• 姜濤4.30生日姜糖豪擲百萬鋪天蓋地祝賀廣告 姜濤:我未來願望係重過肥仔人生

  • 發布日期:2021-04-24 15:05
  • 姜濤4.30生日姜糖豪擲百萬鋪天蓋地祝賀廣告 姜濤:我未來願望係重過肥仔人生

 

昔日公園切蛋糕

昔日公園切蛋糕

姜濤之威力,遠遠拋離當年四大天王!繼姜糖前年狂落報紙廣告八字真言:「姜濤不紅,天地不容」後,月底4.30便踏入22歲生日的姜濤,繼續得到姜糖香港後援會加持,不惜大灑百萬,為他炮製鋪天蓋地的慶生場面,包括在港鐵燈箱、電車、九巴、高士威道、維園巴士站,及陸續在多個港九大型商場大螢幕出廣告,姜糖的熱度更如火燒連環船,除後援會大灑金錢,就連個別有米粉絲,亦為姜B花錢在多個電車站落廣告,賀他生日快樂,姜濤這個22歲B.day,簡直無處不在。

日前他跟經理人「花姐」黃慧君接受港台節目《舊日的足跡》的主持車淑梅訪問,說到入行前的生日,只跟兩,三個朋友唱K,或去公園切蛋糕,自從成為偶像,他的生日變得不一樣。「依家收到好多fans嘅禮物同祝福,以前未經歷過,好滿足!」接受這訪問時,相信姜濤未知姜糖為他不惜工本,鋪天蓋地慶生!

揀冇人識自己地方過下半生

揀冇人識自己地方過下半生

「我冇要求,我對未來願望係重過肥仔人生,我想做返肥仔,將來我會係個肥仔,我追求努力過之後,去一個冇人認識自己嘅地方過下半世,一個悠閒嘅人生,我可以同啲子孫講,你阿爺以前都威過。其實人生仲有好多事情去體驗,但依家要做嘅,就係要盡力做好手上每一件事,每一首歌,當然仲有我應承過花姐會養佢。」為入行,姜濤曾經辛辛苦苦由200多磅肥仔,減至成為靚仔萬人迷。繼續節食的他,估不到將來心願是打回原形,卸下偶像包袱。

聽到姜濤承諾將來養埋她,花姐聞言即大笑:「我好大使喎,最好養埋我屋企人,哈哈。」比以前收放自如的姜濤笑著回應:「到時我應該都有家室,你唔好咁過分就得喇!」
日前姜濤與經理人花姐,到港台接受車淑梅訪問,說到將來願望是打回原形做肥仔,重過平凡人生活,他說:「努力追求過後,將來同啲孫講,你阿爺以前都威過。」
日前姜濤與經理人花姐,到港台接受車淑梅訪問,說到將來願望是打回原形做肥仔,重過平凡人生活,他說:「努力追求過後,將來同啲孫講,你阿爺以前都威過。」
為當偶像,他由200多磅肥仔,成功減至現在模樣。仍然要節食的他,希望將來放下偶像包袱,隨心吃喝,重返肥仔人生。
為當偶像,他由200多磅肥仔,成功減至現在模樣。仍然要節食的他,希望將來放下偶像包袱,隨心吃喝,重返肥仔人生。
會驚有日失去光環

會驚有日失去光環

有排都未退休的姜濤,現紅到無人匹敵,被問會否害怕這股旋風消失,他坦言:「一定擔心光環有一日唔見,話唔驚一定係假,但我相信歌手要做好自己作品,就係一個保證,點都唔會令你失去太多。」

入行短短兩年,已有很大領悟:「做藝人冇返工同收工時間,日常舉動都係工作,就要負責,呢件事仲未好習慣,因為我係一個需要私人空間嘅人,我要克服外界入侵我嘅生活,最近有少少情緒,以前唔開心會食嘢舒緩,依家演唱會在即,我唔可以偷食,如果偷食我就乜嘢都想食,哈哈!」
 接受車淑梅訪問,姜濤說沒跟拍攝新劇的台灣女主角林思廷心動,又說喜歡的對象,先要條件是長直髮的女孩。
接受車淑梅訪問,姜濤說沒跟拍攝新劇的台灣女主角林思廷心動,又說喜歡的對象,先要條件是長直髮的女孩。
令連登仔改觀
令連登仔改觀
講到一旦偷食會食唔停,相信大家想起日前ViuTV節目《考有feel》,MIRROR與ERROR對壘的兩集,姜濤一口咬下雞尾包後就掛住食,食到忘記俾提示隊友猜的可愛一幕,加上他在節目忽然拋開偶像包袱喪玩,變「狂濤」制服阿Dee的搞笑場面,之後為求給隊友估中「食奶咀」一詞,竟選擇做「崩壞姜B」,尷尬斜望女主持Polly胸部,均笑爆全場,成為熱話。姜濤在《考有feel》的「脫胎換骨」,連登仔都對他改觀。過往連登仔不明姜濤旋風現像,但看罷他在節目的真我表現,即時對這位香港新偶像刮目相看。
自卑到連名都想改
自卑到連名都想改
他在車淑梅的訪問說,讀書時很自卑,連對自自己名字都感到抗拒。「以前好肥時候,個個同學都唔歡迎我……後來又因為自己成績差,撩事鬥非被踢出校,其實我係自卑形成反叛心理……我亦唔鍾意自己個名,覺得好難聽,入行嗰時想改三個字嘅名,例如韓國明星姜泰元,好有型!反而對自己個名無乜信心,但估唔到個名演變成姜B,心入面好感激呢個名帶畀我一切,我但知道(姜B)唔用得太長遠,始終會長大,所以我要用音樂作品話畀大家聽我開始成熟。」
花姐都成長
花姐都成長 聽罷花姐不禁說:「你要多謝我當時截住你改名,我欣賞姜濤有好嘅性格,佢媽媽教得好好,我從來都唔擔心佢紅咗會飄飄然,佢成日話攞獎唔重要,最緊要畀多啲錢佢做好MV。」

花姐這位經理人,亦覺得自己跟MIRROR一齊成長。「呢兩年對我嚟講都好大轉變,以前我最怕經理人三個字,覺得好麻煩,不過我冇得揀,我(被人)抄牌多咗,待人接物圓滑咗,因為我得罪人會影響一班藝人。」
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多