• 《二次人生》︱改朝換代 主角要配角都要︱吾港戲 (尹學仁)

  • 發布日期:2021-04-16 16:18
  • 《二次人生》︱改朝換代 主角要配角都要︱吾港戲 (尹學仁)

 


兩個星期前,講香港電影興時光倒流,不少作品所呈現之價值觀,以至創作公式,都來自九十甚至八十年代,不過更加恐怖,原來今日香港觀眾竟然受落,難怪有人拍。

一個星期前,講香港電視革命,終於由 ViuTV 慶祝五周年前後達成。豈料大台之所謂反擊,原來只不過重拍三十幾四十年前長壽綜藝節目《歡樂今宵》,質素之差,創作之脫節,惹來網上一片恥笑。

同一時間,YouTube 之上,四個最受本地年青人歡迎之網上頻道,包括「試當真」、「熊仔頭」、「小薯茄」以及「啱 Channel」,突然宣佈合作拍片,獲得傳媒廣泛報導,領導人物游學修本身亦為電影演員,公開宣佈「改朝換代」,真真正正豪情壯語。所謂 4 台聯播新片,已經鐵定下星期二(4 月 20 號)出街,大家不妨注意注意。

四台聯播,並非電台,講緊網上短片平台。
四台聯播,並非電台,講緊網上短片平台。
眼見ViuTV漸受歡迎,大台之所謂反擊,原來只不過重拍三十幾四十年前長壽綜藝節目《歡樂今宵》,質素之差,創作之脫節,惹來網上一片恥笑。
眼見ViuTV漸受歡迎,大台之所謂反擊,原來只不過重拍三十幾四十年前長壽綜藝節目《歡樂今宵》,質素之差,創作之脫節,惹來網上一片恥笑。


事實上,刻下正在香港開拍,有所謂大片《金手指》,上月開鏡前第一浸宣傳,正正被形容為港產片黃金時代回歸:所指其實兩位男主角,包括劉德華以及梁朝偉,是接近二十年前《無間道》(2002年電影)之後,二人首次再度合作主演。老老實實,兩位巨星已經接近 60 歲,繼續做 30 幾 40 幾歲角色,好意思?

當然,香港電影同電視,一向都用類似方式運作好多好多年,直到最近,陳豪宣萱兩個演員都有 50 歲,繼續扮 30 幾在大台膠劇談情說愛。

到下個月 5 月中,有另一部港產愛情續集電影上畫,男女主角一個 36 一個 38,做返 20 尾 30 頭角色,已經未算得上太過份。

香港演藝界實在已經去到最危險時候,就算撇開公眾對所謂偽人親中政治表態之討厭,一班上一代以至上上一代,亦實際到達繼續擔正之生理極限,點解要搞到備受唾棄,先肯收手退隱呢?

至於今個星期有兩部港產片上畫,不約而同都屬於正能量大愛同盟,尹某只睇過一部,另一部未睇,亦未打算睇。
 正在開拍的港產片《金手指》,兩位主角劉德華,梁朝偉已經接近60歲,但繼續做 30 幾 40 幾歲角色。
正在開拍的港產片《金手指》,兩位主角劉德華,梁朝偉已經接近60歲,但繼續做 30 幾 40 幾歲角色。

睇過一部叫《二次人生》,老實一句,完全談不上喜歡,亦無意解釋太多,個人口味,無謂勉強,不過即使有保留,我依然想提一提,特別讚賞戲中飾演女配角天心、名叫蔡裕彤、一位肥妹演員。

因為整部戲表現最突出、演出最生活、角色最討好,正正蔡裕彤,如果你決定入場睇《二次人生》,絕非睇導演、睇劇本、或者睇兩個男主角,甚至睇《二月廿九》女主角 Sofiee,就只睇蔡裕彤一個。當然,ViuTV 一哥強尼做男配角都幾好。

任何年代都要有自己幾個肥仔肥妹演員,今時今日,欣宜之後,首推蔡裕彤。最後,特別留意由邊兩個演員客串蔡裕彤父母,casting 真心正,真心 work。
大家一定要留意肥妹蔡裕彤演出。
大家一定要留意肥妹蔡裕彤演出。
《二次人生》肥妹蔡裕彤一條故事線,遠比主角條線好睇以及合理。
《二次人生》肥妹蔡裕彤一條故事線,遠比主角條線好睇以及合理。
作者簡介

行內人會視為行外人,行外人又會視為行內人。做過電影主創,又做過電影媒體,仲做埋電影教育。未天真到相信電影永恆,亦未灰心到認為香港電影玩完。不過一句到尾,身為電影觀眾,曾經叫做電影學生同畢業生,與其要做電影人,倒不如先透過電影學做人,首先要做個好人。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多