• YOLO的練習曲|Helen紋身致試鏡多番受挫 公開戀情唔怕影響事業:無理由入咗行就呃人

  • 發布日期:2021-04-13 07:01

 

除靈會社持咒者Helen

除靈會社持咒者Helen

ViuTV 5周年別注《YOLO的練習曲》,得五集,每集不計廣告時間只有大約廿分鐘,但由20個女仔分。撇開孭飛的5條Queens:ALMA郭爾君、CANDY黃曉文 、JEANNIE吳家忻、JESSICA陳苡臻和NANCY歸南茜,其他女仔能夠分到幾句對白已經不錯了。

可惜的是,只有幾秒大頭鏡頭,部分網民仍不放過,毫不留情批評:「啲女醜到爆,今集嗰個Helen成個屯門娜娜咁。」「點解Helen IG正咁多?」「假相,就晒角度,一動態就出事。」

真的那麼差?還是ViuTV都有照妖鏡?《壹》仔又影吓佢先!

蘇凱倫,Helen,23歲。《YOLO》「除靈會社」中,那位可將背後靈轟出肉身的持咒者!

對於網民批評,她坦認私下有Mon Post,又認為自己算幸運,因外界對她的攻擊有限,力度亦可接受。她說:

「好老實講,我都有Mon Post、有睇forum,但我唔係search自己名,通常都係search《YOLO》,因為呢件事係一個整體,網民討論其他女仔我都會好留意,而唔係只睇人哋有無討論我。我反而覺得都幾好彩,啲人都唔係好攻擊我啫,即係大家都接受我吖。對於我一個新人嚟講,其實咁樣已經好足夠。」

 《YOLO的練習曲》除靈會社持咒者Helen。
《YOLO的練習曲》除靈會社持咒者Helen。
 Helen有少量動作戲份。
Helen有少量動作戲份。
 對於網民少留意自己,甚或有些批評留言出現,Helen回應:「覺得都幾好彩,啲人都唔係好攻擊我啫,即係大家都接受我吖。」
對於網民少留意自己,甚或有些批評留言出現,Helen回應:「覺得都幾好彩,啲人都唔係好攻擊我啫,即係大家都接受我吖。」
天生高冷?

天生高冷?

「半杯水」,Helen樂觀地看到「有餘」,在娛圈生存是件好事!何況,批評她的實在不多,且網民當中已有「伯樂」:「成團人我最鍾意就係佢。」「天然呆有啲feel。」「唔係好靚,但算唔算冰山美人類型?見親佢都背脊寒一寒。」以比例來說,成績見得人了。

《壹》仔看見Helen時雖未「背脊寒一寒」,但都留意到《YOLO》20個女仔,無論美與不美,都盡量在主題曲MV中展現出笑騎騎、活潑動人的一面,唯獨Helen。天生高冷?她否認。

「導演話,用你哋覺得自己最靚嗰個樣啦,咁我就用唔笑嘅樣。但睇返條片,我見到其他女仔都笑容可掬,咁我覺得自己唔笑都唔緊要啦,特別啲。因為我好鍾意前輩Hanna陳漢娜,佢影嘅相都係比較高冷,我睇得多佢啲相都想模仿吓佢嘅風格,同埋好多攝影師都覺得我唔笑靚啲,叫我試吓唔好笑,最後影出嚟嘅相大家都覺得唔笑靚啲,於是我就唔笑。

可能大家IG見到我啲相係比較Cool、唔笑嘅,又好似好高。不過見到我真人,發現原來我咁細粒、咁鍾意笑、咁sweet。其實我唔係成日想Keep住高冷樣,純粹Post相時覺得呢個狀況靚啲,先至畀人覺得我故意做呢個形象。其實我唔介意其他人睇到我更加唔同一面。」
 有網民指看到Helen背脊會寒一寒。
有網民指看到Helen背脊會寒一寒。
 真實的Helen其實幾鍾意笑、幾sweet。
真實的Helen其實幾鍾意笑、幾sweet。
 Helen表示高冷樣,只係為影靚相。
Helen表示高冷樣,只係為影靚相。
 Helen說影相唔笑,係想模仿自己喜歡的前輩Hanna陳漢娜。
Helen說影相唔笑,係想模仿自己喜歡的前輩Hanna陳漢娜。
紋身

