• 夫妻檔做網紅 傳月入60萬|陳智燊宋熙年拉隊野餐慶功:驚俾稅局追數!

  • 發布日期:2021-04-12 00:01

 

陳智燊(Jadon)與宋熙年(Sarah)離開TVB後,自己做老闆,殺入KOL界。兩人開設的YouTube channel「Sarah&Jason」,吸引了13.8萬粉絲訂閲。更有傳最高峰時期,兩公婆月入60萬,收入比做電視台更豐厚。



疫市之下殺出血路,日前Jason同Sarah拉大隊,同埋4個同事,齊齊去郊外野餐慶功。老闆咁識做,一班員工自然落力,幫手搵多啲錢啦!

開設YouTube頻道

開設YouTube頻道

06年開始加入TVB,陳智燊由明珠台主持,慢慢攀升到做男一。直到18年,終於決定離巢。翌年,宋熙年亦同Tvb 亦約滿。兩公婆於是轉戰KOL界,開設YouTube頻道。他們製作的短片內容都好廣泛,而且非常貼地。當中包括化妝、美容、煮食、親子、旅遊等,平均點擊都有20至30萬,成績相當唔錯。從一開始,由構思、拍攝、剪接,兩公婆都一腳踢,到而家已經漸漸有規模,更成立了一個小型攝製隊伍。
收入多過TVB

收入多過TVB

成功轉型做youtuber,加上兩公婆形象健康,經常有廣告商邀請他們夫妻檔出席活動,再加埋司儀工作。有傳Jason同Sarah各自月入平均20萬,最高峰時期,兩公婆加埋月入近60萬,收入豐富過TVB。Jason早排接受訪問時都承認:「係搵到少少錢!」,更表示網上平台有好多機會,亦係趨勢。至於Sarah亦承認:「呢兩年係工作多咗,收入都好理想,但就唔係傳媒所講咁多,我擔心俾稅局追數呀!」
開香檳慶功
開香檳慶功
疫市之下,收入不跌反升,Jason同Sarah日前拉大隊去野餐,一來可以拍片,二來可以慰勞一班同事。到達公園之後,Jason拎住消毒噴霧不停噴,安全至上。未開餐前,首先開工拍片。兩公婆當日孖住拍攝飲食節目,你一啖,我一啖,不知幾溫馨。做完正經野,Jason開香檳慶祝,期間兩公婆並冇架子,全程都好照顧一班後生同事。身為老闆娘的Sarah,更負責分派食物,Jason都自己落手落腳清潔攝影器材。離開之前,他們更自備垃圾膠袋清理現場,好有手尾。
計劃返英國定居
計劃返英國定居
結婚5年,陳智燊同宋熙年三年抱兩,誕下兩個仔仔,大仔Damon 2 歲,細仔Jamie 7個月大。早前有報道指在英國長大的Jason,一早已經有計劃,一家四口會返英國定居,所以一早已經在英國置業。細仔出世之後,Jason希望仔仔有更多活動空間,加上收入多咗,決定搬大屋。現在一家四口以月租3萬,租住馬鞍山天宇海千呎單位。唔止仔仔有足夠空間活動, 兩公婆更經常在家中取景拍攝,一舉兩得!
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多