• 調教MIRROR梁祖堯嚴選飯腳如床伴:同得你一齊食飯,就等於可以同你上同一張床

  • 發布日期:2021-04-11 12:00

 

早前梁祖堯(阿祖)與MIRROR到梅窩拍攝真人騷節目《調教你MIRROR》時,由於大量「鏡粉」私追影響進度,一度取消拍攝,當中阿祖被指反拍粉絲大頭相,又刻意安排姜濤「調教」姜糖。事後阿祖指他在這個真人騷裡面,負責紀錄低每刻真實發生的事,如果粉絲不想上鏡,可以選擇「行開啲」,正如他對「煮嘢食」的看法:「呢個世界上無人會逼你,好多嘢都可以逼你做,可以逼你讀書,可以逼你做運動,可以逼你去返工。為咗身邊人煮一餐飯,其實係無人逼到你。」

作為一個「烹飪icon」,阿祖認為食與性有共通點,就如飯腳於他如同揀床伴般揀擇,都是一起享受「盛宴」吧!

身為舞台劇最佳男主角,近年梁祖堯(阿祖)的「入廚男」形象更為鮮明,每星期在《空肚講宵夜》中,一面聽他鬧陳俞希(Hailey)做「八婆」,一面聽他分享「煮食經」,《壹》仔相約阿祖分享「煮食」心得,最終反而聽到他談性說愛,用煮食比喻人生。

阿祖將《空肚講宵夜》比喻為鹹片,「睇住節目中我哋喺度食嘢,基本上同睇鹹片無分別,夜媽媽睇完《空肚講宵夜》,你都會想食嘢,而你睇完鹹片都想曳曳,原理其實一樣。」

食慾與性愛,阿祖視之為人的基本原始慾望,所以約朋友食飯,可說是一個關係的肯定。

「我覺得同得你一齊食飯,就等於可以同你上同一張床,而呢方面應該好揀擇。有啲人會好鍾意同朋友嘅朋友一齊食飯,然後互相認識吓,再吹吓水,我係完全唔得嘅,我唔鍾意嗰種氣氛。我要覺得好熟嘅先會一齊食飯。」阿祖坦言:「其實坦白講我好少約人食飯,極少。」

之前他跟MIRROR,包括姜濤,邊食雞煲邊做直播…….不過那是工作,是另一種考慮吧!

其實訪問在阿祖「進食」期間進行,當然記者並非他的「飯腳」,問正在大啖咬著熱狗的他,在食與煮之間如何選擇,他毫不猶豫地選擇:「煮,其實係性格問題,係人都鍾意食。」但他自言對食其實無要求,未免有點反高潮:「無人會相信我自己一個人嘅時候,對飲食會好求其,多數都係不停食冷飯,總之阿媽當晚食剩咗咩嘢放喺雪櫃,我會好求其就咁翻熱嚟食,或者煮個公仔麵,總之係快餐。」

阿祖認為:「我覺得係人都鍾意煮嘢食」,十多歲時被婆婆點名負責團年飯,由預備、烹煮、洗碗一腳踢,令他對烹煮有另一番感受。

「我覺得都幾唔容易,所以自己經常覺得,我好想令年青人開始肯煮嘢食,因為只要你煮過嘢食的話,先會珍惜屋企嘅飯,先會珍惜原來阿媽以往係咁樣煮嘢俾你食,原來煮一餐飯係咁辛苦,原來每日都要煮不同菜式嗰份心思,係比你想像中大好多,呢啲事情你自己無經歷過係唔會知道。」

阿祖亦勉勵「煮婦們」,他說:「經常將家庭主婦嘅入廚能力,貶意成為淨係識得喺屋企煮飯,其實我希望嗰啲家庭主婦講呢一句嘅時候,要好好諗吓,其實自己呢個能力係好得天獨厚,同埋係一個好專門嘅技能,而呢個專門技能係可以帶畀人溫暖同愛,呢啲嘢係現代生活中所有人都需要,而且係最缺乏嘅,所以我覺得唔好睇低自己能夠煮嘢食呢個能力。」
阿祖將食慾與性愛,視為人的基本原始慾望。
阿祖將食慾與性愛,視為人的基本原始慾望。

