• 壹週和你股|OPPO造車竟利淡小米咁滑稽?!|譚朗蔚

  • 發布日期:2021-04-28 13:30
  • 壹週和你股|OPPO造車竟利淡小米咁滑稽?!|譚朗蔚

 

今日,市場的焦點明顯在小米(1810)。該股份在半日跌半成,初步測試前底24.90元的支持。忽然下跌,到底原因何在?莫非是佢的手機銷量出了問題?抑或是物聯網的發展有阻滯?都不是,而是造車的前景堪憂。什麼?小米剛剛先開始「講」造車,到依家「車毛」都未見到一條,咁都可以利淡?唔係呀化?!歸根究底,原來市傳另一家國產手機的品牌OPPO都打算加入戰團,造電動車!那真是荒天下之大謬喇:一間連條毛都未整到的公司竟然驚一間連影都無的公司搶去市佔?這個市場係咪太前衛?

說話係咁講,恐慌係不必要,但是股價應聲下跌是千真萬確的,作為技術分析型的投資者、圖表派的信徒,必須予以尊重。因此,我建議大家切忌急於撈底,並適宜關注24.90蚊同23.90蚊兩個關口有無支持。至於小米轉弱會否威脅到科指或者XL南方二恆科(7226)的部署?當然不會。講到明大包圍,只要指數入面仍有其他股份轉強來撐住的話,依然值得看好。就例如京東健康(6618)在近日完成了橫行造底,終於配合成交連升幾日,現價買入的話可以睇135做目標,跌穿110的話止蝕。

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多