• 新版《勁歌》擺歌手上枱|插洪卓立 何雁詩被鬧到當埸爆喊 DJ陳海琪點評:我講真話啫!

  • 發布日期:2021-04-22 00:01

 

曾志偉強勢回歸TVB做副總經理後,積極改革。早前一口氣推出9個綜藝節目,當中包括改革版《勁歌金曲》。新版《勁歌》主持由Eric Kwok、糖妹同ViuTV《全民造星》出身的涂毓麟擔任。

早前曾志偉更碌盡人情卡,同三大唱片公司搞破冰。有消息指,在最新一集錄影中,TVB更不惜將一班歌手擺上枱,博取話題性。嘉賓洪卓立與何雁詩獻唱新歌之後,被擔任「音樂選民」之一的陳海琪當面評擊,何雁詩更當埸爆喊。《壹仔》事後問返陳海琪,她直認:「我講真話啫!依家唔係咁多人接受到真話架,今時今日,講真話要冒風險架! 」

家燕姐讓路

家燕姐讓路

眼見ViuTV製作作音樂節目《Chill club》,愈做愈出色。曾志偉上任後,隨即改革《勁歌》。新版《勁歌》更取代由家燕媽媽做台柱,播足4年的《流行經典50年》。不過,有網友就潑冷水話:「依家啲歌咁難頂,無音無詞,做《勁歌金曲》咪仲衰,繼續《流行經典》啦」、「依家啲後生唔睇TVB,你連老人家觀眾都唔留等收檔」。
為搶收視,曾志偉碌盡人情卡,同三大唱片公司搞破冰。
為搶收視,曾志偉碌盡人情卡,同三大唱片公司搞破冰。
新版《勁歌》取代由家燕媽媽做台柱,播足4年的《流行經典50年》,在周日晚上黃金時段播出。
新版《勁歌》取代由家燕媽媽做台柱,播足4年的《流行經典50年》,在周日晚上黃金時段播出。
加入點評環節

加入點評環節

上個星期,新版《勁歌》第一集出街,由原本星期六夜晚11點40分播出,調動至星期日黃金時段9點半播出,嘉賓亦唔再淸一色「星夢幫」,包括張敬軒、衛蘭、衛詩、林奕匡、胡鴻鈞、Gin Lee等等,近30個歌手撐埸。除了跟ViuTV一樣玩Live band,節目加入了點評環節,邀請歌手唱新歌,再由20 位「音樂選民」評論。第一集大會安排了20位歌手做「星級選民」,當晩衛詩獻唱新歌《面對後悔的各種方法》後,同行都十分畀面,全部有讚冇彈。結果⋯⋯當然未能成功製造話題啦!
張敬軒擔任新版《勁歌》第一集嘉賓。
張敬軒擔任新版《勁歌》第一集嘉賓。
節目加入了點評環節,第一集大會安排了20 位歌手做「星級選民」。
節目加入了點評環節,第一集大會安排了20 位歌手做「星級選民」。
衛詩在第一集獻唱新歌《面對後悔的各種方法》後,同行都十分畀面,全部有讚冇彈。
衛詩在第一集獻唱新歌《面對後悔的各種方法》後,同行都十分畀面,全部有讚冇彈。
洪卓立被批唱得平庸
洪卓立被批唱得平庸
目前,在最新一集錄影中,大會邀請了一向敢言的DJ陳海琪做音樂選民。第二集的嘉賓有關心妍、陳柏宇等等,而有份獻唱新歌的歌手,就包括洪卓立、何雁詩同吳若希,今次竟然係彈多個讚!話說洪卓立唱完新歌《你那邊好嗎》,有知情人指陳海琪完全唔畀面,單刀直插:「你唔需要咁慘咁唱,首歌係充滿希望,仲叫佢去揾宮崎駿嘅藍天!洪卓立當堂唔識畀反應,呆咗!」
第二集大會邀請了一向敢言的DJ 陳海琪做音樂選民。
第二集大會邀請了一向敢言的DJ 陳海琪做音樂選民。
洪卓立唱完新歌《你那邊好嗎》,陳海琪完全單刀直斥唱得難聽。
洪卓立唱完新歌《你那邊好嗎》,陳海琪完全單刀直斥唱得難聽。
何雁詩爆喊
何雁詩爆喊
之後輪到唱家班出身的何雁詩唱出《灰夠》,更加被陳海琪批評到當場爆喊。上節目受到猛烈抨擊,當晚何雁詩在Ig story出post,似係為自己打氣。相反,吳若希在三個歌手入面,表現最平穩,成功避過一劫。其實歌手們上《勁歌》都係想宣傳下新歌,又何必去得太盡吖!不過,始終都係錄影節目,隨時可cut走,睇下TVB最後會畀面唱片公司,定係擺歌手上枱造話題,今個星期日就會知。
唱家班出身的何雁詩唱出《灰夠》後,被陳海琪批評到當場爆喊。
唱家班出身的何雁詩唱出《灰夠》後,被陳海琪批評到當場爆喊。
受到猛烈抨擊,當晚何雁詩在IG story出post,似係為自己打氣。
受到猛烈抨擊,當晚何雁詩在IG story出post,似係為自己打氣。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多