• 「林鍾大戰」開始倒數|鍾培生「你係一嚿屎」叫收皮 林作反被網民推為男神:喊咗幾日

  • 發布日期:2021-04-05 12:00

 

林作與鍾培生,一個是牛津畢業生,棄做大律師轉做保險。另一個是「工廈大王」鍾江海孫兒,富豪第三代兼坐擁估值達3億的電競公司。二人原本「河水不犯井水」,因為林作一個留言,結果如蝴蝶效應,衍生100萬的「林鍾大戰」拳賽。

自今年2月二人在網上「結緣」,到上月舉行記者會,二人才首次踫面。同是12月23日出生,兩位「山羊男」首次同場,即時火花四濺,你寸我,我窒你。事後網民反應不一,有人認為林作指鍾培生身高不及自己,大打心理戰,亦有網民指鍾培生EQ低,「未上台先失分」等。

面對外界和網民的意見,林作和鍾培生有冇說話係不吐不快呢?

記者會上,鍾培生行近林作「咬耳仔」,到底講了甚麼?

記者會上,鍾培生行近林作「咬耳仔」,到底講了甚麼?


林:同佢公開講嘅一樣,即係話會打殘我,以英文去講,但我唔係好識講佢嗰種英文,佢嗰啲英文講法我比較少用。你自己寫低啦,叫做「beat the shit out of you」,呢種係比較美式嘅講法,都make sense嘅。beat a crap out of you,香港式就係beat you nine street

鍾:我都唔記得咗,佢望住我,然後我講you piece of shit,knock you out,基本上都係嗰啲說話。
因為林作在網上的一個留言,最終引發「林鍾大戰」拳賽。
因為林作在網上的一個留言,最終引發「林鍾大戰」拳賽。
記者會後網民較為支持林作,認為他EQ夠高。
記者會後網民較為支持林作,認為他EQ夠高。
未正式比賽,林作先以心理戰打撃對手?

未正式比賽,林作先以心理戰打撃對手?


林:我只係講事實,皮膚我好啲,樣靚仔啲,即係差鬥差都算贏吖,然後身高又係我高啲,體重又係我重啲,佢蝕晒底,唯一係佢嘅家底,呢方面無辦法,與生俱來,我都無辦法。

鍾:呢方面我好尊重自己,亦好愛上天賜俾我嘅嘢,每日淨係諗高度同缺點,我本身就係167cm高,我唔係167,只係佢話我167,其實我係170或者169,我唔知啦,總之係唔高啦。但幾高都好,總之多過1cm,呢個係事實,所以就要去接受,無辦法改變。例如皮膚爛面,因為我真係無時間處理,有太多工作。如果睇番十九、二十歲啲相,我自己都覺得好有型。
點睇記者會後網民反應?
點睇記者會後網民反應?

林:我唔係幾開心,喊咗幾日,因為平生唔係好鍾意正評。而家正評太多,變咗我唔係好知道應該點樣做,而家輪到我糾結,今朝睇維基百科,話我被封為連登男神,我直情喊咗出嚟,因為我唔係好想同其他連登男神為伍,我希望可以比較獨樹一格。所以而家呢個情況,我係有少少不知所措,因為未試過其他人對我咁好。

鍾:其實我唔係好理會網民睇法,因為有時候我做緊善事幫公公婆婆,其他人都會話我偽善,或者提議將啲錢捐俾邊個會更好。我一向都唔係好理haters,而呢件事上反而係有超多支持者,有人會話鍾培生係真男人,做番自己,因為我唔會同佢同流合污,道不同不相為謀,有咩嘢好傾?
有冇諗過要幾多回合會打低對方?
有冇諗過要幾多回合會打低對方?

林:我無諗過具體細節,最重要係打贏,最後贏到就可以。我諗應該有七十分,以咁嘅走勢,到時候必定係一百分,未去到正式比賽都已經一百,上擂台嘅時候應該有一百二十分,唔係好大機會,係絕對。

鍾:呢方面要睇觀眾,我都糾結咗好耐,第一回合KO對方,定係同佢玩一陣先KO佢,都要睇吓觀眾想睇咩,然後就俾咩佢哋睇。

兩位自稱170男士同樣自信心爆曬棚,不過這場battle,到9月便自有分曉。
林作近月開始頻密練習,他聲言9月上台時會有120分狀態。
林作近月開始頻密練習,他聲言9月上台時會有120分狀態。
鍾培生認為自己比林作高1cm,亦未有理會網上留言。
鍾培生認為自己比林作高1cm,亦未有理會網上留言。
鍾培生指視乎現場觀眾反應,才決定甚麼時候擊倒林作。
鍾培生指視乎現場觀眾反應,才決定甚麼時候擊倒林作。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多