• 恆安邨入屋爆竊案|獨家專訪混血女親述背景:呢度治安唔多好

  • 發布日期:2021-04-26 13:50
    最後更新日期
    :2021-04-26 13:55

 

上週五(23日)凌晨時分,馬鞍山恆安邨發生一宗涉嫌入屋爆竊案,警方日前拘捕涉案疑犯,是一名37歲的蕭姓男子,報稱仼職文員。本刊訪問了案中女事主Bridgitte,說說自己的身世和在恆安邨的生活。

36歲的Bridgitte,是一名中美混血兒。她在香港出生,父親是香港人,仼職公務員,而母親則是美藉。以往在國際品牌從事美容零售的她,早年已隨家人移民,因工作關係多年來也港美兩邊走,近期因應美國的疫情回港發展,與前夫所生的女兒則留在美國被雙親照顧。

她最近找到一份互聯網客戶經理的工作,於是搬回恆安舊屋居住,由於單位在早年已被父親經租者置其屋計劃購買,所以移民後一直由在港的親戚打理,但已有一段長時間被空置,搬回舊居時亦發現不少損壞的地方。

自幼已在恆安邨單位居住的她坦言,從小到大這條邨的治安也不好,「其實呢度治安一向都唔好,以前大門仲要無鐵閘,而家先至有大閘同保安,以前可以就咁行過。」

在恆安居住期間,她又曾經遇過露體狂和偷窺狂,「就係經歷過第一次遇上露體狂呢次事件,所以就唔敢開門,鐵閘同大門都會閂埋...有一次俾人撬窗偷窺,當我正想換衫之際,發現個窗打開咗有對眼,然後我即刻尖叫。」亦是因為這些經歷,她便開始搬離恆安邨,自己在外獨居。

今年一月中,她正式搬回恆安舊居,「朝早開會,下晝同夜晚見客、開單,變相例如十點半見完客,返到屋企都已經十一、二點...我嘅生活模式每日都一樣,朝早開會,下晝夜晚見客,然後再跟單,變相生活模式每日都係一樣,所以第一件事要澄清嘅係,我唔係夜歸女。」

事件發生後,她表示自己心情仍未平復,「而家會怕黑、怕人、怕聲音,每當有人喺我後面都會驚,而家都會盡量叫朋友陪住我。」身上的傷痕暫時未知會否留疤痕,「而家都唔敢照鏡,每次照鏡見到自己嘅血痕都會驚,同埋當無人陪或者環境黑暗嘅時候,都會心寒同起雞皮。」

而身在美國的家人亦非常擔心,「而阿爸阿媽知道後都好驚,同埋阿爸都好心痛;屋企人唔想俾我個女知道,擔心嚇親佢,佢即將八歲,本身都懂性,佢想見我同埋掛住我,因為未試過咁耐,一整年無見過個女,通常每年都會見個女一兩次,同埋之前喺美國工作時都會陪住個女。

另外,她又批評屋邨的保安問題,「雖然有大閘,但我見過有人只要敲一敲門,就會開門放佢入嚟...反而以前住佐敦渡船角,有好多南亞裔人士,好似好危險,但反而安全,因為大閘本身要用鎖匙。以前住土瓜灣唐樓,或者旺角,甚至深水埗,都未經歷過呢啲事情。」

----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多