• 吳耀漢自爆父親撈偏起家 愛吸食鴉片:嗰時好普遍|有份創辦九巴及九龍殯儀舘

  • 發布日期:2021-03-28 16:45
  • 吳耀漢自爆父親撈偏起家 愛吸食鴉片:嗰時好普遍|有份創辦九巴及九龍殯儀舘

 

吳耀漢分別54歲52歲的大女與二女,因懷疑涉毒,日前先後被海關拘捕。案發前,吳耀漢接受車淑梅港台節目《舊日的足跡》訪問,他自爆父親吳海霖當年撈偏門致富,有吸食鴉片的習慣。他說:「嗰時好普遍,好多做戲都有呢舖癮。」

其父有份創辦九巴及九龍殯儀舘,當年有頭有面。吳家位於山林道大宅,經常有明星、名人到訪。

「有張英、梁醒波、新馬仔之類嚟,李小龍都行埋一邊,而家成龍同佢哋比較都係行埋一邊。」他說。

「我爸爸撈偏門,屋企有16個兄弟,4個媽咪,我媽咪排第二,喺我8歲時拜拜咗,你諗吓屋企有3個媽咪,仲有佢哋仔女,嗰啲鬥爭做到出面。」吳耀漢說。

吳耀漢笑言不明白為何父親吸食鴉片,仍能兼顧繁重生意。

「初初入行時,陳惠敏就話跟我老竇搵食;同董驃拍戲時,佢又話幫我老竇啲馬晨操,之後聽講話我老竇拎住個藤喼入去馬場做外圍。」

跟第二任的外籍太太Susan於70年回流香港,但一直沒接手父親生意。
跟第二任的外籍太太Susan於70年回流香港,但一直沒接手父親生意。
吳耀漢女兒日前被海關在其寓所發現大麻種植場而被捕。(蘋果日報)
吳耀漢女兒日前被海關在其寓所發現大麻種植場而被捕。(蘋果日報)
 15歲時到英國讀書,吳耀漢曾嘗試打入英國演藝圈。
15歲時到英國讀書,吳耀漢曾嘗試打入英國演藝圈。
拒絕接手賭業

拒絕接手賭業

吳耀漢指童年時,完全沒有察覺自己生於大富之家。15歲時到英國讀書,他才突然明白四兄弟去英國最貴寄宿學校升學,全因父親有米。他其中兩位哥哥完成醫科,但他讀了一年牙醫便轉為修讀戲劇。

畢業後,吳耀漢不理父親反對,娶了外籍太太。他說:「老竇諗住我讀唔成醫,都可以返嚟幫佢打理賭業,不過我梗係唔會。」

後來父親以脫離關係威脅,但他堅持結婚,「呢件事之後無耐佢就拜拜埋。」

問到跟父親脫離關係,是否失去遺產承繼權也沒所謂?他說:「唔係,你冇畀詳細資料我,係代表幾多錢呀?係你畀我嗰份代表幾多錢?唔知喎﹗你點會覺得係捐失,你都唔知捐失乜。」

可惜第一段婚姻為何只維持半年,25歲時結第二次婚,娶了英籍的Susan,1970年跟她一齊返港,二人育有三女一子,恩愛至今。

車淑梅在FB表示,有人曾要求將吳耀漢的訪問延期播出,但她反對:「今早播放專訪之前,有外面聲音要我考慮延後播出……我並不同意,原因錄音在事發前,而且吳耀漢哥哥本人的故事充滿正能量,況且事件未清楚,我想無論怎的事情也不應牽連父母……多謝您的支持!」
回港拍喜劇,吳耀漢跟岑建勳在電影中經常成為拍檔。
回港拍喜劇,吳耀漢跟岑建勳在電影中經常成為拍檔。
 80及90年代,吳耀漢活躍影圈。
80及90年代,吳耀漢活躍影圈。
 吳耀漢與現任太太Susan育有三女一子。
吳耀漢與現任太太Susan育有三女一子。
 吳家龍比父親有型,可惜一直發展不大。
吳家龍比父親有型,可惜一直發展不大。

----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多