• 艾威夫婦分居一年破冰見面︱Lisa首開腔: 大家放低成見再溝通 艾威退一步:我之前態度都有啲問題

  • 發布日期:2021-04-17 07:00

 

為愛犬破冰

為愛犬破冰

62歲的艾威,六年前傾家蕩產,花光百萬積蓄為愛妻Lisa醫病,兩人共過患難,卻捱不過相處難關,去年四月他們選擇結束十八年婚姻,並將西貢愛巢賣掉,從此各走各路,花甲之年回復單身,艾威與愛犬搬到新居,而老婆Lisa則獨自生活,重新出發。

患難夫妻未能同偕白首,去年本刊找艾威求證時,他慨嘆離婚是唯一解決方法。

不過經過一年分開冷靜,近日二人終於破冰見面。能令這對決裂夫婦再次合體,全因他們的「乖仔」愛犬Sashimi。日前讀者報料,指在動物醫院見到艾威夫婦合體湊著愛犬。原來當日二人一齊帶Sashimi做絕育手術,Sashimi入手術室後,艾威夫婦中場離開,本刊亦上前向他們了解近況,艾威同Lisa不介意坐低飲杯茶,食個包,傾兩句!

艾威夫婦可以分居後打破僵局見面食飯,愛犬Sashimi記一功。
艾威夫婦可以分居後打破僵局見面食飯,愛犬Sashimi記一功。
分居中的艾威同Lisa,選擇破冰合體,帶愛犬做絕育手術。
分居中的艾威同Lisa,選擇破冰合體,帶愛犬做絕育手術。
九個月不聯絡

九個月不聯絡

分居後,原來二人有9個月不見面、不聯絡!Lisa說:「我哋再見係因為Sashimi健康有問題,之前大家好耐都冇坐低見面,甚至連電話聯絡都無,已經好多個月。」

「加上我又返咗大陸開工!」在旁的艾威補充。選擇再見,彼此不再貌合神離。

原來Sashimi去年感受「父母」分開後,情緒一度低落,之後艾威北上開工,把愛犬交託好友苑瓊丹照顧,Lisa抽空探望後,想念「父母」的Sashimi不肯進食,搞到入醫院吊鹽水,艾威擔心「愛子」健康,最後主動破冰,兩公婆為Sashimi放下前嫌,重建對話。

「因為決定要請一個外傭照顧Sashimi,我唔喺香港,好多事情要由佢去處理,我哋咁樣傾返偈。」艾威說。愛犬一場病,成為雙方下台階。
原來二人已經9個月無聯絡,不過冷靜過後,至少這刻再見亦是知己,Lisa亦希望大家放低成見,重建溝通。
原來二人已經9個月無聯絡,不過冷靜過後,至少這刻再見亦是知己,Lisa亦希望大家放低成見,重建溝通。
艾威:退一步相處比以前好

艾威:退一步相處比以前好

被爆分居至今,夫婦一直不肯透露分開原因,只強調不涉及第三者。不過患難夫妻走上這條路,冰封三尺的相處問題,必是其中。如今關係緩和,只因二人都選擇退一步。

艾威:「都過咗一段時間,有一種退一步海闊天空嘅感覺,我之前嘅態度係有啲問題嘅。但當真係退一步嘅時候,大家相處可以比以前更好,而家都有約埋屋企人一齊食飯,例如蕭笙叔太太,都會約埋一齊食飯。」他說這刻再見亦是朋友。

Lisa亦點頭認同:「我都一樣會退後一步,如果我唔退後一步,佢搵我幫手照顧Sashimi時,我都唔會即時答應。」

就算分居期一度「斷交」,亦不把對方當仇人。Lisa:「其實唔需要,從來唔覺得需要用呢種態度。無論如何,即使分開一段時間都好,其實都係想對方好。」
艾威覺得夫婦積慮多年的相處爭拗,一直得不到答案,故去年以離婚作解決,不過經過一年沉澱,就算死結未解,溝通初步有改善。
艾威覺得夫婦積慮多年的相處爭拗,一直得不到答案,故去年以離婚作解決,不過經過一年沉澱,就算死結未解,溝通初步有改善。
沒後悔當初分開
沒後悔當初分開
據知這一年,二人一直為婚姻破裂難過。問他們經過冷靜期,是否發現仍想珍惜對方,作出最後挽救?艾威說:「我希望會比以前做得更好,今日比昨天做得更好,聽日又會比今日做得更好,就係咁簡單。」

Lisa稱分居日子,泛起很多回憶:「一定會有,一個人喺屋企,都會諗番以往片段,唔會無,除非你對嗰個人完全無感情,否則唔會無呢啲感覺。有時候喺屋企都會突然叫Sashimi,會諗起佢。」記者不禁一問:「點解唔係諗起威哥?」

