• 爆舊愛偷食圈中人|裕美中箭發火 麥貝夷終還她清白 翟威廉:件事有幾多真幾多假

  • 發布日期:2021-04-10 00:01

 

早前麥貝夷在網上指控拍拖3年多的男友,性伴多得驚人,更暗示是曾傳緋聞的翟威廉。

昨天她再自爆,這位男友曾經搭上一名圈中人,女方經由麥貝夷介紹認識。麥貝夷表示不肯定女方國籍,但對方理論上是香港人,種種暗示令裕美無辜中箭。

麥貝夷和裕美本身是好姊妹。
麥貝夷和裕美本身是好姊妹。
裕美介紹圈外的Edmond給麥貝夷認識,二人拍拖年多,去年分手。
裕美介紹圈外的Edmond給麥貝夷認識,二人拍拖年多,去年分手。
「至少還我一個清白」

「至少還我一個清白」

對於被拖落水,裕美接受本刊訪問時,顯得非常無奈。

「聽到嘅時候,我覺得好笑,關我咩事呀?跟住我睇番新聞,覺得佢唔係講緊我,但講緊國籍問題就非常之敏感,佢話理論上係香港人,大家一定會懷疑,當事人唔係完全香港人,所以我覺得要講就講清楚啲吖!」裕美說。

她不忿直言:「佢(麥貝夷)應該睇到新聞,辣埋我嗰份,如果佢冇澄清,我覺得佢有問題,如果佢有講番唔係我,我都可以接受,至少你還我一個清白。」
介紹圈外男友給麥貝夷

介紹圈外男友給麥貝夷

麥貝夷早前透露與該圈中男友拍拖3年多,但據知她本身其實有圈外男友Edmond,二人19年開始拍拖,去年才分手。二人由裕美介紹認識,現時Edmond正跟隨林作從事保險工作。

「佢以前個男友Edmond,我都認識,其實我係半個媒人介紹,跟住佢哋一齊,全個過程大部分時間我都見證住,好多時我都覺得,尤其分手嗰時,我覺得有時啲嘢唔使做得太激,跟住我好老實同佢講,話有事啲嘢做咗就收唔到科,唔好咁樣,跟住佢就覺得我鬧佢。其實我心裡面都好Hurt,因為我當你朋友,所以我真實咁同你講,但換來就覺得我鬧佢,如果我唔認真當你朋友,就唔會坦承同你講,我由得你啦!」裕美解釋。

由那時開始,「我唔係太敢同佢講從心而發嘅嘢,所以就少咗聯絡。」

麥貝夷亦主動同裕美割席,裕美說:「佢應該係unfollow咗我ig,我周邊啲人佢都有unfollow。」
麥貝夷搞出大頭佛,還說不明白為何事件牽涉那麼多人。
麥貝夷搞出大頭佛,還說不明白為何事件牽涉那麼多人。
勸麥貝夷睇醫生
勸麥貝夷睇醫生
雖然無辜中箭,但裕美反而擔心有麥貝夷的情緒病。

「我覺得可惜在,佢辛苦佢自己,因為我覺得佢情緒有好多起起伏伏,所以我成日建議佢,你有唔舒服、辛苦,不如睇醫生啦!因為我自己係情緒病,係抑鬱症嘅過來人,我好明白嗰種辛苦,所以我建議佢睇醫生,但佢好多時都話唔想食西藥。你情緒波動,會令身邊人擔心你,同時會影響身邊人,所以我自己有復發時,都會食藥。」

幸好裕美得到林作支持,「林作冇乜嘢,你知佢個人咪覺得咁就好,冇事囉!」

她亦為翟威廉講說話,「我其實知道威廉係個乜嘢人,佢有佢嘅生活模式,佢好坦誠咁講到明,佢唔係引你入局嗰種人。我有同威廉講,依家燒埋我嗰疊,其實我同威廉識咗好耐,嗰時有個旅遊特輯叫《嘯後瀛風》,我同佢一齊拍外景,已經識咗,有8年至10年前,所以唔使佢介紹啦,我仲早過麥貝夷識佢。」
翟威廉:仲未玩夠咩
翟威廉:仲未玩夠咩
至於早已表明同麥貝夷沒拍過拖的翟威廉,就同本刊講:「無端端鋸到一頸血,點都好啦!我唔知佢件事究竟有幾多真,幾多假又好,或者純粹抒發,定係宣傳,anyway,任何嘢都好,總之件事告一段落,最緊要身體健康。」

想不想麥貝夷為他澄清,他說:「仲未玩夠咩,唔使講啦,完咗佢咪算囉,其實都係茶餘飯後嘅事啫!如果呢單嘢有啖笑嘅,咪有啖笑囉,完咗佢囉。講真,都玩夠啦!係咪?」
翟威廉和裕美早已認識,無端傳緋聞。
翟威廉和裕美早已認識,無端傳緋聞。
唔明白翟威廉句對唔住
唔明白翟威廉句對唔住 而故事主角麥貝夷,擾攘多時,終於澄清並非裕美介入她那段感情。

「其實裕美冇…..佢有介紹男仔畀我識,我哋好好朋友,所以大家唔好胡亂猜測。」

翟威廉雖然強調跟麥貝夷並非情侶關係,但他說如果令麥貝夷有任何不快,他願意道歉。

麥貝夷竟回應:「唔…我哋都係好朋友,雖然我唔明白佢句對唔住。」

在感情上有不少經歷,她一時感觸,哽咽解釋剖白的原因:「自己同自己講,好豬呀,豬到爆,呢件事其實好醜怪,我拍拖,我失戀,我將呢件事講出嚟,我希望話畀人知,我唔係對方講咁樣,我冇纏住佢。」

經歷過傷痛,她揚言要「做好自己」,想幫到人獲得心靈治療,開網店賣相關產品。希望她快點走出「迷思」,自己首先做成功例子啦!
翟威廉對於麥貝夷的言行,慨歎:「件事有幾多真幾多假!」
翟威廉對於麥貝夷的言行,慨歎:「件事有幾多真幾多假!」
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多