• 193 IG followers爭1萬追平姜濤:再講我就囂,港人係養到香港藝人 花姐管教:唔謙卑就cut晒你啲job

  • 發布日期:2021-04-20 00:01

 

講真話有獎賞,或許在大眾心目中,會頒一個最佳勇氣獎吧!說的是ERROR成員193,自從他寸TVB後,獲網民封為娛樂圈清泉。

他的IG followers更由82,700人,倍升至星期一(19日)下午的183,000人。相比擁有193,000 followers的姜濤,只是相差1萬。

被問會否感覺飄飄然,193笑說:「唔會嘅,但如果你繼續講,我依家就會囂!」

他感恩終於有人留意ERROR,「唔係話吐氣揚眉,但真係感恩,香港觀眾仲會留意我哋,睇香港節目。經常有人話香港人養唔到香港藝人,其實係可以做得到,只要多啲支持我哋咁努力工作嘅藝人。」

193的IG followers由8萬2千,勁升一倍幾。
193的IG followers由8萬2千,勁升一倍幾。
追貼姜濤的IG follower人數。
追貼姜濤的IG follower人數。
今年第一季,193已大豐收。
今年第一季,193已大豐收。
對住花姐點敢囂

對住花姐點敢囂

ERROR似乎對數字不太「敏感」,對於193的IG followers直逼姜濤,成員肥仔竟說:「唔係過咗啦咩?」193有點沒好氣,笑笑便算。

那麼193的身價現在有否提高呢?阿Dee搶答:「佢唔止價高咗,連身高都高咗,應該就嚟要改口叫198,佢個人飄起嚟!」

193笑說:「唔會嘅,但如果你繼續講,我依家就會囂。」阿Dee插嘴:「囂畀佢睇!」

於是193裝出一臉囂張說:「唔做你哋訪問,我哋走!你哋係邊間報館嘅?」非常搞笑。

其實193在工作時很合作,事實上,他對著花姐怎夠膽囂張呢!

花姐對於193的followers大增,快要追平姜濤,坦言:「直逼啦咩,我覺得其實無所謂,佢都係我其中一個仔,所以我覺得如果佢愈嚟愈受歡迎,當然我會好開心。剛才見到佢嘅時候,我都叫佢唔好飄飄然,如果唔係我會罰你,有一日見到你唔謙卑的話,我以後會cut晒你啲job。」花姐講下啫,乖乖哋咪冇事囉。
花姐對193要求十分嚴格。
花姐對193要求十分嚴格。
對於姜濤和193,花姐也很照顧。
對於姜濤和193,花姐也很照顧。
無偶包自認萬能插

無偶包自認萬能插

花姐強調:「Followers多咗係一件好事,但我諗最重要係佢有多啲機會做其他工作。我覺得係多咗人認識佢,除咗193,ERROR都多咗人認識,你可以喺ViuTV嘅app見到,所有ERROR嘅節目都上晒排行榜前幾位,係好值得開心嘅,但我唔希望因為佢講過一啲說話,好突出,然後有好多followers,我覺得呢件都係好事,不過希望將來可以憑實力贏到更多followers。」

193亦是同一口徑,「多謝大家支持,好開心,大家因為我嘅一番言論,而睇番之前嘅作品,我哋一直都好努力去做每個節目,無論係我哋或者幕後團隊,都一樣好努力去做。但之前真係有啲失望,點解做得咁好都未接觸到全港觀眾呢?,而家觀眾終於翻睇ERROR遊、自救TV,真係好開心。其實一直都有拍廣告,因為ERROR好多元化,叫做係萬能藝人。」

阿Dee則代眾成員自認:「我哋係萬能插!」

193認同說:「真係喎,如果本身係好有包袱嘅偶像,就接唔到某類似廣告,但我哋咩嘢都做,所以一直都算受廣告商歡迎。加上今次事件,希望廣告商再多多搵我哋。」
193在IG上載新相慰粉絲。
193在IG上載新相慰粉絲。
下次唔講老嘢
下次唔講老嘢
至於上次揶揄TVB後,有否被花姐責罵呢?

193說:「公司無責怪,我都有同高層、花姐傾過,佢話我所講嘅都只係數據資料,而且無針對任何人。花姐叫我下次可以再有禮貌啲,我都覺得自己唔應該講老嘢 ,應該話老一輩,咁樣大家就比較容易接受,就知道友台只係得老一輩觀眾睇。」

花姐亦話:「我覺得193有進步,因為佢以前講說話經常好似無分寸,但上次事件之後,佢有主動傳短訊畀我,我亦同佢講,佢嘅語氣好直接,可能會畀人感覺無禮貌,但佢嘅說話當中,有啲都係啱嘅。所以我就叫佢有時候雖然想表達意見,但都要學識表達時唔好令人誤會。」
因為193,現在更多人認識ERROR。
因為193,現在更多人認識ERROR。
向曾志偉搲撈
向曾志偉搲撈
寸完TVB,如果有機會遇到曾志偉,會有咩反應?

193半真半假說:「同向佢搲撈,帶挈我哋四個。」

「我會嘗試叫肥仔過去叫爸爸,李嘉誠都一直有個傻女人認係佢個女。」阿Dee笑說。

肥仔搶白:「你有冇睇過我IG?我同志偉曾經合照,當時睇一套戲,咁啱佢嘅角色真係叫爸爸,所以我真係tag咗爸爸。」
早前ERROR的肥仔曾碰上曾志偉,即跟他合照。
早前ERROR的肥仔曾碰上曾志偉,即跟他合照。
肥仔Tag了志偉片中的角色,稱他為「阿爸」。
肥仔Tag了志偉片中的角色,稱他為「阿爸」。
評新五虎好娘
評新五虎好娘 不過講到對TVB新五虎的睇法,193就一貫直率:「新五虎呢個名好似唔係呢個年代,有啲『娘』!」

肥仔說:「佢哋有五虎,咁我哋就係四聖獸!」193聞言大講有味笑話:「我哋係ViuTV四隻白虎,都希望有脫毛廣告會贊助我哋,哈哈哈!」

對於TVB星期日的綜藝節目加長時間撼ViuTV,193簡而精說:「佢哋做咩都撼唔到,因為觀眾群完全唔同。」

冇錯,睇193和Error隊友講嘢咁直接,的確同TVB好唔同。青春,真好!
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多

--------------------