「因為Sashimi真係好錫我。」Lisa說罷,艾威在旁不禁失笑。

再問他倆,有冇後悔去年離婚的決定!如搶答題一樣,艾威率先答:「暫時無!」,Lisa說:「其實我又無,so far我哋都未離婚,無簽過任何文件,只不過覺得既然要去處理一件事,不如大家先冷靜一下。」若未達成離婚協議,必先分居兩年,才能辦理手續。
好多拗撬都得唔到答案
好多拗撬都得唔到答案
既然未正式簽紙,可以修補,Lisa覺得何不盡力而為。「始終大家一齊生活咗咁多年,嗰份感情唔可能一下子消失。可能大家意見上有啲分歧,但我覺得如果可以冷靜溝通,其實問題係可以解決,首先從相處去着手,建立雙方溝通嘅方法。」

艾威月前接受本刊訪問時說,四年前,夫婦問題找不到出口,他一怒下離家出走去檳城兩星期冷靜。去年分居前,他說夫妻間已去到相對無言。「問題發生咗好多年都解決唔到,甚至決定離婚後,都不停有把聲音喺我身邊,問點解咁簡單嘅問題都解決唔到?如果再唔用離婚去解決呢個狀況的話,直情有少少近乎痴線。」

就算今日破冰重聚,他仍然覺得:「我哋好多拗撬都係得唔到答案,然後佢話我哋無拗撬,咁點算好?喺我嘅角度會覺得係拗撬,呢件事係咪好玄呢?例如每日出街,我要行東隧,佢要行西隧,咁樣係咪拗撬呢?佢會話唔係吖,只係研究吓啫,但之前每一日都係咁樣喎!」
再見時而客氣,時而鬥氣
再見時而客氣,時而鬥氣 到今天,二人又能否找到一個平心靜氣的方法,解開死結?艾威話,暫時當朋友看待,會舒服點。

「我哋而家每一日唔使再面對呢啲問題,出嚟食飯,或者帶Sashimi睇醫生,大家有個共同目標同話題,咁就無拗撬,可以相安無事,無要求。」

當日坐埋食個下午茶,艾威夫婦時而客氣,時而鬥氣。被問到過去一年,各自生活如何,男的講過要出盡洪荒之力去適應單身,反而女的,這樣說。

Lisa:「其實真係輕鬆咗!」

艾威:「佢可以打麻雀打到幾多點都無問題。」

Lisa:「又唔使做咁多家務,同埋自己鍾意去邊都得。」

艾威:「你唔覺得佢精神都好咗咩!」

Lisa:「少咗好多工作要做,以往屋企有太多瑣碎嘅事,經常要standby去做一啲事,變相而家好多嘢都唔需要顧慮,輕鬆咗,連家務都做少咗。」
單身期Lisa有人追
單身期Lisa有人追 單身期間,艾威說過有朋友介紹異性給他認識,但他未有心理準備展開交往。同樣回復單身的Lisa,有人追。

「真係有㗎,不過當然我唔會接受啦!有幾個客人會等我放工,話想約我食飯,但呢段時間我都唔會接受囉!唔會諗呢啲無謂嘢。」心裡仍有對方,好難迎新。
Lisa:朋友方式溝通感覺好好多:
Lisa:朋友方式溝通感覺好好多: 關係緩和,是否朝向復合方向?

艾威:「將來嘅事而家無辦法回應,好多事情以前都預料唔到,但都會發生,所以將來嘅事而家諗嚟做咩?」

Lisa:「我諗都係順其自然,同埋首先要解決雙方關係,我覺得最重要係溝通,如果可以放低一啲成見,大家好似朋友咁樣傾偈溝通,我諗感覺會好好多。」至今二人仍處分居狀態。
分居如反省期
分居如反省期 如其寄望對方改變,倒不如先從自己開始。一年沉澱,大家都有各自反省。

Lisa:「學識咗唔好咁介意一啲嘢,兩公婆之間一定會有啲無心講出口嘅說話,可能會覺得大家已經咁多年,對方應該會了解自己,唔需要太多解釋,每一件事喺我未做之前,佢應該諗到我想點,以為大家會明白,但原來唔係。變相喺呢方面我哋係咪做得唔好呢?因會諗吓係咪應該留心一吓呢個問題。」說到底,就是老夫老妻,疏忽灌溉。

艾威沒再多說,只道:「我希望對每一件事嘅處理方法都比以前更好!」

衷心希望這對患難夫妻,有日可以破鏡重圓。
艾威夫婦,由結婚到6年前Lisa切除子宮巨瘤後面對一連串後遺,他花光百萬救妻醫病,18年婚姻經歷幾許風雨,若最後真的挽救不了,不能同偕白首的結局是很可惜。
艾威夫婦,由結婚到6年前Lisa切除子宮巨瘤後面對一連串後遺,他花光百萬救妻醫病,18年婚姻經歷幾許風雨,若最後真的挽救不了,不能同偕白首的結局是很可惜。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多