• 林雪拍戲遲到半日才現身 韓君婷呆等仲被叫收聲:自己都知好無賴|「乞人憎」實錄

  • 發布日期:2021-05-03 09:00
  • 林雪拍戲遲到半日才現身  韓君婷呆等仲被叫收聲:自己都知好無賴|「乞人憎」實錄

 

昨非而今是。



自省然後努力改正。

當年一度被指「未紅先驕」,「乞人憎」,以致被恩師杜琪峰斬去路,力勸他從新做人,林雪說來仍刻骨銘心,他說了其中一個不會再發生在自己身上的故事。



「當時拍緊《下一站天后》,我做阿Sa老豆,有一場戲講我喺台前拉橫額支持阿Sa,原本朝早8點通告,我下晝一點先出現。我做過製片同幕後,知道嗰場戲有成120個臨時演員,通告一樣係朝早8點,一定會先拍咗入場同散場戲份,我係中間先到場支持嗰女,所以計過數,一定會先拍臨時演員戲份,出8點通告畀我,咪即係去到睇人拍戲?不過而家點講都係我唔啱,做演員一定要準時,即使當日拍唔到我,都應該係現場等。」他說。

 阿Sa在戲中飾演林雪女兒,兩人有多場對手戲。
阿Sa在戲中飾演林雪女兒,兩人有多場對手戲。
 韓君婷當年在電影算是新人,難怪不敢反駁林雪遲大到。
韓君婷當年在電影算是新人,難怪不敢反駁林雪遲大到。
 電影《下一站天后》由馬偉豪執導,多年來,他跟阿Sa以及戲中另一演員周麗淇都有來往。
電影《下一站天后》由馬偉豪執導,多年來,他跟阿Sa以及戲中另一演員周麗淇都有來往。

林雪坦言當日未有今天理智,更當眾喝令韓君婷收口。



「我記得亞視嗰個鬼妹韓君婷當日都有份拍,我去到現場時同大家講早晨,佢話我仲好意思講早晨,即係佢可能等咗我成個朝早。我當時梗係問佢係咪鬧我,佢話唔敢,我話唔敢就收聲,即係仲要咁態度。其實當日俾一位女士咁樣話自己,仲要面皮厚到咁去反駁,之後都覺得自己好無賴,但我唔咁樣又落唔到台,不過講咗仲衰,其他人都會覺得我係無賴。所以我而家會盡量畀少啲麻煩其他人,人係要反思,要企喺對方位置諗。」林雪指當日犯錯,其後更遭圈中人白眼,感覺十分難受。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多