• 廖啟智追思|兒時想做男版馮寶寶 家中一部電視機成就今日智叔|利雲志專欄

  • 發布日期:2021-04-20 13:00
  • 廖啟智追思|兒時想做男版馮寶寶 家中一部電視機成就今日智叔|利雲志專欄

 

連日來,聽過許多出自廖啟智口中的電影金句,莫論是《無間道II》、《點五步》或《十年》,其實源於諸位編劇的手筆,之所以廣為流傳,全憑智叔以深厚功力與自身魅力,為文字賦予最強感染力。

智叔內斂寡言,在有限的訪問裡尋寶,卻不難發現,他也是看透世情的智者。
智叔內斂寡言,但也是看透世情的智者。
智叔內斂寡言,但也是看透世情的智者。

「人生,一定要訂立目標,但訂好之後,千祈唔好淨係望住個目標,望住就好驚,因為太遠,咁你就只能做好你每日應該要面對嘅嘢,嗰條路就會慢慢形成!」

「人總係唔想面對憂傷同分離,但呢個係必經嘅過程,當要面對嗰陣,唯一可以得到出路,就係需要搵到盼望,咁就可以搵到情感嘅出路,日子會易過好多。」 

「我唔會怕末日,亦唔會逃避,聽日咪聽日囉,我最直接嘅反應,就係開心囉!」
廖啟智並不是資優兒童,小時候甚至曾經嫌「智」字太複雜,將自己名字寫成廖啟「志」,一切歷煉與體會全憑經驗累積,民間智慧逐漸長成。 
廖啟智小時候曾經嫌「智」字太複雜,將自己名字寫成廖啟「志」。
廖啟智小時候曾經嫌「智」字太複雜,將自己名字寫成廖啟「志」。
祖父是木船製造者,5 歲前廖啟智居於旺角臨海一帶(即現今西九四小龍附近),因政府收地填海建屋,廖氏舉家遷至觀塘靠近鯉魚門居住,該處遺留許多二戰時期游擊隊用以藏身的地窿,荒置後成為野孩子的遊樂園,小智叔偕鄰家孩童通山跑、掘蕃薯、捉金絲貓,無憂無慮。 
廖啟智小時候居於旺角臨海一帶,因政府收地填海建屋而遷至觀塘靠近鯉魚門。
廖啟智小時候居於旺角臨海一帶,因政府收地填海建屋而遷至觀塘靠近鯉魚門。
廖啟智是家中老二,有一個哥哥、兩個妹妹及兩個弟弟,爸爸是專責運輸水泥的貨車司機,逢假日總愛帶著老二開工,既多個抹車好幫手,小智叔也樂得趁機遊車河;那年代百廢待興、四處建屋,廖爸爸憑一輛車養活全家人,雖說是賺辛苦錢,但耳濡目染,反正唸書成績又不特別出色,智叔剛滿18歲立即考車牌,一心步父親後塵,但最後平凡人生大逆轉,靠的就是追夢!
智叔剛滿18歲就立即考車牌,一心步父親後塵。
智叔剛滿18歲就立即考車牌,一心步父親後塵。
廖家不算富有,卻擁有尋常百姓家夢寐以求的奢侈玩意——電視機!「嗰陣無綫都未開台,有個麗的映聲係有線電視,每個月要俾節目費,我好記得係廿五蚊,好貴!其實我屋企好窮,但因為舅父喺電話公司做,屬於大東電報局轄下,同麗的映聲有關連,員工申請月費平啲,我舅父就申請咗一部,擺喺屋企!」除了戶外活動,小智叔的最大娛樂就是在家看電視,廖媽媽覺得,只讓一家人去看未免太「浪費」,於是想出一個幫補家計的妙法——但凡有粵語長片上映,廖家門口便會豎起一塊木板,寫上當日放映的電影名稱及時間,入場費視乎戲碼,介乎斗零到一毫不等,更即場提供啫喱、紅豆冰等美點雙輝(廖家有個二手雪櫃),迷你影院配套齊備、似模似樣。
小智叔的最大娛樂就是在家看電視。
小智叔的最大娛樂就是在家看電視。
負責賣飛與帶位的小智叔,從粵語長片中,發現一個年齡與自己相若、渾身是戲的童星,明星夢就此一觸即發:「因為呢部電視機,令我開始對娛樂圈有憧憬,會諗:『點解啲人可以咁叻,拍啲咁好睇嘅嘢畀人睇嘅?』特別當時有個童星馮寶寶,做戲真係好勁,喊又得、笑又得,雖然我細個好怕醜,冇而家啲細路仔咁醒目,但我都會諗,自己同馮寶寶咁上下大,佢都得,我都得啩?」中學時代,智叔以玩票性質參與劇社演出,興趣愈趨濃厚,畢業後未能繼續升學,他沒有當上司機,反而選擇為夢想熱身。第一份工是收音助理,然後又做過港台電視部的攝影助理。「六、七十年代,電視畀人感覺係有前途嘅行業,我都係其中一個,導演幾乎都係留學生,一定有張大學證書,我呢啲冇乜學歷,得中學畢業,就唯有做類似場記嘅工作,由低做起。屋企人唔係特別支持,但冇反對,能夠搵到份工,賺到錢拎返去做家用,又冇學壞,屋企人都好開心。」
小智叔看到童星馮寶寶,明星夢就此一觸即發。
小智叔看到童星馮寶寶,明星夢就此一觸即發。
沒有遺忘要做男版馮寶寶的「智願」,他內心早有盤算——「點解我唔係中學畢業,即刻走去考訓練班?因為我覺得自己太 baby face,有啲蝕底,所以想先做幾年嘢,然後再去考。」76年,大台招考第六期藝員訓練班,欠缺自信的智叔在廣播道踱來踱去,兜了好幾個圈,才鼓起勇氣報考,「嗰時每一期都有成三千幾人報名,只會取錄三十人,成功機會率好低,我去到第三次面試,做晒應該要考嘅嘢,譬如短劇、唱歌,都冇俾人叮過,最記得劉芳剛係監考官之一,考完佢用唔鹹唔淡嘅廣東話同我講:『你唔好行住,企喺部機器嗰度,畀個側面我……再畀個正面我……』我心諗,咁樣仲唔得?!點知等咗三個禮拜,真係唔得,肥咗佬,好失落!」
智叔覺得中學畢業的自己太 baby face,所以工作了幾年才是考藝員訓練班。
智叔覺得中學畢業的自己太 baby face,所以工作了幾年才是考藝員訓練班。
明星夢一度落空,智叔繼續躲於熒光幕後,在港台電視部當攝影助理,若然從此安守本分、放棄目標,廖啟智的一生便會改寫,香港亦失去一塊長青的綠葉……
幸好廖啟智沒有因為一次失敗就放棄當演員,否則香港亦失去一塊長青的綠葉……
幸好廖啟智沒有因為一次失敗就放棄當演員,否則香港亦失去一塊長青的綠葉……
撰文:利雲志
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多