• 廖啟智安息禮|遺孀陳敏兒分享感人往事 了智叔心願:讓大家聽我們製作的歌《天家裡》

  • 發布日期:2021-04-20 15:19

 

往事

往事

智叔廖啟智的安息禮,遺孀陳敏兒分享「背包客窮遊歐洲兩個月」的往事。感人,亦體現智叔為人無得頂!

「由於慳嘅原故,我哋買啲便宜機票,唔係直航,要搭成廿幾個鐘。點解弊喇,計錯數,原定10號返香港,點知個時差係11號先到香港。弊喇,告假告到10號,於是打電話同TVB講要告多一日假。點知TVB話唔得,10號有工開,廖啟智要返嚟拍外景,不能夠延長多一日。點算好呢?無辦法啦,嗱嗱聲買單程飛機票,用直航方式準時10號返到香港。為咗慳,我就照搭廿幾個鐘頭嘅航班,遲一日返到。

同一日去到機場,佢入閘,10號返到。我就遲三個鐘頭上機,搭廿幾個鐘,11號先返到。佢入閘時回頭望我,跟住就流眼淚。我見佢喊,忍唔住又喊,於是兩人攬住喺機場閘口喊成淚人。真係慶幸當時無人問我:『佢要移民呀?你哋3年後先有得見?』如果我答佢:『唔係,一日後就見。』我諗真係會被人鬧。

去到今時今日,呢個往事就提醒咗我,原來生離死別,哪怕你知道好快會同佢重聚都好,你仍然會唔捨得,就好似此時此刻。

佢喺病房時,佢知道自己就快要離開,佢好多眼淚、好多唔捨得,佢嘅唔捨得正正因為佢係個有責任嘅人,放唔低啲仔同老婆。佢同我講:『敏兒,我諗住我係殿後㗎!而家要留低你,辛苦你喇!』佢就係個咁有責任嘅人,佢唔係害怕死亡,佢只係好唔捨得我哋。不過,我哋三個(兩名兒子)好想畀佢知道,其實我哋好掂、好照顧到自己……」

陳敏兒與兩子均有分享與智叔的往事。
陳敏兒與兩子均有分享與智叔的往事。
《天家裡》

《天家裡》

除陳敏兒外,智叔兩子文哲與文信亦先後分享往事。

現場更播出為2006年孻仔文諾死亡而製作的歌——《天家裡》。陳敏兒說:「為預備諾諾迎接死亡,我們特別將聖經形容天堂的圖像,變成小朋友能夠明的說話,再告訴他。然後一家五口製作出一首歌《天家裡》。諾諾離世後,智叔很思念這兒子,他日日都要聽這首歌,真的是每一日,這麼多年來沒停止過。當日在醫院時,智叔見到醫生、護士都說:『你聽吓我仔首歌吖。』然後特別吩咐我們,在他的安息禮裡,一定要播這歌給大家聽。雖然真的唱得不太好,但這就是智叔心願。大家一起聽聽我們一家五口的《天家裡》。」
安息禮上播放的舊照。
安息禮上播放的舊照。

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多

--------------------