接近300磅林雪試過冇工開 老婆賣10蚊毛巾養家:當時冇能力,唯有咁樣

 

55歲的林雪於1996年結婚,太太年紀比他細十年,他說跟老婆共過患難,另一半對她從來都只有支持,所以每次出糧,都會全數交給老婆處理,他則每個月問她攞零用錢買煙,因為這是他最大支出。



原來,當年林雪做場務時,試過冇工開,要太太賣毛巾養家。



「我無工作,老婆試過去賣十蚊一條毛巾,每日幫佢去開舖,夜晚去接佢收工,幫手收舖。我當時同佢講,做多兩個月,以後唔會再要佢工作,因為我覺得佢唔應該做呢啲工作,應該留喺屋企相夫教子。不過當時我無能力,所以唯有咁樣。」林雪之後發奮努力,在拍戲現場跟到足,永遠站在攝影機後隨時候命,只要有人叫場務,他第一時間跳出來,於是由嗌場務變叫肥雪。



由肥雪再被杜琪峰賞識,拍了《鎗火》獲提名「最佳男配角」,林雪因為抵受不住壓力,覺得未係時候做演員,暫別影圈,太太又義無反顧支持她。



「太太非常好,佢話有飯食飯,有粥食粥,對我無特別要求,會話知道我係得嘅,所以人就係咁樣,另一半好重要。講句唔好聽,經常黑口黑面,財神見到你都掉頭走啦,而佢就唔係,經常會開開心心,無錢嘅話咪買啲菜,人哋大魚大肉,我哋就買條紅衫魚返去煎完熬湯都得,煮豆腐一樣咁有營養,一日三餐唔會難倒人。」林雪對老婆讚口不絕。



結婚25年,兩人育有一對子女,林雪捱出頭後,老婆自然留在家照顧兒女。大部份時間外出拍戲的林雪,對老婆始終如一,像在新戲《真‧三國無双》中飾演董卓,經常被一班性感靚女包圍,他只覺辛苦並非享受。



「其他人覺得好好,咁多美女同我喺一張床,有時候要自覺同自律,因為大家穿着薄衫,本身係一份工作,喺床上投入角,落床就唔好再記住對。呢個係一份工作,工作以外嘅事,就唔好喺工作時去做,諗都唔好諗,如果唔係返到屋企會有更多嘢諗,到而家五十能知天命,而家仲越軌,有咩行差踏錯就死啦,做人踏實啲比較好。」林雪拍戲多年,自然遇過女人主動埋身,他形容這個圈是蝴蝶滿天飛:「試過有人主動想做朋友,我又唔可以拒人千里之外,不過做朋友係做咩?就係能夠互相幫忙,你有咩問題我可以幫到你,大家就係朋友,如果幫唔到,做朋友都無用。」



他說有不少是希望林雪介紹工作,在電影中撈一個半個角色,但林雪認為她們的想法天真:「嗰啲真係好天真,如果係嘅話,我日日都有戲拍啦,有啲人會係咁,你就要解釋畀佢聽,唔係對方所想咁樣。」他甚至會嚴厲地教訓,令對方明白「點解我唔同佢做朋友」。



入行多年,林雪身形愈來愈大,現已接近300磅,他說一直有「諗」過減肥,但欠缺毅力實行,加上每日一包煙,他希望之後可以下定決心減肥,一定不會讓自己超過300磅,就算磅數沒能大減,至少身體健康。

林雪近年接拍較多喜劇電影,其中跟王菀之也有合作過。
林雪近年接拍較多喜劇電影,其中跟王菀之也有合作過。
林雪拍過全裸戲,是杜琪峰執導的《再見阿郎》,當年的他仍未肥到300磅。
林雪拍過全裸戲,是杜琪峰執導的《再見阿郎》,當年的他仍未肥到300磅。
近年的林雪,在電影中確實有不少被女圍的場面。
近年的林雪,在電影中確實有不少被女圍的場面。

----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多