• 郭可盈出身港姐又如何│林文龍反對學霸女兒參選入行:佢連喺學校上游水堂都唔想

  • 發布日期:2021-04-09 15:42
  • 郭可盈出身港姐又如何│林文龍反對學霸女兒參選入行:佢連喺學校上游水堂都唔想

 

林文龍日前與好友謝天華作客音樂節目《限聚音樂Hear To Feel》,二人相隔15年再度合作,還首次在節目上同台開金口;期間又摸住酒杯底大談湊女經,以及不為人知的笑與淚。

入行超過三十年,林文龍參賽「超級新星選舉」出道,而謝天華則以唱跳起家,不過同樣捱過苦,林文龍憶述從訓練班畢業後,跑龍套兩年:「古裝片一定飾演衙差,時裝片就揸住『大哥大』跟黑社會大哥;我試過在《太平天國》同時扮演四個角色,演完清兵、再演舉人和死屍,因為公司計算很精準,臨時演員以日薪計算,訓練班的人拍幾多日都係一樣薪酬,所以我哋好好用。」謝天華明白當年苦況,他表示為要由歌手轉型演員,爭取演出機會,做盡大小奸角:「例如姦淫擄掠、打女朋友、變態殺人犯等等,我唔介意,乜嘢角色都做,最重要係演出機會。」

林文龍與謝天華相隔15年再度合作。
林文龍與謝天華相隔15年再度合作。
二人細說演藝路上不為人知的笑與淚。
二人細說演藝路上不為人知的笑與淚。

近年不少星二代入影視圈發展,林文龍的女兒林天若既遺傳媽媽郭可盈美貌,更是品學兼優學霸,曾獲學校獎學金。問到會否該讓女兒入娛樂圈,林文龍即時say no,並強調不會提名女兒參選港姐,他說:「到目前為止,我都覺得嗰女應該唔會入娛樂圈,因為佢性格內斂,連喺學校著泳衣上游泳堂都唔想,見到人哋參加《香港小姐》,都會擰晒頭。」當提到另一半郭可盈因參選港姐入行而認識林文龍,他幽默表示:「我會同嗰女講,唔係個個都咁好彩㗎。」

謝天華則表示會放手讓兒子自由選擇,不過若女兒有港姐夢,他也會同樣拒絕:「我唔會做佢提名人㗎!不過如果佢想拍戲,我諗都會畀佢試下。」兩個爸爸均表示十分重視與子女溝通,所以一家人無所不談。
現年11歲女兒林天若個性內斂。
現年11歲女兒林天若個性內斂。
對於囡囡入行,愛女心切的林文龍即時say no。
對於囡囡入行,愛女心切的林文龍即時say no。
郭可盈93年選港姐入行。
郭可盈93年選港姐入行。

----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多