• 廖啟智追思|藝訓班高分畢業卻被勸做幕後 《上海灘》餵周潤發食粥一幕打出身價|利雲志專欄

  • 發布日期:2021-04-20 14:00
  • 廖啟智追思|藝訓班高分畢業卻被勸做幕後 《上海灘》餵周潤發食粥一幕打出身價|利雲志專欄

 

投考大台第六期藝訓班失利,廖啟智曾經懷疑自己:「我係咪冇條件去做演員呢?」

廖啟智曾懷疑自己是否沒條件做演員。(《教束》劇照)
廖啟智曾懷疑自己是否沒條件做演員。(《教束》劇照)

他自知不像周潤發般高大威猛,先天條件有所不足,但外形總算青靚白淨,趁內心仍有一團火,療傷兩年,再戰第八期藝訓班,憑經驗終償所願。「我話晒有做幕後,對電視有一定認識,唱歌環節我揀《世界真細小》,一來好流行、旋律易記,仲好易唱!」從這一屆大台開始轉制,除原有的夜班之外,另開全日制,湯鎮業、景黛音、周秀蘭、黃造時等正是首批學員,獲大台致力裁培,學習較為全面,智叔這一群在職人士則讀夜班,各自努力。
廖啟智考第八期藝訓班時,唱歌環節選曲《世界真細小》。
廖啟智考第八期藝訓班時,唱歌環節選曲《世界真細小》。

