• 《口罩小姐》季軍細細粒|自稱單身狗即場求偶 曾遇狂粉傳18禁咸相

  • 發布日期:2021-04-25 00:01

 

《口罩》季軍細細粒

《口罩》季軍細細粒

ViuTV《最後一屆口罩小姐選舉》三甲,冠軍浩南(鄭伊琪)有位拍拖4年男朋友,亞軍阿姨(徐蒨寧)更是人妻人母,幸好季軍細細粒(馮寶欣)仍是單身貴族!

馮寶欣坦言期待有伴侶,最好立即出現。讀者們,請打醒萬二分精神,看看是否符合寶欣的擇偶條件。

  ViuTV《最後一屆口罩小姐選舉》季軍細細粒(馮寶欣)。
ViuTV《最後一屆口罩小姐選舉》季軍細細粒(馮寶欣)。
三甲中唯一單身貴族。
三甲中唯一單身貴族。
跳繩錯焦點

跳繩錯焦點

馮寶欣,芳齡30,身高155cm,三圍30-23-33。從數字看或許偏向嬌小,但粗俗而貼切的形容是「廟細燈籠大」,再配上競選《口罩小姐》的才藝表演「動感霓虹花式跳繩」,有時難免錯焦點。八婆一點,或會認為:「著咁少喺度跳吓跳吓,肯定係特登曬身材勾引麻甩佬!」

麻甩佬,沒有。變態,卻遇過。

「有時候會突然收到短訊,打開後見到傳嚟一張相,然後畫面blur咗,唔知道係咩嘢,但撳制之後就會睇到。我當時搭緊車,一撳制,發現係一啲成人相,當堂嚇一嚇!即刻望吓旁邊有冇人望住我,以為我喺電話唔知睇緊咩嘢。即係會收到呢啲好奇怪嘅短訊。」寶欣憶述。

至於有「色」眼鏡,請收起並自重。寶欣的跳繩項目,是經悉心編排,有情節、有深層意義的,請容她娓娓道來:「唔係希望性感,令其他人見到我(胸部)彈吓彈吓。唔係咁樣,唔好放錯焦點。如果係想製造視覺效果,我就會不停跳,唔需要做花式。所以,我好希望透過今次比賽,可以將信息帶畀觀眾,而個訊息就係我好想話畀大家聽,人生中會有好多不同困難,有時候係自己控制唔到嘅意外。唔知點算好,甚至好多人喺身邊無伸出援手之餘仲會取笑你,咁點算呢?只要喺黑暗中唔放棄,一直堅持,其實整個人係可以發光嘅,唔好睇少自己嘅能力,要相信自己。」
馮寶欣的才藝表演是「動感霓虹花式跳繩」。
馮寶欣的才藝表演是「動感霓虹花式跳繩」。
 嬌小的她,身材卻頗有睇頭,跳繩時難免令人錯焦點。
嬌小的她,身材卻頗有睇頭,跳繩時難免令人錯焦點。
 寶欣表示其跳繩項目,是經悉心編排,有情節、有深層意義的。
寶欣表示其跳繩項目,是經悉心編排,有情節、有深層意義的。
加入電視台?

加入電視台?

寶欣本人就是這麼正能量,加上活潑樂觀個性,很能感染身邊人。問到會否乘《口罩小姐》人氣,進一步踏足娛圈、加入電視台,增加曝光與感染力度?她有保留。

「其實我無特別諗係咪加入娛樂圈,因為喺我嘅角度,我係想做幕前工作,只要一直有機會,即使係做主持或演員或咩都好,我已經好開心滿足。未來會繼續我嘅YouTube頻道,同電視唔同,電視工作可能要經節目組準備,依既定方向同講稿去做。但拍YouTube,我就可以自己鍾意講咩就講咩、拍咩就拍咩,自由度大好多,同埋觀眾會覺得更真實,可以同佢哋直接交流,所以我會繼續拍YouTube飲食短片。」

