• 《農情家園》︱南韓邵音音 問鼎奧斯卡︱吾港戲(尹學仁)

  • 發布日期:2021-04-24 11:50
  • 《農情家園》︱南韓邵音音 問鼎奧斯卡︱吾港戲(尹學仁)

 

本欄應該主要講本地電影,不過今個星期半破例。上星期介紹過香港一位新晉肥妹演員蔡裕彤,今個星期要介紹另一位女演員,來自南韓,已經 73 歲,名叫尹汝貞。

上個周末去灣仔香港藝術中心,睇完一部 2019 年南韓輕喜劇,戲名譯做《幸運是她》,講一位 40 歲電影女監製全心投入事業,不過導演拍檔突然逝世,被失業仲要搬到偏僻山區,向一位老太太(由尹汝貞飾演)租一間房住,展開無聊生活,包括淪落到幫朋友做清潔,遇到意中人又表錯情,仲要被鬼纏,而隻鬼又自稱為張國榮。

《幸運是她》海報。
《幸運是她》海報。
尹汝貞在《幸運是她》戲份較少。
尹汝貞在《幸運是她》戲份較少。

部戲好妙,仲幾好笑,張國榮個角色(演員個樣跟本同張國榮差天共地,不過《阿飛正傳》底衫造形非常絕)特別好笑,對香港觀眾亦別具意義。

如果錯過《幸運是她》,可能要上網絡平台搵搵。導演本身正正監製,向來為國際影展寵兒洪尚秀服務。不過洪導演幾年前鬧不倫,同自己班底反面,結果促成金牌監製的起心肝,第一次做導演,拍出一個半自傳輕喜劇,人生如戲。

今次放映來自一個叫「韓女獨有戲」影展,其實由香港藝術中心同幾個南韓單位合辦,部部戲都由南韓女導演執導,都屬於獨立製作,影展一直搞到七月,大家可以留意留意。
《幸運是她》裡面「張國榮」角色經常神出鬼沒。
《幸運是她》裡面「張國榮」角色經常神出鬼沒。
張國榮《阿飛正傳》形象深入民心。
張國榮《阿飛正傳》形象深入民心。

不過今個星期新上畫電影,仲有另一部由尹汝貞主演,叫《農情家園》,並非南韓電影,其實算做荷里活獨立電影,幕後搞手包括 A24 以及 Plan B 兩間荷里活當紅獨立電影公司,作品近年經常揚威奧斯卡,而 Plan B 老闆正正靚佬演員 Brad Pitt。

所以《農情家園》都有 Brad Pitt 做監製,今屆奧斯卡都有提名,尹汝貞已經橫掃多個國際大獎,故事講一家四口南韓移民,由加州搬到老遠阿肯色州,因為男戶主拒絕一世做工廠,希望買地務農,種韓國植物,打其他韓國移民市場,自主命運;不過貧賤夫妻百事哀,日日嘈交,即使未受種族歧視,都畢竟屬於少數族裔,萬事起頭難。故事中段開始,女戶主把母親(尹汝貞)由南韓帶到美國。外婆英文識條鐵,同兩個外孫關係到生活細節都非常好睇。
尹汝貞可視為今屆奧斯卡最佳女配角熱門。
尹汝貞可視為今屆奧斯卡最佳女配角熱門。
《農情家園》以婆孫關係最好睇。
《農情家園》以婆孫關係最好睇。
尹汝貞飾演外婆有極其生鬼一面。
尹汝貞飾演外婆有極其生鬼一面。
今日香港人人移民,今個夏天離開香港之前,睇一睇《農情家園》就最適合不過。電影本身來自美藉韓裔導演家族真人真事,能夠令美國人都去睇韓國移民故事,皆因講到底,其實都離不開「American Dream」,某程度都好大美國。

不過《農情家園》難得拒絕煽情,依然拍得真摰感人;條線,講真,其實好難拿揑,提名奧斯卡實至名歸。當然編導之外,部戲個個演員都做得好好,尹汝貞之外,飾演細仔位童星亦超級搶鏡,極之可愛。套戲早三個星期,先在香港國際電影節首映,大受觀眾歡迎,映後談有導演視象分享,原來竟然有親人住在香港。
英文片名來自尹汝貞角色在河邊種植之植物。
英文片名來自尹汝貞角色在河邊種植之植物。
表面上是韓國人故事,但骨子裡還是美國夢。
表面上是韓國人故事,但骨子裡還是美國夢。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多