• 廖啟智安息禮︱臨終最放不下的事 遺孀陳敏兒:佢最唔放心我,作為丈夫佢好唔開心無法完成責任到最後

  • 發布日期:2021-04-20 17:00
    最後更新日期
    :2021-04-23 21:01
  • 廖啟智安息禮︱臨終最放不下的事 遺孀陳敏兒:佢最唔放心我,作為丈夫佢好唔開心無法完成責任到最後

 

上月胃癌病逝的智叔(廖啟智),今日在教堂舉行安息禮。會上派發紀念智叔的場刊,以他熱愛跑步照片為封面,他的人生仿如一場短跑,如遺孀陳敏兒在悼念片說:「廖啟智的人生,如一場短跑,全程用晒所有拚勁,全力以赴,無一刻俾自己停落嚟,衝到最盡,佢係全力以赴,做好人生每個角色。」

「作為演員,佢盡力滿足導演編劇要求,佢患病時,好牽掛工作,因為答應咗幾套電影,佢無法完成所以感到遺憾;作為爸爸,佢盡力養育兒子,供書教學,工作無論幾忙,佢都盡力騰出時間陪伴孩子成長。」

講到智叔作為丈夫,與他同偕33年的陳敏兒,更要強忍淚水道出智叔在臨終前,因感無法完成照顧妻子終老而歉疚,陳敏兒說:「作為一個丈夫,我記得喺病房時候,佢時時捉著我手講:『我好擔心你,好唔放心你。』因為作為一個丈夫,佢好唔開心自己無法完成責任,直到最後。」智叔就是一個事事盡責的人。他亦是醫生口中的A+病人,跟癌病搏鬥日子,乖乖跟足醫生指示服藥,打針,所以見到這個生命,陳敏兒說:「廖啟智我以你為榮。」

在生活每個崗位都非常盡責的智叔,臨終前最放不下,是未能盡丈夫責任,把妻子好好照顧至最後,但其實智叔對每樣事情的盡責,已留給家人最美的回憶。
在生活每個崗位都非常盡責的智叔,臨終前最放不下,是未能盡丈夫責任,把妻子好好照顧至最後,但其實智叔對每樣事情的盡責,已留給家人最美的回憶。

悼念片的開首,是生前智叔在訪問中談到如何種下對演戲的熱熾,一個輸在起跑時,贏在終點時的故事。

「小時候住喺𨺗置區,喺走廊打乒乓波之餘,屋企仲有一部叫麗的影聲嘅電視,每日都有啲粵語長片播放,本身屋企客廳好細,只得六、七十呎,但就成為一個小小電影院。由於經常睇粵語片,唔知係咪咁樣,睇得多,對演戲產生興趣,尤其是睇到馮寶 寶嘅演出,我心裡面就咁樣諗,有機會好似佢咁叻,可以演戲就好。不過呢個夢想藏喺心裡面好耐,直至中學階段,喺學校開始接觸戲劇,呢個興趣慢慢愈嚟愈濃厚。到中學畢業,需要選擇職業,好自然地就諗到想成為一位演員。」他說。
兒時他愛看馮寶寶演戲。
兒時他愛看馮寶寶演戲。
為追演員夢,他多次毛遂自薦都不成功,但沒放棄。
為追演員夢,他多次毛遂自薦都不成功,但沒放棄。

陳敏兒分享智叔為追夢,屢敗屢戰的經歷,種下之後願助年輕人實踐夢想的決心。「佢真係好努力,寫信俾導演,電影公司高層毛遂自薦,周圍拍劇團的門,希望別人俾佢機會,但好可惜都係無機會。

正正因為演戲夢想唔係一帆風順,故佢對年輕人特別有份同理心,如果佢哋想演戲,對電影有興趣,佢真係很樂意幫一個忙。」

「佢唔會理劇本收唔收得,佢只係單純地認為,只要你想發電影夢,想喺呢一行發展,佢都願意陪你跑一程。所以點解當時工作已經好忙,但為何仍願意接受浸大學院嘅邀請喺表演系幫手教演技,正正佢想幫一班年輕人圓電影夢。」
當演員前,曾在港台當幕後。
當演員前,曾在港台當幕後。
投考tvb藝訓班三次才成功,成為第八期藝訓班學生,同屆同學有艾威。
投考tvb藝訓班三次才成功,成為第八期藝訓班學生,同屆同學有艾威。
智叔生前,曾經歷歧視,故入行後,無論面對不同崗位的台前幕後,他都做到一視同仁的尊重。陳敏兒續說:「廖啟智中學時就讀嘅係愛國學校,嗰時係殖民地年代,難免經歷被歧視,及不公對待,亦正正為佢建立尊重人,人人平等,尊重差異嘅信念。」84年智叔參演TVB跟中國合拍劇集《廣東鐵橋三》,當時監製要求所有內地演員剃光頭,戴上清裝頭套拍攝,反之香港演員可豁免,智叔並沒因此享受特權,反而自動剃光頭,同內地演員睇齊,因為他覺得:「點解我哋香港演員就有這個特權。」陳敏兒說當日聽完智叔的決定,心裡好感動,一個不以特權去驕傲的人,願意視人人為平等,這份情操,她對丈夫打從心底的佩服。

故在演藝界縱橫數十年,無論資深演員,抑或年輕後輩,主角抑或臨記,台前幕後無一不尊重智叔。悼念片中,節錄了他的一番分享:「我好唔鍾意咖喱啡呢啲字眼,我講過,我視任何人都係演員,無論佢喺鏡頭前出現嘅作用有幾大,每個人都有佢自己嘅睇法。」
在父親山崗位,無論工作有多忙,都盡力抽出時間親子樂。
在父親山崗位,無論工作有多忙,都盡力抽出時間親子樂。
生前與次子文信一起行山。
生前與次子文信一起行山。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多