• 壹週和你股|騰訊、美團,你夠膽做淡咩?|譚朗蔚

  • 發布日期:2021-04-14 14:28
  • 壹週和你股|騰訊、美團,你夠膽做淡咩?|譚朗蔚

 

恒指今早高開299點,今時今日,對好多散戶來說,高開已經無驚喜啦。鬼咩!恒指有邊日唔係高開既先?弊在日日低走呢!人哋美股就晚晚升,我哋就日日俾阿爺拖住:我相信,這是絕大部分港股股民的心底話。今日,恒指半日仍維持到升幅,升353點,算高走。到底可不可以企到收市呢?我不知,但我知道,重複的高開低走確實是會令人灰心喪志的。但是當所有人都灰心喪志,並且不再將高開當成一回事時,真彈就會黎。

今日,我同大家講講科指。講得科指,即係要講騰訊(700)、阿里巴巴(9988)同美團(3690)。阿里巴巴短線搞掂,我在星期一已經發表過了,長線的事長線再講,依家講超短線。騰訊同美團呢?他們都各自經歷過自己的陰霾:騰訊在上星期被大股東出貨,美團有3億貨被搬左去CCASS。但是無論市場有幾「驚」都好,佢哋依然守住在上月的低位度。要做淡的人,除非佢哋在後市確認穿底,否則你夠膽在呢個水平開倉咩?

上日,中央給十幾間涉嫌壟斷的科網企業開出條款,就是要佢哋在一個月內完成自我整改,屆時仍有違規的話,必將處以極刑。我咁睇呢單野:點解中央唔學似罰巴巴咁一下就罰落去,而要俾一個月時間佢哋整改?一個月之後,真係有公司仲未搞返好自己?如此一來,到底是不是中央有可能放生餘下來的企業呢?如果我的想法無錯,外圍納指又起動突破,上望歷史新高了,恒生科指又係咪時候可以做返好少少上望9360點呢?

Stevan將會在壹仔開壇講股,一週兩次,揉合技術分析同基本因素,向讀者派發貼士,實行「和你股」!我哋亦歡迎壹會員將投資的問題,發email至 nextfinance@nextdigital.com.hk ,Stevan會在本欄親自解答。

作者簡介:新一代股評人譚朗蔚(Stevan),以嬉笑怒罵和幽默分析見稱。股民以為佢只靠外表搵食,但佢偏以勤力分析,揸緊宗旨取勝。佢曾改編歌詞,唱盡股民心聲;又cosplay丁蟹、悟空及大帥哥搞投資Talk Show,顛覆傳統,成為「最貼地股評人」。

Stevan最信奉「萬種行情歸於市」,認為炒股最緊要就是跟勢。佢深信「破頂無頂,天空是頂」,專門為大家發掘強勢破頂股份,佢話「上面無蟹貨無阻力,讓子彈飛」!

----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多