紋身

不同的一面,還包括Helen身上有不少紋身,是《YOLO》制服遮蓋下看不到的、真實的她。她直言,紋身影響她的試鏡和工作,但不後悔。說來頗見睿智,與開朗甜美少女一面形成對比。

「其實我唔係每個紋身都有意思,因為我覺得紋身呢件事本身已經好有意思,最主要係想喺嗰個年紀,紀錄嗰時嘅自己。

耳仔,第一個紋身,18歲紋,係一個音符,個意思係希望聽多啲好嘅說話,聽少啲唔好嘅說話。

我最鍾意嘅紋身喺左臂,我抱住我隻貓,前面有對鞋,表達緊我返到屋企除咗鞋,第一時間就係攬住隻貓。

不過,老實講,紋身有影響我casting、做嘢,因為有啲角色一定唔可以有紋身,例如學生,當諗到自己係咪有紋身而做唔到嘅時候,我都有幾秒後悔,但好快就會清醒返,因為每個紋身都係我自己經過深思熟慮先去做,唔係一時貪玩貪靚,覺得自己做呢樣嘢係跟一世,要負返責任,唔可以後悔之餘,仲要接受佢就係你身體一部分,以後都係,要對自己行為負責任。」
 Helen直言,紋身影響她的試鏡和工作,但不後悔,因為「係自己經過深思熟慮先去做,唔係一時貪玩貪靚」。
Helen直言,紋身影響她的試鏡和工作,但不後悔,因為「係自己經過深思熟慮先去做,唔係一時貪玩貪靚」。
 紋身,最主要係想喺嗰個年紀,紀錄嗰時嘅自己。Helen說。
紋身,最主要係想喺嗰個年紀,紀錄嗰時嘅自己。Helen說。
追夢期限
追夢期限
要在娛圈生存下去不易,尤其身上幾個紋身,已令Helen試鏡面對重重困難。問到可有為自己設下追夢期限?3年。她回答:

「其實我每日都喺度諗呢樣嘢,成日都諗係咪要放棄。因為接呢套劇前,工作機會真係唔多,casting十次有九次都唔得,好氣餒,唯有成日同自己講:『話唔定最後嗰次會中呢!』雖然每日都諗幾時放棄,但都一直堅持,可能因為做緊自己鍾意嘅事。暫時短期目標係完約之後睇返呢3年有咩進步、發展、仲想做咩嘢,做住先囉都係咁諗。」

在港追夢可與任性畫上等號,因為通常搵唔到食。Helen對於自身家境,以「比上不足比下有餘」形容,表示家人不曾給予經濟壓力、不會問「做呢行搵唔搵到食」。相反,家人問:「你會唔會唔夠使呀?」
 問到可有為自己設下追夢期限?3年,她回答。
問到可有為自己設下追夢期限?3年,她回答。
 試鏡屢敗屢戰,無經濟壓力?Helen以「比上不足比下有餘」形容家況。
試鏡屢敗屢戰,無經濟壓力?Helen以「比上不足比下有餘」形容家況。
戀愛
戀愛
至於感情世界,稍微瀏覽Helen的IG就會看到合照,她也不避諱談感情事,笑說經驗不豐富,至今23歲拍過3次拖,與現任男友拍拖約3年,是以前工作時認識,而男友比自己年長7年,成熟一點,可以照顧自己多一點,經常都會先考慮自己感受。

「ViuTV Cast呢套劇都係佢陪住我去,佢好支持我去做自己鍾意嘅事。最重要係信任,做好自己報下行蹤,例如今日同邊個做嘢,影張相畀佢睇,互相畀安全感大家都係好重要。

佢有問過我:『如果有Fans嘅話,會唔會怕fans唔鍾意你拍拖?』咁我之前一直都有Post合照,無理由因為做咗呢份工就呃大家『我無男友,我已經無拍拖』。我唔會做呢啲嘢,既然有就大方承認就OK,大家都會明白嘅。」她說。

雖仍流於表面,但比起單看《YOLO》,對Helen觀感會否減少片面?
 Helen笑說感情經驗不豐富,至今23歲拍過3次拖,與現任男友比自己年長7年,拍拖約3年,是以前工作時認識。
Helen笑說感情經驗不豐富,至今23歲拍過3次拖,與現任男友比自己年長7年,拍拖約3年,是以前工作時認識。
----------------------------

和你壹起撐住香港主題海報 全港良心商戶免費派發

了解更多

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多