自小已在廚房「話事」,但阿祖從未想過當廚師,誤打誤撞下卻成為「烹飪icon」。「小時候我無諗過做任何嘢,本身無志願,唯一嘅志願就係想做一個生物學家,想做研究,係我唯一嘅志願。然後發覺其實呢件事做唔到,維持唔到生活,我又唔係想教書,而真係做研究,連演戲都無諗過,由細到大都無諗過會做戲,亦無諗過會將煮嘢食發展成為副業,亦無諗過會做電視節目,所有嘢都無諗過,但往往就係咁樣。」

他續說:「但當我唔去計劃嘅時候,反而會揸住一個360度鏡頭睇晒所有嘢,令自己無論如何都唔會錯失任何一個機會之餘,最重要嘅係,我覺得咁樣做人好玩好多。」

去年阿祖報讀法國菜課程,不但令他「考第一」,更讓他了解如何「食」:「考咗兩個法國廚師牌,一個係法國菜,一個係甜品,當考法國菜時,其實每考一個牌嘅時候,都要分開三個程度去考試,即係第一級、第二級同第三級,而完成第三級就代表畢業。我記得考法國菜嘅時候,我諗係人生第一次考第一。當時教法國菜嘅老師講,首先去食呢碟食物嘅係一雙眼,第二係個鼻,第三先至係口,甚至第三樣嘢係刀叉同碟,即係你摸落去刀叉係咪暖嘅,嗰隻碟係咪暖嘅,呢個係第三樣,第四先至係放入口,而咁多樣嘢都係缺一不可。如果首先你淨係要求賣相靚,俾其他人用嚟打咭,呢啲又係我覺得係Marketing嘅可悲,呢樣嘢係會徹底覆亡,因為本末倒置。」一語道破「飲食KOL」的生態環境。
早前阿祖與MIRROR到梅窩拍攝真人騷節目時,被大量鏡粉私追。
早前阿祖與MIRROR到梅窩拍攝真人騷節目時,被大量鏡粉私追。
有指阿祖安排姜濤「鬧」姜糖,令他成為箭靶,事後阿祖指他是這個真人騷裡面,負責紀錄低每一刻真實發生的事。
有指阿祖安排姜濤「鬧」姜糖,令他成為箭靶,事後阿祖指他是這個真人騷裡面,負責紀錄低每一刻真實發生的事。
身為舞台劇最佳男主角,近年阿祖的「入廚男」形象更為鮮明。
身為舞台劇最佳男主角,近年阿祖的「入廚男」形象更為鮮明。
阿祖對煮有要求,但環境卻無所謂,就算是「農場廚房」一樣OK,他說:「農場嗰度都有個迷你廚房,所有設備都好山寨,有時候仲會劈柴生火,啲煮食工具都係執返嚟,真係喺垃圾站執,然後省番乾淨攞嚟用,因為唔想浪費,見到有人因為燶晒掉出嚟,咪省番乾淨佢。其實咁樣可以煮到。你話用好靚嘅工具,當然係錦上添花啦。」

劈柴得,百變的廚房電器,同樣難不倒阿祖,他說:「爐頭只得兩個,尤其是我要煮飯畀咁多人食嘅時候,如果蒸一樣嘢可以用蒸爐,爐一樣嘢可以用焗爐,然後炸一樣嘢可以用氣炸鍋,兩個爐頭就可以用嚟煲湯或者炒餸,咁樣一次過就可以煮到五樣嘢。」

阿祖更教路用洗碗碟機「洗薯仔」,「洗薯仔超乾淨,可以連皮都食埋,洗番薯或者薯仔,有泥嘅嘢,或者一啲好難洗嘅食材,例如菠菜啲根會黐住好多泥,用洗碗碟機去清洗係勁乾淨,同埋可以慳水。」家有洗碗碟機的話,不妨一試。
阿祖將《空肚講宵夜》比喻為鹹片,指兩者看完都會有「衝動」。
阿祖將《空肚講宵夜》比喻為鹹片,指兩者看完都會有「衝動」。
對烹煮有研究的阿祖,自言一個人時,對飲食非常隨意。
對烹煮有研究的阿祖,自言一個人時,對飲食非常隨意。
去年報讀法國菜課程,阿祖考獲第一。
去年報讀法國菜課程,阿祖考獲第一。
阿祖勉勵「煮婦們」,指入廚能力是得天獨厚,並可以帶給別人溫暖及愛。
阿祖勉勵「煮婦們」,指入廚能力是得天獨厚,並可以帶給別人溫暖及愛。
阿祖自言從沒想過當廚師,卻誤打誤撞下成為「烹飪icon」。
阿祖自言從沒想過當廚師,卻誤打誤撞下成為「烹飪icon」。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多