• 52歲張可頤3年生酮飲食+斷食心得 :養生講求自律,而非嚴厲。

  • 發布日期:2021-06-06 12:00

 

愛美麗是女人的天性,女人可以不吃飯,但絕不可以不扮靚。

女人為了貪靚可以去到幾盡?包括不惜打蘋果肌入顴骨,以肉毒桿菌瘦面,這些現已被視為平常的後天加工,無添加天然美女,圈中買少見少。

其實維持美貌,天然方法並非冇用,問題在於能否持之以恆,52歲的張可頤,早前拍ViuTV劇集<<暖男爸爸>>,更看來比她細兩年的鄭中基年輕,而其保養之道,主要來自天然方法。

首先講維持身形窈窕,張可頤在多年摸索中,終在三年前找到適合自己體質的一套keep fit方法。她對本刊說,自16年前經歷一場甲狀腺功能亢進症,康復後她不時搜集世界各地的健康資訊。

去年在本港才流行的「生酮飲食」,她早在三年前已開始。因過往keep fit中,她錯誤跟從坊間戒飯戒肉戒脂肪,只食蔬果及麵包的方式,結果身心得不到滿足。「因為成日食唔飽,感覺好唔滿足,好辛苦,於是我畀自己食個東坡肉,填滿返肚腹,又試下食多士時加少少牛油,食完之後再做返運動,發現冇事冇肥到之餘,仲容易減到手臂肉,終於搵到適合自己保養方式,就係咁開始上網研究生酮飲食。」

講求天然之道,張可頤深明內在好,才達至外在美。「我搜集呢方面資訊多年,知道五臟係需要好嘅油脂包住,才運行得更好。當然唔係叫你去食油炸鬼,我吸收脂肪方法,例如食牛扒會食埋少少肥膏部分,雞皮可以食少許,沙律油要揀隻靚嘅等等。每餐我會食肉,但都係多菜少肉。

每一、兩個月,她會進行一至兩日斷食,心得之下,她強調斷食必需要在輕鬆愉快心情,及有足夠休息才好進行。「如果工作好忙碌,精神狀態好緊張,我唔建議斷食,而我每次斷食期間,會去行下街,一來掛住shopping,唔覺得肚餓,二來就係俾自己有個愉快輕鬆嘅心情。」
張可頤悟出保養哲理「自律是修為,自省是修正,日短夜長時間不夠用,特喜歡早睡早起,好好做運動出身汗吧!」常以此提醒自己。「自律係持之以恆,而非嚴厲,因過度壓抑會帶來反效果,故偶爾我會破例當獎勵,俾自己食啲甜品,只要凡事不過量及自律嘅健康生活,先係最佳保養,尤如太極一樣,一切取之平衡。」

她說,好心情是任何一個keep fit方法的基礎。步入五十開始,她追求的是無甚壓力的人生,故近年張可頤以「半退休」方式亮相幕前,只偶爾拍港劇、接舞台劇,及間中返內地工作,多出的空閒時間,都用來做運動,以保持身心健康。

「去到人生下半場,我唔想亦唔可以再日以繼夜,無停咁工作,所以只揀一啲有質素嘅戲拍,唔俾自己再咁辛苦,選擇過簡單嘅生活。我每個月不太花錢在化妝品上,只會注重手腳和抗皺紋的皮膚護理,我的保養心得係良好又健康嘅飲食習慣同足夠休息,不過最重要都係心情好。」

如果不熟悉娛樂新聞,看到今天狀態大勇的張可頤,你大概不會想像到,2005年張可頤除患上甲狀腺功能亢進症,同時亦患抑鬱,徘徊死亡邊緣,甚至需要停工兩年全力休息。康復後,張可頤更珍惜生命,只選擇適量的工作,讓自己重生。近日張可頤更充滿自信,不時在社交平台貼出素顏相,贏的就是那份天然氣質。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多