• 姜濤5年冇飽飯食 渴望上車買樓:汗水知道我吃了多少苦|22歲生日前開擇偶條件

  • 發布日期:2021-04-28 00:01

 

在ViuTV頒獎禮中,姜濤豪言:「香港歌手將會成為亞洲第一!」為達到這個目標,他已經5年冇飽飯食。他心裡面有把火,就算以前未入行,甚至仍然是200幾磅肥仔時,已默默向住自己的夢想進發。

雖然好多人覺得他走到今日是靠運氣,他承認自己幸運,但強調,只有他知道減肥跑步時留下的一滴滴汗水,只有這些汗水知道他吃了多少苦,只有這些汗水知道他被多少人看不起。

一份堅持,讓姜濤由一個肥仔變成萬人迷。
一份堅持,讓姜濤由一個肥仔變成萬人迷。
難上車買樓 媽媽掌管財政

難上車買樓 媽媽掌管財政

儘管事業如日中天,不過姜濤最記掛的是父母,由於姜爸爸去年尾不幸中風,雖然現在康復進度良好 ,但作為家中獨子,他最大心願是買樓安頓父母。

「想買樓,諗過買完一層樓就退休。如果一層收租,一層自住,呢種生活實在太完美。但應該有啲難,香港地買樓係一件比較困難嘅事,所以儲多少少錢先。不過如果我真係儲到一筆錢的話,我會先用嚟拍一個好勁嘅MV!」姜濤笑說。

他將所有收入交給母親處理,「媽媽負責,呢方面我自己完全唔識,一有錢我就會去買嘢食。理財方面,可能將來開一間食品店?我都唔知道。」
媽媽是姜濤最大後盾。
媽媽是姜濤最大後盾。
姜父去年尾中風,早前已出院,康復進度良好。
姜父去年尾中風,早前已出院,康復進度良好。
用168減肥法 蘋果頂肚

用168減肥法 蘋果頂肚

雖然姜濤目標遠大,但他說追求和努力過之後,會去一個沒人認識自己的地方過下半生,希望到時再過肥仔人生。 潛台詞是屆時可大吃大渴,終於有飽飯食。

但目前是搏殺期,尤其MIRROR下個月開騷,為令姜濤保持靚仔外形,花姐大力督促他減肥,近月他要搣甩十幾磅肉。

之前他試過節食,帶病上陣工作時,5分鐘內兩次腳軟,兩次都突然向後跌,令姜糖好心痛,自此便小心注意健康。

現在他採用近期大熱,連Sammi都用的168減肥法,一日之中16小時禁食,其餘8小時才可以進食。開騷在即,要操肌又要練舞,夜晚MIRROR成員個個食份量十足的宵夜,姜濤就只容許自己食蘋果。

「見住佢哋同工作人員食,自己都好難受,差啲發脾氣。」他說。
姜濤期盼香港歌手將會成為亞洲第一,好有火!
姜濤期盼香港歌手將會成為亞洲第一,好有火!
默默改變自己 向大海訴說心願
默默改變自己 向大海訴說心願
其實體重一直是他的大敵,他說以前自己只是一個肥學生,因為沒自信上課學習,經常在課堂搗亂,白白荒廢中學時光,導致退學收場。

他最難忘當年媽媽在炎炎夏日,帶他走到一間又一間中學,希望有學校收留,但連最不好的學校都不收他。

「嗰時我開始懂事,從未覺得自己咁冇用,從嗰個時候開始,我就默默地改變我自己。膝蓋韌帶斷咗,都一直運動,因為我知道要做藝人的話,呢幾年時光最寶貴,而復健係漫長嘅,我唔想喺病床上睇住機會溜走。」他坦言。

當時他愛由家裡到中環海濱走廊跑步,他喜歡對著大海訴說自己的願望。「每次跨年我都會許一個願望,今年嘅我要再往前進步一點點。」

就是這種堅持,讓他由一個肥仔變成萬人迷,穩穩當當地走到今天。而肥胖被欺凌時,他僅有兩位朋友,其中一個兄弟「中鋒」,今年3月不幸猝逝。目擊事情發生,姜濤在一瞬間失去好友,是他今年的最大憾事
肥仔年代被欺凌,沒甚麼朋友。
肥仔年代被欺凌,沒甚麼朋友。
以前要一口氣吃兩個即食麵才滿足,難怪胖嘟嘟。
以前要一口氣吃兩個即食麵才滿足,難怪胖嘟嘟。
遇上The one會勇敢出擊
遇上The one會勇敢出擊
娛樂圈生活多姿多采,但星期五(30日)便22歲的姜濤,形容自己:「我嘅生活無咩太大樂趣,自己嘅性格鍾意匿喺一個私人空間,自己一個去思考。」

雖然是無數女性心目中的男神,之前又跟《YOLO的練習曲》 的女主角Candy傳緋聞 ,但姜濤仍在期待The one的出現。

「其實我對於理想對象唔會只著重外觀,反而會睇佢係咪可以接受我做娛樂圈。因為我覺得外在因素,自己由細到大都係不斷變,所以都唔夠膽邊種係我嘅理想型。如果真係遇到一個會令我咁樣做嘅女仔,我一定會去做,只不過暫時未遇到。」
30號便22歲的姜濤,是姜糖的男神。
30號便22歲的姜濤,是姜糖的男神。
得一個IG帳戶 拒網上求愛
得一個IG帳戶 拒網上求愛 他自言不會在網上求愛,「只得一個IG帳戶,唔會用呢個帳戶去做啲咩嘢,冇呢個諗法,因為已經有一班fans會每日留言,如果對方想撩我,我都分唔清佢哋係fans定係其他女仔,所以通常都會將對方當成fans咁樣去回覆,例如回覆多謝。」

不論在事業上或愛情上,姜濤都是一個追夢的人,他常說走到今天,他已知足了,但他希望大家見到他的出現,也敢追尋自己心中的夢想。相信他撒下的種子,沒有白費。
志向遠大,但姜濤懂感恩,皆因一切得來不易。
志向遠大,但姜濤懂感恩,皆因一切得來不易。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多