• 林作練拳變捱打 寸鍾培生戒色備戰:佢虛啫,我唔使戒|裕美爆男友狂操辛苦到想喊

  • 發布日期:2021-04-23 16:45

 

林作與「百億富三代」鍾培生的百萬擂台戰,9月才舉行,但下月1日,他會先參加拳擊比賽《Energy Fight 2021 第一回》,當作「林鍾大戰」的熱身。

學習拳擊廿多日,林作已經開始收身,並且由昔日瘦削身材,短短時間變大隻了一點,手瓜有少少睇頭。

今日他在灣仔拳館,示範與師姐在擂台對打,可是林作全程捱打。原來師姐是武術港隊代表曾海蘭,她更邊打邊講:「咁衰!蝦女人!咁多口!」林作全沒還手之力,笑說:「師姐教我咁耐,相處得耐都會有苦水,係要搵啲時間宣洩吓。呢啲Gentleman風度嚟嘅,而且師姐係專業冠軍嚟,女人都可以好大力,好似屋企嗰個都大力過我,同佢喺屋企都有練。」

林作練拳被師姐狂打。
林作練拳被師姐狂打。
今日所見,林作已大隻了,手瓜有肉。
今日所見,林作已大隻了,手瓜有肉。
稱鍾培生凶多吉少

稱鍾培生凶多吉少

被問到跟鍾培生對打可有信心,他笑說:「我又唔係好勁,要謙虛啲,不過足夠收佢皮,依家信心十足。如果打親佢,真係sorry!恐怕佢都係凶多吉少。」

對於鍾培生戒色備戰,他說:「佢要戒,佢虛啫,我唔使戒,我滿滿的愛要釋放出來嚟,我酒都戒咗兩年,唔煙唔酒好健康,我唔係太多色,都係嗰個啫,佢好似多啲。」

對於鍾培生想請麥明詩屆時到場觀戰,林作表示沒有參與賽事的安排組織,不清楚詳情。林作更稱現在對打拳好有興趣,「我掂得太遲,佢應該早啲搵我嘛,如果早啲開始,可能我已經係係曹星如個大佬啦!」
最初練拳時,身材較瘦。
最初練拳時,身材較瘦。
練拳前,林作非常瘦弱,有如「變身前的美國隊長」。
練拳前,林作非常瘦弱,有如「變身前的美國隊長」。
裕美「補品」侍候

裕美「補品」侍候

而日前林作練拳時,裕美亦有到場,她非常體貼,隨身帶備鐵水,給林作補充身體所需。

「林作依家除咗返工,全部時間用嚟練拳,見佢好辛苦,有時辛苦到好似想喊咁。佢啲師父話,飲鐵水可以補充體能,快啲恢復。我買咗兩大盒畀佢,佢成日唔記者飲,所以我要提佢飲。同時亦買咗葡萄胺、鈣片畀佢,補充骨骼。尤其佢上身冇乜肌肉,依家成日俾人打。」裕美說。
裕美帶鐵水給林作補充。
裕美帶鐵水給林作補充。
鍾培生獲父母支持打擂台。
鍾培生獲父母支持打擂台。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多