• 影帝好戲│林家楝用木棍真毆 林雪當場爆粗:我問佢想點?杜生叫你推我落樓,你又真係照做

  • 發布日期:2021-05-03 08:00
  • 影帝好戲│林家楝用木棍真毆 林雪當場爆粗:我問佢想點?杜生叫你推我落樓,你又真係照做

 

林雪多年來拍過不少攞獎電影,也跟不少影帝合作過,當中包括張家輝、黃秋生、吳鎮宇、劉青雲和林家楝等好戲之人,他說演技各有特色,沒能評論,不過林雪說這些年很清楚自己的擺位,故不少演員都愛跟他合作,因大家都明白交流要收放自如,讓雙方都有發揮空間。其中他最滿意的一部電影《再見阿郎》,是入行未幾跟劉青雲合作的警匪片,當中兩人有很多對手戲。



「我幾鍾意呢部戲,因當時白紙一張,完全投入角色,演時覺得自己無雜質,我認識嘅澳門司警係直覺上就係咁,自己做到嗰種形態,無加鹽加醋,所以先畀到青雲一個力度。我覺得演員係需要修練同修養,能收能放。有啲人放咗收唔到,有啲收咗就釋放唔到。」林雪說遇過不少這類型的對手演員,其中《黑社會》一幕,林家楝手拿一條粗木棍毆他,為要一次過完成冇NG,他真的毆落去,這也是一個能收能放的例子。



「佢都啱嘅,係另一種演繹方式。佢無錯嘅,所以今日仍然屹立不倒。」林雪表示當日火遮眼直斥對方:「我係當場鬧佢,問佢想點?佢話係杜生吩咐要一次過,我話如果杜生叫你推我落樓,咁你又真係照做?」他半開玩笑續說:「佢再唔知嘅話我就打佢,等佢知道。」

做色魔‧唔通真係色魔

做色魔‧唔通真係色魔

 電影《黑社會》中一幕,林家楝準備用木棍毆打林雪。
 林家楝在樹林中一步步行近林雪。
+6  林家楝在戲中殺氣騰騰,七情上面。
 電影《黑社會》中一幕,林家楝準備用木棍毆打林雪。
 林家楝在樹林中一步步行近林雪。
 林家楝在戲中殺氣騰騰,七情上面。
 林家楝手拿的木棍有相當粗度。
 林家楝用木棍真毆林雪,出來效果寧捨迫真。
 林雪在戲中被毆至頭破血流。
 林雪在《再見阿郎》中飾演澳門司警,他形容是無雜質的一次滿意演出。
14年,杜琪峰獲演藝學院頒榮譽博士,一班影帝到賀,大部份都跟林雪合作過。

對林雪來說,好演技應該是能夠達到這樣效果:「一個人唔可以有病,唔可以黐線,尤其是演員,即使扮演黐線都唔好真黐線。咩嘢叫演?如果唔係就直接搵黐線嘅人啦,要唔黐線但演到黐線,咁樣先至巴閉。你唔係色魔,但演到似色魔咁先至巴閉,唔通你真係色魔?做人就係咁樣,啲人一開始就已經七情上面,其實應該要放則放,要收則收。」



林雪性格爽快有話直說,入行以來,經常周旋在巨星與大導演之間,縱使曾經不知天高地厚,被人認為未紅先驕好難搞,但他也有自己的做人原則:「大家做番自己份內事就算,反正我嘅角色你都做唔到,你嘅角色我又做唔到。」
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多