奇怪在,剛中學畢業的陳敏兒,條件上坐定粒六讀日班,偏偏她一個決定,不經意造就一生一世的好姻緣,智叔憶述:「事後敏兒有講返,佢當時覺得,中學畢業之後又再讀訓練班,好似唔係幾好,不如出嚟搵嘢做幫補吓屋企,於是申請讀夜班,獲得批准。」夜班男多女少,24 歲的智叔以大哥哥身分照顧 18 歲的敏兒,放學後去大排檔食紅豆沙宵夜,很快便情投意合。「冇乜同學同我爭喎,嗰時我有份工,月入二千幾蚊,請吓佢食嘢都好正常啫!」
智叔與陳敏兒放學後,就會去大排檔食紅豆沙宵夜。
智叔與陳敏兒放學後,就會去大排檔食紅豆沙宵夜。
據聞,認識才不過三星期,智叔便閃電向敏兒求婚,他澄清:「我都唔係咁急進嗰種人,最多都係識咗三個禮拜,問吓佢會唔會進一步發展啫!我承認,佢好合眼緣,最主要係傾到偈,諗法比較接近,大家又鍾意演戲,唯一娛樂就係放假一齊去睇戲,話題好多,可以交流到。」大台明知血氣方剛的年輕男女,聚在一起容易通電,開宗明義嚴禁藝訓班同學拍拖,誰人觸犯第一天條,一經揭發被即時革扯,智叔敏兒卻是破格獲得寬待開恩的一對,智叔解畫:「畢竟嗰陣思想比較守舊,老師驚我哋唔識控制自己,演感情戲都唔畀掂到,但唯獨對我有啲放寬,因為我比較成熟,同敏兒大概讀咗半年訓練班左右開始拍拖,喺課室都唔會有乜嘢過分行為,好老實,去到後期,我相信訓導主任都知道我哋拍拖,但佢冇踢爆,可能就係基於信任。」
據聞,認識才不過三星期,智叔便閃電向敏兒求婚。
據聞,認識才不過三星期,智叔便閃電向敏兒求婚。
當年藝訓班開宗明義嚴禁藝訓班同學拍拖,智叔敏兒卻破格獲開恩。
當年藝訓班開宗明義嚴禁藝訓班同學拍拖,智叔敏兒卻破格獲開恩。
智叔與敏兒也沒有因為戀愛而荒廢學業,每逢選即興表演,他都會用心構思一段獨腳戲,最難忘的得意之作,他化身一個傷殘人士,慢慢爬去拿藥吃,沒有對白,純用肢體動作反映人物心態,獲劉芳剛老師及孫嘉文老師大讚七情上面;智叔對演戲的熱誠度持續攀升,受訓期間經大台宣傳部同事轉介,他有機會參演話劇,飾演一個見盡人生百態的戲院搣飛員,也許沒有什麼人記得,這次演出經歷,卻令智叔受用一生!「其中有一場,只得七個觀眾,仲少過我哋台前演員!呢一次令我領悟到,身處逆境嗰陣,千祈唔好驚咗先,起碼要勇敢面對!」
受訓期間經同事轉介,智叔有機會參演話劇。(《遍地芳菲》劇照)
受訓期間經同事轉介,智叔有機會參演話劇。(《遍地芳菲》劇照)
以優異成績畢業,自感有機會大展拳腳,79年9月,第八期藝訓班畢業,高材生智叔被認定是有得留低的穩膽,就在動筆簽約前夕,劉芳剛約智叔傾偈,好言相勸愛徒認真思考前途:「雖然你嘅成績好好,但公司呢一期需要嘅演員,未必會係你呢一種,加上訓練班畢業嘅同學,亦未必個個可以簽約做藝員,其實你成績咁好,又有好嘅經驗,有冇考慮過喺幕後發展呢?或者可以由助導起步,一路做到導演、監製都未定,而且其他同學又多個機會,可以簽約做藝人!」
79年9月,智叔以高材生名銜畢業於第八期藝訓班。(網上圖片)
79年9月,智叔以高材生名銜畢業於第八期藝訓班。(網上圖片)
早有先例,甘國亮、林德祿、招振強、杜琪峰等幕後大將,均是藝訓班師兄,智叔一度被劉芳剛的游說打動,但回心一諗,他的初衷就是當藝員,希望先用一年時間試試自己的本領,再回頭是岸亦未為晚也,劉芳剛也沒有阻撓,智叔遂順利簽下藝員約。
智叔的初衷就是當藝員,結果順利簽下藝員約。
智叔的初衷就是當藝員,結果順利簽下藝員約。
大台人才濟濟,一年「試用期」無疑嫌短,幸好上天有心將他留在幕前,簽約後短短個多月,他已獲派演重頭劇《上海灘》的祥貴一角,「戲分唔係話好多,但都叫做有名有姓,仲要試造型,興奮咗好耐呀!」即使拍完自己的戲分,智叔亦捨不得離開錄影廠,現場觀摩師兄、師姐及前輩的演出以吸取養分;其中有一場,講述許文強(周潤發)被馮敬堯(劉丹)追殺,藏身於祥貴家中,好兄弟丁力(呂良偉)追蹤而至,斬下許文強一隻手指「交差」,之後祥貴餵許文強食粥,看似非常簡單,也沒有太大戲劇衝突的一場戲,竟然成為智叔打出身價波的示範作!
簽約後短短個多月,智叔已獲派演重頭劇《上海灘》的祥貴一角。(《上海灘》劇照)
簽約後短短個多月,智叔已獲派演重頭劇《上海灘》的祥貴一角。(《上海灘》劇照)
智叔時常在錄影廠觀摩師兄、師姐及前輩的演出。(網上圖片)
智叔時常在錄影廠觀摩師兄、師姐及前輩的演出。(網上圖片)
智叔的好戲生涯,就由《上海灘》這一幕開始:「嗰場戲本來冇乜特別,我餵發哥食粥,食食吓佢手指痛,發吓脾氣,對白都唔多,點知到正式嗰陣,發哥食食吓粥,突然咳咗出嚟『濁親』,將啲粥兜口兜面噴晒落我個身度!」別忘記,智叔仍是個初出茅蘆的新人,隨時會因發哥的即興演出而手足無措,但剛才通過藝訓班密集的磨練,智叔立即執生爆肚:「文哥你冇事吖嘛?文哥你唔好嚇我呀!」並聲震震用布幫發哥抹身,導演、監製將這一場戲記錄在案,用作日後培訓師弟師妹的真實教材,令智叔引以為傲!
祥貴餵許文強食粥一幕,成為智叔打出身價波的示範作。(網上圖片)
祥貴餵許文強食粥一幕,成為智叔打出身價波的示範作。(網上圖片)
正式拍攝時,發哥食食吓粥突然濁親,將啲粥兜口兜面噴晒落智叔身上。(網上圖片)
正式拍攝時,發哥食食吓粥突然濁親,將啲粥兜口兜面噴晒落智叔身上。(網上圖片)
智叔立即執生爆肚,並聲震震用布幫發哥抹身。(網上圖片)
智叔立即執生爆肚,並聲震震用布幫發哥抹身。(網上圖片)
「呢場戲,可以畀啲訓練班同學知道,就算有突如其來嘅挑戰,只要受過專業培訓,再鎮定去應付,都可以處理得好好!」
撰文:利雲志
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多

--------------------