• 江嘉敏首集節目搵位寸馮盈盈 爆約會例遲藉口多

  • 發布日期:2021-03-30 19:23
  • 江嘉敏首集節目搵位寸馮盈盈 爆約會例遲藉口多

 

馮盈盈同江嘉敏這對過氣好姊妹,因去年6月富豪船P事件反目,江嘉欣曾連環發功暗寸馮盈盈。原本不相往來,但TVB為製造話題增收視,將反目姊妹硬放一起變節目拍檔,一齊主持《解構心機女》,火花四濺實屬意料之內。

結果第一集如公司所願,在公在私兩女亦盡全力將心病擺出枱,達至效果。第一集話題環繞約會,講到約會多唔多遲到,呢個話題中正馮盈盈,搶住分享:「有樣叫Fashionably Late,即係好似約人傾生意,遲5分鐘為咗畀對方開電腦做準備。」聽到馮盈盈呢種遲到理由,江嘉欣即時醒神,搵位入:「唔怪得我哋約佢出街,佢都例遲,有咁多藉口遲到啦!」

俾「仇家」寸完,事後馮盈盈接受傳媒訪問時就話,已經成年冇約江嘉敏去街,又話如過往自已有遲到,好樂意跟對方道歉,亦希望對方不要放在心。第一集已經開火,睇嚟之後呢對「仇家」過招陸續有嚟!

 馮盈盈同大家分享,佢有種遲到叫Fashionably Late,江嘉敏即時入位寸。
馮盈盈同大家分享,佢有種遲到叫Fashionably Late,江嘉敏即時入位寸。
江嘉敏食住上,踢爆馮盈盈過往約會有例遲習慣。
江嘉敏食住上,踢爆馮盈盈過往約會有例遲習慣。

兩女雖然唔啱咀型,但卻有共通點,彼此同樣是非多多,呢方面江嘉敏亦稍為領先,繼被爆背男友,與男友的朋友計劃出埠約會外,又向對方列出100樣手信清單,要求對方買給她,暴露貪婪性格,早前她又被揭借環保為名,賣贈品搵錢為實。一波未平,未幾再遭網民爆她用盡藉口,𢯎生果店長期贊助,之後被網民取笑她連幾百元的生果錢都唔放過。

至於馮盈盈,就有新鮮滾熱辣得罪姜糖事件,在節目記者會對住疑扮姜濤的鄧智堅話:「夠膽嚟踩場......拍到係變薑蓉!」,結果惹怒萬千姜糖,洗版式留言鬧爆,之後以為放姜濤合照扮粉絲補鑊,卻被網民踢爆IG根本沒follow MIRROR及姜濤,越兜越出醜。
二人由昔日好姊妹,到今日會不時隔空互寸,擺明有心病。
二人由昔日好姊妹,到今日會不時隔空互寸,擺明有心病。
雖然兩個友情不再,但彼此一樣是非多多。
雖然兩個友情不再,但彼此一樣是非多多。

----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多