• 收留韓君婷兩年 蔡國威不甘女方反咬指控逼遷 千字文反擊:我可以對燈火發誓冇咁講過

  • 發布日期:2021-05-02 13:33
  • 收留韓君婷兩年 蔡國威不甘女方反咬指控逼遷 千字文反擊:我可以對燈火發誓冇咁講過

 

45歲的韓君婷,兩年前因母親癌病離世,情緒大受打擊,加上任職美容院收入有限,照顧癌母時背上龐大醫藥費,而欠下40萬巨債,當時落難的她,得好友「六合彩之子」蔡國威伸出援手,收留她在新蒲崗公屋過「同居」生活兩年。

直至早前韓君婷爆出因失業,無法還清餘下債項而申請破產,本刊日前報導韓君婷現兼KOL及網台主持兩職搵錢,且經蔡國威證實,她已搬離「蔡宅」,蔡國威說是韓君婷的決定:「呢個係佢自己考量嘅問題,因為佢咁清晰話到俾我聽,佢有能力搞掂自己,養到自己,我尊重返佢嘅決定。」

韓君婷早前因無法還清餘下債項,所以申請破產。
韓君婷早前因無法還清餘下債項,所以申請破產。
45歲的韓君婷,兩年前因母親癌病離世,情緒大受打擊。
45歲的韓君婷,兩年前因母親癌病離世,情緒大受打擊。
因要照顧癌母時背上四十萬醫藥費,當時落難的韓君婷得好友蔡國威伸出援手,收留她在新蒲崗公屋過「同居」生活兩年。
因要照顧癌母時背上四十萬醫藥費,當時落難的韓君婷得好友蔡國威伸出援手,收留她在新蒲崗公屋過「同居」生活兩年。
原本任職美容院的韓君婷,早前因疫情而選擇辭職。
原本任職美容院的韓君婷,早前因疫情而選擇辭職。

不過對於搬離「蔡宅」,韓君婷卻有另一版本,她事後向《蘋果日報》回應,指自從爆出破產新聞,蔡國威直問她:「你究竟幾時搬走?」,暗示蔡國威現實,又稱自己在寄人籬下日子並非白食白住,有分擔開支,如每月付四位數字家用及做廳長瞓梳化。她說不想再為保護對方尊嚴,令自己受傷,才說出搬離真相。

一場共患難的友情,想不到如今變成反目羅生門事件。事關韓君婷講完她的版本,當日願意犧牲私人空間,助韓君婷渡困境的蔡國威,感到被對方「以怨報德」而傷心,於是凌晨發Q&A千字文,逐點反擊韓君婷的說法,他說對燈發誓,從沒迫韓君婷搬走,仁至義盡的蔡國威,從千字文看出他的失望。
蔡國威與韓君婷相識廿年,可惜,卻反目收場,友誼不再。
蔡國威與韓君婷相識廿年,可惜,卻反目收場,友誼不再。
蔡國威表示問心無愧,一心只想幫好朋友希望她可以渡過難關。
蔡國威表示問心無愧,一心只想幫好朋友希望她可以渡過難關。

「我問心無愧!由最初,我只係本著一心幫助好朋友,希望可以渡過難關,一直回答傳媒都相當保護,但竟然換來今日呢個對待,咁我亦必須講出事實嘅真相。



1)呢7個字”你究竟幾時搬走?”



我可以對燈火發誓,完全冇講過,當日係韓小姐自己親口同我講話搵到理想職業,可以養到自己,然後早一晚同我講,”聽朝11點我會搬走,多謝”



2)有俾4位數字家用



一直以來我回答傳媒嘅,我可以重申一次,由第一日佢搬來同我住,我已經同佢講,我供樓,水電媒各方面嘅開支都唔需要佢俾,我仲要因為咁每月額外租咗迷你倉,將屋企雜物搬過去,令到空間可以多啲,每個月佢會放低一千蚊俾我,有時多伍佰,唔係我要求嘅,係佢自己當係補貼下一啲雜費,咁你擺低我咪收,就算六合彩停期間,我自己屋企所有開支都應付自如,我根本無需要捱麵包。



3) 韓小姐話不想被抹黑,唔可以再講大話包容我,唔想保護我自尊傷害到自己而爆出真相?認清我真面目,唔使瞓梳化?



自從佢申請破產新聞以來,我回答傳媒都係祝福,盡量唔講出真相,何來抹黑?一個人犧牲自己私人空間,無條件俾你住兩年,我一開始仲話俾房你瞓,你自己話瞓廳都得,你自己唔長進唔腳踏實地,自己堅持辭職賴疫情,我做朋友都仁至義盡,原來呢個真面目係你唔想見到嘅。



4)unfollow IG

我原完全無做任何動作,我一直唔會做埋啲咁小學雞嘅嘢,亦唔會成日check住邊個unfollow我或我要去unfriend人。」
蔡國威昨晚在facebook貼出千字文回應韓君婷的指控。
蔡國威昨晚在facebook貼出千字文回應韓君婷的指控。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多