• 53歲江欣燕失婚8年 同「六呎版伊健」難發展 期待靈魂伴侶:我絕對係等嘅!

  • 發布日期:2021-05-02 00:01

 

自從同前夫吳積遜離婚之後,自稱係「尾魔女」的江欣燕,身邊時不時都有異性出現。早年,被《壹仔》發現與外型煞食的「六呎版伊健」Kenneth 遊赤柱,餵食雪糕。不過,年紀相差10 年,江欣燕表示好難再發展,她笑說:「嗰個其實唔係好熟!佢係細過我架,真係完全唔掂架!」



「姊弟戀」No way ! 早前《壹仔》又見到欣欣,孖住地產商人兼老友的Nelson Lee食飯,二人更雞啄唔斷。男方已經名草有主,他的老婆更是欣欣的好朋友。單身足足8年,欣欣都坦言期待有第二春出現。不過,現階段盡量留多點時間,陪伴已經82歲的媽媽。 她表示:「我絕對係等嘅!好朋友我有好多,但我又冇諗住去拍拖、搵個歸宿,我有呢個心嘅,但我完全都唔急。我覺得自由好可貴,我而家剩返嘅時間,最緊要係陪媽咪一齊。」

江爸爸患癌過身

江爸爸患癌過身

13年經歷失婚。15年,江欣燕爸爸證實患上淋巴癌,16年病逝,令欣欣雙重打擊。爸爸離開之後,欣欣決定搬返娘家,負責照顧媽咪。她說:「我返嚟大屋同媽咪一齊住,其實係好幸福。啱啱搬嚟呢度嘅時候,我參加完新秀,入咗娛樂圈,我冇喺呢間屋冇住得好多,我就出咗去,同以前丈夫一齊。」
14年,江欣燕與外型煞食的「六呎版伊健」Kenneth 遊赤柱,餵食雪糕。
14年,江欣燕與外型煞食的「六呎版伊健」Kenneth 遊赤柱,餵食雪糕。
15年,江欣燕爸爸證實患上淋巴癌,16年病逝,令欣欣大受打擊。
15年,江欣燕爸爸證實患上淋巴癌,16年病逝,令欣欣大受打擊。
同82歲媽咪相依

同82歲媽咪相依

已經82歲的江媽媽,曾經在訪問講過,可以為女兒擋子彈,搞到欣欣當場爆喊,可見兩母女感情深厚。過往掛住工作、拍拖,欣欣甚少時間陪媽咪,而家唯有盡力彌補。她表示:「我讀完中學就開始做嘢,跟住就玩⋯⋯變咗冇乜時間去了解媽媽,我而家當媽咪好似我個女咁樣囉!我會整啲嘢俾我媽咪食,氹佢食多啲嘢。我會同佢去街啦,戲院放寬咗之後,我哋又開始返睇戲生活,因為我媽咪好鍾意睇戲。有時我同朋友食飯,我都有帶埋媽咪一齊去。」
近年江欣燕決定搬返娘家,負責照顧媽咪。
近年江欣燕決定搬返娘家,負責照顧媽咪。
期待靈魂伴侶
期待靈魂伴侶
53歲的江欣燕,16歲入行,曾經同過張衛健拍拖5年。分手之後,認識前夫吳積遜,拍拖10年,01年終於拉埋天窗,直到13年突然爆出離婚,結束12年婚姻。離婚後,江欣燕的感情生活一直空白,令江媽媽都擔心自己百年歸老之後,冇人陪欣欣。不過,現階段,欣欣坦言最想等到一個心靈上的伴侶。她說:「以前細個,最緊要係有人陪我玩,去party,咁我就好開心。但而家大個咗,成熟咗,我認為內心嘅溝通係最緊要,等緊一個靈魂伴侶,我知道比較難,但係唔緊要,因為我一個人都好快樂。」
江欣燕16歲入行,曾經同過張衛健拍拖5年。
江欣燕16歲入行,曾經同過張衛健拍拖5年。
01年,江欣燕同前夫吳積遜拉埋天窗,直到13年突然爆出離婚,結束12年婚姻。
01年,江欣燕同前夫吳積遜拉埋天窗,直到13年突然爆出離婚,結束12年婚姻。
吸引異性埋身
吸引異性埋身
享受單身生活,近年江欣燕身邊都有唔少異性出現。日前她與一名中年男仕食飯,之後更孖住去行傢品店。不過該名西裝男,其實是她好友,做地產起家的Nelson Lee,16年,曾經參與投資電影《終極勝利》。雖然欣欣暫時未遇到心目中的靈魂伴侶。不過,年過半百的她,出名保養得宜,要搵第二春,絕對冇難度啦!
日前江欣燕與地產商人好友Nelson食飯,二人認識多年。正如江欣燕所講,好友一大籮,但靈魂伴侶仍等待中。
日前江欣燕與地產商人好友Nelson食飯,二人認識多年。正如江欣燕所講,好友一大籮,但靈魂伴侶仍等待中。
二人更孖住去行傢品店。
二人更孖住去行傢品店。
Nelson已經名草有主,他的老婆更是江欣燕的好朋友。
Nelson已經名草有主,他的老婆更是江欣燕的好朋友。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多