話雖這麼說,但若能得電視台如TVB垂青,寶欣坦言值得高興,畢竟算是一種肯定。

「如果佢真係搵我嘅話,其實第一個感覺係會開心嘅,因為有人留意到我。但你話會唔會考慮呢?我係完全零,唔需要考慮!而家放棄幼教去做呢一行,都係想追求開心同夢想。如果加入一間同自己理念唔同嘅電視台,其實係背道而馳,所以我都唔會考慮。」
KOL、YouTuber近年大受歡迎,並開始被電視台注意。假如、假如、假如得TVB垂青,寶欣會感到高興,但不打算加入,因理念不同。
KOL、YouTuber近年大受歡迎,並開始被電視台注意。假如、假如、假如得TVB垂青,寶欣會感到高興,但不打算加入,因理念不同。
生計
生計
打風也阻止不了香港人返工,甚至有人唯一的訴求就是搵食,寶欣卻開口埋口自由度、理念。現實少少,廢老思維:「能當飯食?如何維生?」寶欣連收入相對穩定的幼稚園教師一職也放棄,很冒險。

「與其話放棄,我覺得不如話重拾夢想,因為我做幼教之前已經接觸舞台同表演呢方面。當時都接觸咗三、四年,但發現真係好難維生,然後先至加入幼教呢一行。所以我唔係放棄幼教,而係重拾舞台同表演。

「而家都勉強叫做生活到,可以照顧到屋企人同埋兩隻貓。至於點樣維持生計?最主要係拍片,或者廣告商有啲產品想搵我幫手宣傳,然後就會影相去介紹番。

「好多人都同我講,問咁樣長遠落去得唔得?尤其是女仔會老,當老咗觀眾就唔想睇你。但喺我嘅角度,我鍾意做呢件事就會繼續做,從來都無諗過放棄,會覺得鍾意呢種生活,點解要諗放棄呢?」寶欣說得斬釘截鐵,很堅定。

寶欣接過胸罩廣告,現下更有《口罩小姐》季軍頭銜,斷估多了廣告工作邀約。可惜訪問當天,她表示實情並非如我們所想。記得寶欣曾明確表態,可有擔心廣告商因而卻步?她「哈哈」兩聲,豁達答到:「唔使擔心!因為已經出現咗好耐,真係由表態開始,工作量直線下降,但我覺得自己做人最緊要有良心。如果連自己都做一啲對唔住自己嘅事,咁生存仲有咩意思?我寧願食少啲、搵少啲,但都會堅持做自己喜歡嘅工作。」
 離開幼教一職後,維生確不輕鬆。加上取態問題,令不少廣告商卻步。
離開幼教一職後,維生確不輕鬆。加上取態問題,令不少廣告商卻步。
即場求偶
即場求偶
愈講愈遠!重回主題,寶欣的戀愛與擇偶。

「我嘅戀愛經驗,其實拍過兩次拖。我係好遲先至拍拖,二十一歲先至第一次拍拖,當時拍咗六年時間。之後拍過一次好短嘅拖,只係兩三個月就已經完咗。

「如果呢一刻你問我,都會有留戀嘅。即使而家已經分開差唔多兩年,但都會有諗番起。不過,當刻就係覺得唔適合。人就係咁樣,去到某個階段覺得唔適合,就需要分開。

「我嘅擇偶條件係想對方幽默,我鍾意幽默嘅人,同埋好鍾意有自己想法嘅人,要有自己個人主見同思想,唔好咁容易被其他人動搖。

「有個人專長嘅人,即係有本身特點同優點,例如音樂好叻,或者藝術方面好高天分,咁樣我就會覺得對方好有型。」

較易符合寶欣條件的,第一時間想起圈中人。不過,她又耍手擰頭。

「我唔敢呀,因為娛樂圈好多都好靚仔,我覺得靚仔風險好大,因為會面對好多誘惑。最好佢唔會面對咁多誘惑,自己覺得最好係幕後或者圈外人。」
 她,直言是單身狗,A2。
她,直言是單身狗,A2。
 21歲初戀,一拍便6年拖,最終仍是分手收場。
21歲初戀,一拍便6年拖,最終仍是分手收場。
 寶欣期待新愛戀,最好即刻出現。圈中靚仔啱心水?又耍手擰頭。
寶欣期待新愛戀,最好即刻出現。圈中靚仔啱心水?又耍手擰頭。
採訪、撰文:ET

攝錄:曾衛惠

細細粒(馮寶欣)IG:fungpoyan

特別鳴謝IG:go.on.gym

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多