• 批搞《喱騷》「輸X死佢」焫㷫杜汶澤 鍾培生爆阿澤錄音撐打林作:講咁多廢話,咪又係搲撈

  • 發布日期:2021-03-28 15:47

 

鍾培生(Derek)與林作的「林鍾大戰」,雖然9月先上台,不過花生食極都有。早前杜汶澤在其社交平台指「林鍾大戰」是「小丑打交」,之後鍾培生反擊指杜汶澤搞的《喱騷》蝕硬,直言:「戇XX輸X死佢呀。」

一手經營的《喱騷》被「睇死」,身為老闆兼CEO的杜汶澤自然發火,隔空向鍾培生開火,爆粗鬧鍾培生:「我檔嘢好唔好生意使X話你知呀?我係OnX鍾意開個台拍嘢畀香港人睇你吹X得我脹呀?你開個嚟睇吓,睇下有冇X人幫襯你啊!」之後索性叫鍾培生「企X開啲啦~」杜太田蕊妮也開腔護夫:「杜先生呢一種勇氣同行動唔係人人都有,而我最近聽到自從我哋搞咗呢個app之後有其他人都想搞喎!最後本人亦預祝你同林先生嘅拳賽大賣唔會輸啦!」大方回應贏得不少網民讚好。

日前,鍾培生接受《壹》仔訪問,他回應事件指是杜汶澤「無啦啦走嚟焫我」,他說:「咁啱其實我有好多嘢想講,有兩個app我想講好耐,一個係《big big channel》,一個係《喱騷》,咁big big channel我又同好多TVB人好friend,就梗係唔敢得罪大台,同《喱騷》河水不犯井水,我做乜無啦啦講你啲嘢,你無啦啦衝出嚟,咁我咪理佢兩句囉。」

鍾培生又暗示有人為「搲撈」而「焫火頭」,他語帶雙關地說:「今時今日個個都搲撈,你排吓隊先啦,杜汶澤都有send錄音畀啲friend話支持我打林作,我得閒再po出嚟,你講咁多廢話,咪又係搲撈,排隊啦,我而家新聞量咁多,我都未有時間去應付你。」

鍾培生否認自己是個容易「著」的人,他說「佢(杜汶澤)有流量,我實覆你,你無流量睇吓我覆唔覆你,大把戇x仔成日問我攞100萬,我叫你入嚟畀我打,我畀返車錢你我都覺得蝕底,what the fxxk are you。」鍾培生直指杜汶澤比他更「著」,他說:「佢edit咗po 14次。」連編輯次數都有check,看來聲稱無被「焫著」的鍾培生,十分留意對手動態。

鍾培生與林作的拳賽9月才舉行,不過近日卻火頭處處。
鍾培生與林作的拳賽9月才舉行,不過近日卻火頭處處。
杜汶澤早前出po問網民,指有錢會支持港產片,還是看「小丑打交」。
杜汶澤早前出po問網民,指有錢會支持港產片,還是看「小丑打交」。
杜汶澤鬧爆鍾培生,指《喱騷》生意多少不關鍾培生的事。
杜汶澤鬧爆鍾培生,指《喱騷》生意多少不關鍾培生的事。
杜太田蕊妮發文撐丈夫。
杜太田蕊妮發文撐丈夫。
不少網民大讚田蕊妮的回應夠得體。
不少網民大讚田蕊妮的回應夠得體。
----------------------------

壹週刊 31年 和你壹路同行

回顧《壹週刊》31年走過的路

----------------------------

和你壹起撐徽章 良心商店及網店有售

了解更多

-----------------------------

守住新聞自由 和你撐壹週刊計劃 每月港幣$300起

按此了解更多