• 鍾培生HEA待心機女 對緋聞女星好尊重:佢哋係明星,唔係出嚟撈|每月限打兩次飛機

  • 發布日期:2021-04-05 00:01

 

與林作一場價值百萬的「林鍾大戰」拳賽,令「鍾培生」這個名字,近月不時出現在娛樂版,早前鍾培生又「焫㷫」杜汶澤,引發他與杜汶澤夫婦隔空開火,左一句「蝕X死你」,右一句「行X開啦」,作為拳賽前的「花生」頭盤,網民吃得相當過癮。

30歲的鍾培生,性格我行我素,相當惹火,是「工廈大王」鍾江海孫兒,家住淺水灣獨立屋豪宅,正宗含著「金鎖匙」出生。非一般的家境,二字頭已經不靠家蔭打造估值近3億元的電競公司,自然吸引不少異性埋身,但他卻稱:「大把人當我水魚啦,額頭寫住水魚兩個字,咩嘢富三代,淨係游水快。」

早前鍾培生投資電影《PTGF》,並大搞試鏡會,難免被網民視為「識女」黃金機會,但鍾培生卻稱:「我對公私分得好清楚,反而會少啲咁樣做。好多人都會話有錢仔鍾意結識明星,但有嘅話,你哋記者朋友每日都跟住我啦,點會有咁着數,到今日都無俾人影到,就即係無啦,你估記者們真係傻嘅咩。」

明星唔係出係撈

明星唔係出係撈

雖然口裡說不,身體很誠實,鍾培生旗下的YouTube頻道,不時見他約靚女拍片,陳嘉倩、陳婉衡、簡淑兒等都曾經陪他「出遊」,他甚至曾揚言包下紅館畀陳嘉倩報天氣,不過鍾培生就否認「別有用心」:「如果一認識妳就想氹你上床,你都會覺得呢個人係變態佬。對方係明星嘛,唔係出嚟撈,所以互相尊重都係好緊要。」他其後再補充,是想幫助素人增加曝光率。

襄王無心,但神女有夢,鍾培生坦言過去有不少女仔主動埋身:「你揀人時人揀你,埋身嗰啲通常都唔正嘅。」他指曾有不少埋身「搵著數」的「有心人」,鍾培生說:「我心諗你都戇X嘅,我醒過你啦。我只會笑笑口聽吓佢講咩,得閒嘅話就聽吓佢講,唔得閒的話就索性唔回覆,好多時有啲人真係X你都費事。」有時候他更會出動「三句對白」hea應對方,包括「嗯」、「唔」及「會好睇」,鍾培生笑說:「你都無癮啦。」]

鍾培生又列出交友三大條件,包括「令思維進步,學到好多嘢」、「畀好多錢我使」及「以身相許的超級靚女」。鍾培生直言:「除咗呢三樣之外,又俾唔到其他着數我,我點解要同你玩,你都黐線嘅。」他指目前搵女朋友,最重要是「樣靚身材正,聰明。」,他進一步解釋其「女友守則」:「我唔係想搵隻豬返嚟,然後同佢講嘢,例如今日公司有新嘅交易,有幾位投資者,今次價錢可能唔係好啱,即係你講一堆咁嘅說話,佢都只係問番你食飯未,話聽到一堆數字個頭好痛,呢啲就真係唔得。一定要聰明,樣靚身材正同埋聰明,同時可以幫我解決身邊問題,唔一定係工作問題,可以係私生活、情緒嘅問題,令我進步嘅人,我都會好欣賞」。
早前與杜汶澤隔空罵戰,鍾培生指對方「搲撈」。
早前與杜汶澤隔空罵戰,鍾培生指對方「搲撈」。
與林作的百萬「林鍾之戰」,令鍾培生近期成為熱門娛樂新聞人物。
與林作的百萬「林鍾之戰」,令鍾培生近期成為熱門娛樂新聞人物。
早年不靠家蔭,憑搞電競公司累積個人財富,估值達3億港元。
早年不靠家蔭,憑搞電競公司累積個人財富,估值達3億港元。
每月限打兩次飛機

每月限打兩次飛機

鍾培生無拖拍卻自稱性慾強,早前為備戰宣布賽前3個月要「禁慾」,他急忙澄清:「其實禁慾呢件事我真係想澄清一下,我一向都話男性賀爾蒙好多好厲害,而嗰次宣傳電影時有人問我,係咪真係為咗比賽而禁慾,我話係呀,打拳前真係要禁慾。然後就有一堆問題,例如問我性慾係咪好強,性能力係咪好厲害,一堆呢啲新聞,我都唔知點樣回答,只係話識得神龍擺明,打拳嘅稱號係The Almighty Dragon,好厲害。我心諗娛記問我性能力係咪好厲害,真係唔識得點樣答你,係咪要自拍性器官再傳番俾你哋睇?」至於「禁慾」,鍾培生就表示「來真的」:「禁呀,好慘呀,我而家甚至發誓,如果一個月打多過兩次飛機的話,我係會輸俾林作。」

今次投資「林鍾大戰」拳賽接近1千萬,有指他已定最高3萬港元票價,鍾培生對此否認,他以歌手Serrini的2萬8千元票價作為定價「標準」,他說:「其實我係無定過拳賽票價,因為到今時今日,腦海中有個range,但由於自己對數字好嚴謹,我連座位表都未有,咁點樣定價?我話Serrini都賣到二萬八啦,我一定會比佢貴少少。」
鍾培生不時邀請美女到其頻道亮相。
鍾培生不時邀請美女到其頻道亮相。
除了陳嘉倩,簡淑兒亦曾在鍾培生的頻道中現身。
除了陳嘉倩,簡淑兒亦曾在鍾培生的頻道中現身。
鍾培生指自己支持香港電影業,有份投資電影《PTGF》。
鍾培生指自己支持香港電影業,有份投資電影《PTGF》。
母親恐兒子打死人
母親恐兒子打死人
問鍾培生的父母對他的「高調」有沒有意見時,鍾培生指他們沒有太大意見,他說:「只係話尊重番佢哋嘅私隱,所以今日都叫你哋唔好影到爸爸媽媽,佢尊重我嘅高調,我都會尊重番佢哋,唔好騷擾到佢哋,所以你見到我爸媽從來唔接受訪問。」不過鍾培生母親擔心兒子會「打死人」,父親則相當支持,鍾培生說:「爸爸就當然係叫我打佢啦。」未知到時鍾培生父母會否在賽邊一起大叫:「打低林作」呢?
鍾培生為9月拳賽備戰,揚言要禁慾,每月只限最多自瀆兩次。
鍾培生為9月拳賽備戰,揚言要禁慾,每月只限最多自瀆兩次。
鍾培生擇偶條件除了靚之外,還要夠聰明。
鍾培生擇偶條件除了靚之外,還要夠聰明。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多