• 193@ERROR扮病請假考TVB藝訓班 做過連卡佛時裝買手 賣衫自救:每日貼錢返工

  • 發布日期:2021-04-16 00:01

 

ERROR成員193郭嘉駿,自從寸TVB「收視只得數百部電視機」,又話:「佢哋係畀老嘢睇嘛!」 敢言作風,被網民封為娛樂圈清泉。數天之間,他的IG followers由8萬多飆升至接近15萬,認真利害。

雖然ERROR走搞笑路線,但31歲的他絕對是成員中最英俊高大的,在英國讀大學時主修心理學,之後再修讀fashion。

由於向來熱愛潮流,對時裝有研究,畢業後曾在連卡佛和I.T擔任時裝買手。

「都有人問過,你會唔會後悔,讀咁多書,讀完大學先入行,其實你一早入行,咪慳好多時間,但我唔係咁睇。」他說。

193在英國讀大學。
193在英國讀大學。
在英國時生活的點滴,令193難忘。
在英國時生活的點滴,令193難忘。
193(右)自小到大也愛打籃球。
193(右)自小到大也愛打籃球。
 193(左二)在英國有不同國籍的朋友。
193(左二)在英國有不同國籍的朋友。
唔止挑機 真係入過電視城

唔止挑機 真係入過電視城

193郭嘉駿其實只有192cm多一點點的身高,但花姐乾脆稱呼他做193。早前拍攝ViuTV節目,他試過去TVB電視城踩場,向門口保安挑機,更即場唱歌跳舞自薦要入行。

原來他真的曾經進入電視城,據知當年在連卡佛上班時,他曾經裝病請假,然後前往TVB出席藝訓班面試。幸好沒有被取錄,否則未必有現時那麼受網民歡迎了。

不過說到入行後的收入,他表示早期真的收支不平衡。

「每日都負資產,我唔可以投訴公司,所以呢條問題我選擇唔答。會計部係忙,公司都多人,出糧係慢少少。基本嗰份底薪準時出,拍廣告嗰啲就遲少少,所以每日都貼錢返工。」他坦言。
 193(右)在英國的韓籍同學,二人相當老友。
193(右)在英國的韓籍同學,二人相當老友。
 193(右一)在英國也熱愛打籃球,身高比得上外籍同學。
193(右一)在英國也熱愛打籃球,身高比得上外籍同學。
 參加《全民造星》改變193的人生。
參加《全民造星》改變193的人生。
推出自家品牌幫補

推出自家品牌幫補

去年疫市期間,一度工作大減,當時他開始賣衫搵錢。「我有推出自己品牌嘅服裝,幫補一下,而且係自己興趣。」

問到現在還是以前當時裝買手時,收入比較好?

他認真地說:「我唔係計人工嘅,做呢行係你搵得多嘅時候,你可以搵好多;你搵得少嘅時候,真係可以搵得好少。第一年ERROR出道,其實我冇乜搵錢,因為唔多廣告,我收入主要來源係廣告,搵得唔多,公司底薪足夠我生存,但唔足夠我生活。」

當然啦,因為他最捨得花錢置裝,對坊間潮牌也很有研究。拍攝節目時,他不介意公開居住環境,他滿屋都是衫,衣櫃滿滿的,廚房也是滿滿的衫,甚至枱底亦一樣是衫,非常誇張,他也表示:「屋企亂到冇位行路!」
 193(右一)一直是運動健將。
193(右一)一直是運動健將。
 從小到大沒變樣。
從小到大沒變樣。
 全屋都是衣服。
全屋都是衣服。
 廚房也放滿衫。
廚房也放滿衫。
自認經常撞板
自認經常撞板
說到ERROR之中,誰人經常撞板,他即時舉手。

「我諗我係最經常撞板嗰個,如果了解我哋平日性格,當然會知道我哋係講笑,但好多人其實都唔知,可能完全唔熟悉我哋,就會覺得所有都係真說話,咁樣就會得罪人哋,被無限投訴。」

之前在新城表演唱歌,193在台上講了一句說話,就被誤會是攻擊友台。

「主持叫我哋形容吓ERROR有咩賣點,然後我話賣點係有啲電視味同走音味,然後標題就寫我揶揄友台歌手,而當刻我真係唔知道同場有友台歌手,我完全唔識。因為我都好少留意友台,唔知道佢真係走音,我無聽過佢嘅歌,點會知道?」
就是因這個海潮跌膊甫士,令193被安排入ERROR。
就是因這個海潮跌膊甫士,令193被安排入ERROR。
193對英國充滿回憶,留學讓他更認識自己。
193對英國充滿回憶,留學讓他更認識自己。
在英國開始留意潮流。
在英國開始留意潮流。
 193是父母的寶貝仔。
193是父母的寶貝仔。
被花姐嘲乸型 單挑千隻曱甴突破
被花姐嘲乸型 單挑千隻曱甴突破
口直心快,即使花姐,他也膽敢寸,早前到動物園拍攝,曾暗示花姐好像犀牛般暴躁。而花姐亦指他對所有動物也感到害怕,取笑他乸型,要他單獨面對千隻曱甴,訓練膽量,結果他成功忍受一千隻曱甴倒在身上。

其實他一直在溫室長大,有一名細5年的妹妹,父母一直悉心栽培二人。雖然爸爸身高只是170cm左右,但193自小已高人一等,中學階段,他是南華籃球少年隊成員。他指自己當年是一名運動健將,更奪得很多獎牌,現在大家卻看不出他以前經常會做運動。
 入行之前離開連卡佛。
入行之前離開連卡佛。
 單挑千隻小強。
單挑千隻小強。
他一直希望成為主持,但現在卻走搞笑路線,他有一點無奈:「朋友同屋企人都唔覺得我係一個搞笑嘅人,甚少說話。雖然都會講嘢,但唔會好似依家喺鏡頭前咁樣講嘢。入行年幾之後,開始拿捏到,知道觀眾想要咩嘢娛樂,但其實需要好用力去做,因為本身唔係一個咁樣嘅人。所以返屋企之後真係會匿埋一邊、打機,做番自己鍾意嘅工作,唔想回覆其他人、講咁多說話,本身都唔係一個咁樣嘅人。但懂得拿捏,喺鏡頭前將所有帶畀觀眾。」
 193(後左三)指自己後期不夠外國同學高大,於是沒打中鋒位置了。
193(後左三)指自己後期不夠外國同學高大,於是沒打中鋒位置了。
 193(右三‧)小時候常得獎。
193(右三‧)小時候常得獎。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多