• 45歲韓君婷破產後打兩份工搬離「蔡宅」 前同居男友蔡國威:佢覺得自己可以養到自己,所以先搬!

  • 發布日期:2021-05-01 00:01

 

45歲的前亞姐韓君婷,今年1月向法庭申請破產。14年,因為意外仆崩鼻破相,未能重返演藝圈的她,幾年前已轉行到醫學美容中心做OL,收入原本足夠應付生活。後來因為媽咪患上甲狀腺同末期肺癌,韓君婷要負擔巨額醫藥費,於是欠下40萬巨債。受疫情影響,美容院關閉。韓君婷後來轉職到一間醫療公司,協助收集深喉樣本,可惜新公司最終一樣捱唔住。



收入變零,韓君婷唔想連累朋友被財務公司追數,決定申請破產。在艱難的日子,她一直依靠「密友」蔡國威,兩人「同居」足足2年,更因此傳出緋聞。不過,原來韓君婷最近已經秘密搬離「蔡宅」。同一時間,她在IG上載了一張泳衣相,相中被一名老外攬住兼摸大髀,隨即傳出新戀情。《壹仔》訪問了當日出手幫忙,完全冇收租金的蔡國威,他表示:「佢咁搬走之前,好正式咁樣同我講咗,我話佢搵到份好理想嘅工作,覺得自己可以養得到自己,可以攪得掂自己,所以先至搬嘅!」

破產後變「慳妹」

破產後變「慳妹」

97年,韓君婷「執二攤」成為亞姐冠軍,之後她的人生路途,可算是一波三折。初戀男友患癌過身、抑鬱、厭食、仆崩鼻,受傷部份更因為受到細菌感染,造成永久破相。前年母親病逝、欠債、失業、破產⋯⋯生活過得並不容易,不過,韓君婷一直樂觀面對。她表示:「既然決定申請破產,就要用正能量去面對,一條死魚搵唔到食,所以而家好清楚自己嘅方向,最緊要有穩定收入,盡快解除破產令。」正式開始破產生活,韓君婷自爆變成超級「慳妹」,每日飲食、車費開支唔可以超過100蚊。最近搬新屋,日前《壹仔》發現她單拖行家品店,主要添置餐具,但買野之前,她都深思熟慮,慳得就慳。
97年,韓君婷「執二攤」成為亞姐冠軍。
97年,韓君婷「執二攤」成為亞姐冠軍。
韓君婷的媽咪患上甲狀腺同末期肺癌,她要負擔巨額醫藥費,於是欠下40萬巨債。
韓君婷的媽咪患上甲狀腺同末期肺癌,她要負擔巨額醫藥費,於是欠下40萬巨債。
14年,韓君婷因為意外仆崩鼻破相,所以未能重返演藝圈。
14年,韓君婷因為意外仆崩鼻破相,所以未能重返演藝圈。
做KOL帶貨

做KOL帶貨

雖然希望有一日可以重返幕前,但一直未能如願。不過最近韓君婷成功在網上搵到出路,做KOL兼帶貨,收入都足夠她應付日常生活,搬離「密友」蔡國威屋企。蔡國威亦表示得悉韓君婷現正打兩份工:「佢講過係有做KOL,亦都有講而家喺一個YouTube頻道,做網上主持工作。」當日蔡國威曾經唔收租金,借出屋企俾韓君婷暫住,「同居」足足2年,更因此傳出緋聞。對於女方孭住破產令在身,但又突然搬走,經濟方面是否能夠應付?他表示作為朋友,都尊重她的決定:「呢個係佢要自己考量嘅問題,因為佢咁清晰話到俾我聽,佢有能力去搞掂自己,養到自己嘅時候,咁我會尊重返佢嘅決定囉!」
最近搬新屋的韓君婷,日前單拖行家品店。
最近搬新屋的韓君婷,日前單拖行家品店。
買野之前,韓君婷都深思熟慮,慳得就慳。
買野之前,韓君婷都深思熟慮,慳得就慳。
當日韓君婷主要添置餐具。
當日韓君婷主要添置餐具。
自從破產後,韓君婷自爆變成超級「慳妹」,每日飲食、車費開支唔可以超過100蚊。
自從破產後,韓君婷自爆變成超級「慳妹」,每日飲食、車費開支唔可以超過100蚊。
孖老外歎日光浴
孖老外歎日光浴
搬新屋後,韓君婷在感情方面,似乎都有新發展,早排相約一名老外享受日光浴,更在Ig上載了一張摸大髀相,心情似乎未有受破產令影響。眼見老友有新生活,身為「密友」的蔡國威都替她開心:「大家如果有留意佢嘅社交網站,我又唔係好覺得佢情緒有太大嘅問題,因為都好開心下,同朋友食飯,又曬太陽,咁我覺得佢情緒上應該冇問題。」
在艱難的日子,韓君婷一直依靠「密友」蔡國威,更因此傳出緋聞。
在艱難的日子,韓君婷一直依靠「密友」蔡國威,更因此傳出緋聞。
日前,韓君婷在IG上載了一張泳衣相,相中被一名老外攬住兼摸大髀。
日前,韓君婷在IG上載了一張泳衣相,相中被一名老外攬住兼摸大髀。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多